UDutheronomi 2:25 - IBhayibhili Elingcwele LesiNdebele

²⁵ Kusukela lamuhla ngizaqalisa ukuthelela izizwe zonke ngaphansi kwezulu ukukwesaba. Zizakuzwa indumela yakho zethuke zesabe zihlukuluzeke ngenxa yakho.’

iBhayibhili Elingcwele 1978

²⁵ Kusukela lamhla ngizakwenza abantu bonke abangaphansi komthunzi welanga batshaywe luvalo, balesabe, lokuthi lapho besizwa ngani bathuthumele, baqhaqhazele ngenxa yenu.

UDutheronomi 2:25 Referans Kwoze

UDutheronomi 11:25

Kakho ozamelana lani. UThixo uNkulunkulu wenu, njengokulithembisa kwakhe, uzaletha ukuthuthumela ngani lokulesaba elizweni lonke, ngaphi langaphi elihamba khona.

UDutheronomi 28:10

Ngalokho bonke abantu emhlabeni bazabona ukuthi lina libizwa ngebizo likaThixo, balesabe.

U-Eksodasi 23:27

Ngizathumela uchuku lwami phambi kwenu njalo ngisanganise zonke izizwe elizahlangana lazo. Ngizakwenza zonke izitha zenu zifulathele zilibalekele.

Isambulo 3:9

Ngizakwenza labo abangabesinagogu likaSathane, abathi bangamaJuda bona bengayisiwo, kodwa beqamba amanga beze kuwe bawele phansi ngasezinyaweni zakho bavume ukuthi ngikuthandile.

AmaHubo 105:38

IGibhithe yathokoza ngokusuka kwabo, ngoba base bemesaba kubi u-Israyeli.

UJoshuwa 9:24

Baphendula uJoshuwa bathi, “Izinceku zakho zatshelwa mgceke ukuthi uThixo uNkulunkulu wenu walaya njani inceku yakhe uMosi ukuthi alinike ilizwe lonke lokuthi litshabalalise bonke ababakhele kulo lina lingakafiki. Ngakho-ke sesabela impilo zethu ngenxa yenu, yikho okwenze senza lokhu.

UJeremiya 33:9

Ngakho idolobho leli lizangilethela indumela, ukuthokoza, lokubongwa kanye lodumo phambi kwezizwe zonke emhlabeni ezizwa ngezinto zonke ezinhle engizenzela lona; njalo zizakwesaba ziqhaqhazele ngenxa yokuphumelela okukhulu lokuthula engizakuletha kulo.’

UGenesisi 35:5

Emva kwalokho basebesuka, ukumesaba uNkulunkulu kwehlela imizi yonke ababakhelane layo, akwaze kwaba loyedwa owaxotshana labo.

1 ImiLando 14:17

Yikho udumo lukaDavida lwanda lwafinyelela kuwo wonke amazwe, uThixo wenza izizwe zonke zimesabe.

AmaNani 22:3

ngakho uMowabi wesaba ngoba abantu bako-Israyeli babebanengi kakhulu. Ngempela uMowabi watshaywa luvalo ngenxa yokwesaba abako-Israyeli.

UJoshuwa 10:2

Yena labantu bakhe besaba kakhulu ngalokhu, ngenxa yokuthi iGibhiyoni kwakulidolobho eliqakatheke kakhulu, njengelinye lamadolobho esikhosini; lalilikhulu kule-Ayi, njalo amadoda alo wonke ayezingwazi ezilamandla.