Isambulo 19:1 - IBhayibhili Elingcwele LesiNdebele

¹ Emva kwalokhu ngezwa umsindo onjengokuhlokoma kwexuku elikhulu ezulwini limemeza lisithi: “Haleluya! Ukusindisa lodumo lamandla ngokukaNkulunkulu wethu

iBhayibhili Elingcwele 1978

¹ Emva kwalokho ngezwa kungathi yilizwi elikhulu lexuku elikhulu ezulwini lisithi: Haleluya! Ukunqoba, lobukhosi, lamandla kungokukaNkulunkulu wethu,

Isambulo 19:1 Referans Kwoze

Isambulo 11:15

Ingilosi yesikhombisa yakhalisa icilongo layo kwasekusiba lamazwi amakhulu ezulwini, ayesithi: “Umbuso wasemhlabeni usube ngumbuso weNkosi yethu loKhristu wayo, njalo izabusa kuze kube nininini.”

1 ImiLando 29:11

Bungobakho, Oh Thixo, ubukhulu lamandla lodumo lobukhosi lenkazimulo, ngoba konke okusezulwini lokusemhlabeni kungokwakho. Bungobakho, Oh Thixo, ubukhosi; uphakeme wena phezu konke.

UMatewu 6:13

Njalo ungasingenisi ekulingweni, kodwa usisindise komubi.’

Isambulo 19:6

Ngabuya ngezwa okwakungathi lixuku elikhulu, kunjengokuhlokoma kwamanzi agelezayo lanjengokukhwaza kwezulu besithi: “Haleluya! Ngoba iNkosi yethu uNkulunkulu uSomandla uyabusa.

Isambulo 12:10

Ngasengisizwa ilizwi elikhulu ezulwini lisithi: “Khathesi ukusindiswa sekufikile lamandla kanye lombuso kaNkulunkulu wethu kanye lobukhosi bukaKhristu wakhe. Ngoba umangaleli wabazalwane bethu, obamangalelayo phambi kukaNkulunkulu wethu emini lebusuku, usephoselwe phansi.

AmaHubo 148:1

Dumisani uThixo. Dumisani uThixo emazulwini, mdumiseni eziqongweni ngaphezulu.

UJona 2:9

Kodwa mina, ngizakuthi ngihlabela ingoma yokubonga ngenze umhlatshelo kuwe. Engikufungileyo ngizakugcwalisa. Insindiso ivela kuThixo.”

AmaHubo 150:1

Dumisani uThixo. Dumisani uNkulunkulu endlini yakhe engcwele; mdumiseni emazulwini Akhe amakhulu.

AmaHubo 146:1

Dumisani uThixo. Dumisa uThixo mphefumulo wami.

AmaHubo 115:18

yithi esimbabazayo uThixo, khona manje kanye laphakade. Dumisani uThixo.

AmaHubo 106:1

Dumisani uThixo. Bongani uThixo, ngoba ulungile; uthando lwakhe lumi lanini.

AmaHubo 3:8

KuThixo kuvela insindiso. Sengathi isibusiso Sakho singaba sebantwini Bakho.

AmaHubo 149:1

Dumisani uThixo. Hlabelelani uThixo ingoma entsha, indumiso yakhe ebandleni labathembekileyo.

AmaHubo 111:1

Dumisani uThixo. Ngizambabaza uThixo ngenhliziyo yami yonke enkundleni yabaqotho lasemhlanganweni.

AmaHubo 62:11

Yinye into uNkulunkulu ayikhulumileyo, zimbili izinto engizizwileyo, ukuthi amandla wonke ngawakho wena, Oh Nkulunkulu.

AmaHubo 104:35

Kodwa sengathi izoni zinganyamalala emhlabeni lezigangi zingabe zisaba khona. Dumisa uThixo, Oh Mphefumulo wami. Dumisa uThixo, Oh Mphefumulo wami.

UJeremiya 51:48

Lapho-ke izulu lomhlaba lakho konke okukukho kuzamemezela intokozo ngeBhabhiloni, ngoba abachithi bazayihlasela bevelela enyakatho,” kutsho uThixo.