Isambulo 18:21 - IBhayibhili Elingcwele LesiNdebele

²¹ Ingilosi elamandla yasidobha ilitshe elingangembokodo enkulu yaliphosela olwandle, yathi: “Idolobho elikhulu laseBhabhiloni lizaphoselwa phansi, ngodlakela olunje, lingaphindi libonakale futhi.

iBhayibhili Elingcwele 1978

²¹ Isithunywa esilamandla safukula ilitshe elinjengelokuchola, saliphosela olwandle sisithi: Ngokunjalo iBabiloni umuzi omkhulu lizakuphoselwa phansi ngamandla, lingabe lisafunyanwa.

Isambulo 18:21 Referans Kwoze

UHezekhiyeli 26:21

Ngizakwenza ukucina kwakho kube ngokwesabekayo uhle utshabalale. Uzadingwa, kodwa ungatholakali futhi, kutsho uThixo Wobukhosi.”

Isambulo 5:2

Ngabuya ngabona ingilosi elamandla imemeza ngelizwi eliphakemeyo isithi, “Ngubani ofanele ukuqhaqha impawu avule umqulu na?”

Isambulo 20:11

Ngabuya ngabona isihlalo sobukhosi esikhulu kanye lalowo owayehlezi kuso. Umhlaba lomkhathi kwabaleka phambi kwakhe, akwaze kwaba lendawo yakho.

Isambulo 18:22

Umculo wabatshayi bamachacho labahlabeleli labatshayi bemihlanga lamacilongo, kawusoze uzwakale kuwe futhi. Akukho sisebenzi lesawuphi umsebenzi esizatholakala kuwe futhi. Umsindo wembokodo kawusoze uzwakale kuwe futhi.

Isambulo 16:20

Izihlenge zonke zabaleka kwathi izintaba zanyamalala.

Isambulo 12:8

Kodwa wawungelamandla kangako njalo wona lezingilosi zawo balahlekelwa yindawo yabo ezulwini.

UDanyeli 11:19

Ngemva kwalokhu izabuyela ezinqabeni zelizwe layo kodwa izakhubeka iwe, ingaphindi ibonakale futhi.

UJobe 20:8

Njengephupho uyanyamalala angabe esabonwa njalo, axotshwe njengombono webusuku.

Isambulo 18:10

Azesaba ngenxa yokuhlukuluzwa kwalo eme khatshana akhale esithi: Maye! Maye, Oh dolobho elikhulu, Oh Bhabhiloni, dolobho lamandla! Ngehola linye nje incithakalo yakho ifikile!

Isambulo 10:1

Ngabuya ngabona enye ingilosi elamandla isehla ivela ezulwini. Yayembethe iyezi kulomchilo wamakhosikazi ngaphezu kwekhanda layo; ubuso bayo babunjengelanga; imilenze yayo injengensika zomlilo.

AmaHubo 37:36

kodwa waphanga wafa kabe esabakhona; ngathi loba sengimdinga ngamswela.

UNehemiya 9:11

Walwehlukanisa ulwandle phambi kwabo, ukuze bedlule kulo emhlabathini owomileyo, kodwa waphosela labo ababebaxhuma ekujuleni, njengelitshe liphoselwa ethwaceni lwamanzi.

U-Eksodasi 15:5

Inziki zamanzi zibagubuzele; batshona ekujuleni njengelitshe.