Izililo 1:4 - IBhayibhili Elingcwele LesiNdebele

⁴ Iyalila imigwaqo eya eZiyoni, ngoba kasekho ozayo emikhosini yalo emisiweyo. Wonke amasango alo asekhohlakele, abaphristi balo bayabubula, amantombazana alo ayagomela, lona lidabukile kakhulu.

iBhayibhili Elingcwele 1978

⁴ Imigwaqo eya eZiyone iyalila, ngoba kakho ozayo kulo emikhosini emisiweyo. Emasangweni alo kakulabantu, labapristi balo bayabubula. Intombi zalo ziyahlupheka. Liyahlupheka kakhulu.

Izililo 1:4 Referans Kwoze

UJeremiya 9:11

“IJerusalema ngizalenza libe yinqumbi yonxiwa, isikhundla samakhanka, njalo ngizawadiliza amadolobho akoJuda ukuze kungabikhona ohlala kuwo.”

UJeremiya 14:2

“UJuda uyalila, amadolobho akhe ayahlupheka; alilela ilizwe, njalo isililo siyaqonga sivela eJerusalema.

UJeremiya 10:22

Lalelani! Umbiko uyeza, ukuxokozela okukhulu okuvela elizweni lenyakatho! Kuzakwenza amadolobho akoJuda achitheke, abe yizikhundla zamakhanka.

UMikha 3:12

Ngakho-ke ngenxa yenu, iZiyoni izalinywa njengensimu, iJerusalema izakuba yinqwaba yemfucuza, intaba yethempeli ibe yindunduma eyande izixukwana.

Izililo 5:13

Izinsizwa ziyahoqiswa ematsheni okuchola; abafana babhensiswa yimithwalo yenkuni.

U-Isaya 3:26

Amasango aseZiyoni azakhala alile, kuthi yona ihlale phansi ichithekile.

Izililo 1:21

Abantu bakuzwile ukububula kwami, kodwa kakho ongangiduduza. Zonke izitha zami zikuzwile ukuhlupheka kwami; ziyathokoza ngalokhu okwenzileyo. Sengathi ungalufikisa lolusuku owalumisayo, ukuze labo babe njengami.

ULevi 26:22

Ngizalithumela izilo zeganga, ezizalemuka abantwabenu, zibulale inkomo zenu, zilenze libe balutshwana, imigwaqo yenu ize isale ingaselamuntu.

Izililo 5:14

Abadala sebesukile esangweni lomuzi; izinsizwa sezithule ukuhlabelela.

UHosiya 2:13

Ngizamjezisela insuku atshisela ngazo oBhali impepha; wazicecisa ngamasongo langamangqongqo, walandela izithandwa zakhe, kodwa mina wangikhohlwa,” kutsho uThixo.