UDutheronomi 16:6 - IBhayibhili Elingcwele LesiNdebele

⁶ ngaphandle kwalapho azakhetha khona ukuba kube yindawo yeBizo lakhe. Kulapho elizakwenzela khona umhlatshelo wePhasika ntambama, ekutshoneni kwelanga, kuyisikhumbuzo selanga elasuka ngalo eGibhithe.

iBhayibhili Elingcwele 1978

⁶ kodwa kuphela endaweni iNkosi uNkulunkulu wenu ezakuyikhetha ukuba idunyiselwe kiyo. Nikelani khona umhlatshelo wePhasika ekutshoneni kwelanga, ngesikhathi elaphuma ngaso eGibithe.

UDutheronomi 16:6 Referans Kwoze

UDutheronomi 12:5

Kodwa lizadinga indawo uThixo uNkulunkulu wenu azayikhetha phakathi kwazo zonke izizwana zenu, ukuze abeke iBizo lakhe lapho, ahlale khona. Kumele liye kuleyondawo;

AmaHebheru 9:26

Ngakho uKhristu wayezahlupheka kanengi kusukela ekudalweni komhlaba. Kodwa khathesi usebonakale kanye kuphela ekupheleni kwezikhathi ukuba asuse isono ngomhlatshelo onguye.

UMatewu 26:20

Kwathi kusihlwa, uJesu wayehlezi eyeme etafuleni elabalitshumi lambili.

AmaNani 9:11

Bangagcina lumkhosi kusihlwa ngosuku lwetshumi lane lwenyanga yesibili. Kabadle iwundlu, kanye lesinkwa esingelamvubelo lemibhida ebabayo.

AmaNani 9:3

Gcinani umkhosi walo ngesikhathi esimisiweyo, kusihlwa ngosuku lwetshumi lane lwayonale inyanga, ngokwezimiso kanye lemithetho yawo.”

U-Eksodasi 20:24

Ngakhelani i-alithari ngomhlabathi lenzele kulo umhlatshelo womnikelo wokutshiswa, leminikelo yobudlelwano, izimvu lembuzi kanye lenkomo zenu. Loba kungaphi lapho engizakwenza ibizo lami lihlonitshwe khona, ngizakuza kini ngilibusise.

UDutheronomi 16:5

Linganikeli okwePhasika loba kukuliphi idolobho uThixo uNkulunkulu wenu azalinika lona