Isambulo 17:17 - IBhayibhili Elingcwele LesiNdebele

¹⁷ Ngoba uNkulunkulu ubeke ezinhliziyweni zazo ukuba afeze injongo yakhe ngokuvuma ukunika isilo amandla azo okubusa amazwi kaNkulunkulu aze agcwaliseke.

iBhayibhili Elingcwele 1978

¹⁷ Ngoba uNkulunkulu ukufakile enhliziyweni zazo ukuba zenze icebo lakhe ngokubamqondo munye, zinike umbuso wazo esilweni, kuze kugcwaliseke amazwi kaNkulunkulu.

Isambulo 17:17 Referans Kwoze

Isambulo 10:7

Kodwa ngezinsuku lapho ingilosi yesikhombisa isizakhalisa icilongo layo imfihlakalo kaNkulunkulu izafezeka njengokutsho kwakhe ezincekwini zakhe abaphrofethi.”

2 AbaseKhorinte 8:16

Kabongwe uNkulunkulu owabeka enhliziyweni kaThithu ukukhathazeka kunye engilakho ngani.

UJohane 13:2

Kwathi kudliwa ukudla kwakusihlwa, uSathane wayevele esemtshutshisile uJudasi Iskariyothi, indodana kaSimoni, ukuthi anikele uJesu.

UJeremiya 32:40

Ngizakwenza labo isivumelwano esingapheliyo: Angiyikuyekela ukwenza okuhle kubo, ngizabafunzelela ukuba bangesabe, ukuze bangangideli.

Izaga 21:1

Inhliziyo yenkosi isezandleni zikaThixo, uyiholela lapho athanda khona njengomsele wamanzi.

U-Ezra 7:27

Udumo kalube kuThixo, uNkulunkulu wabokhokho bethu, okufakileyo enhliziyweni yenkosi ukuletha inhlonipho endlini kaThixo eJerusalema ngale indlela

Isambulo 17:13

Alenjongo yinye njalo azakupha isilo amandla awo kanye lelungelo.

UJohane 13:18

“Kangikhulumi ngani lonke; ngiyabazi labo esengibakhethile. Kodwa lokhu kuyikugcwalisa umbhalo othi: ‘Lowo obesidla lami isinkwa usengihlamukele.’

ULukha 22:22

INdodana yoMuntu izahamba njengoba kumisiwe, kodwa maye kulowomuntu oyinikelayo.”

AmaHubo 105:25

kwathi inhliziyo zabo wazenza zazonda abantu bakhe, bakha amacebo amabi ngezinceku zakhe.

Isambulo 15:1

Ezulwini ngabona esinye isibonakaliso esikhulu lesimangalisayo: Izingilosi eziyisikhombisa zilezifo zokucina eziyisikhombisa, ezokucina ngoba ngazo ulaka lukaNkulunkulu luyapheleliswa.

UJohane 19:28

Ngemva kwalesosikhathi, uJesu esesazi ukuthi konke kwasekuphelele njalo ukuze umbhalo ugcwaliseke, wathi, “Ngomile.”

UJohane 19:24

Bacebisana bathi, “Kasingasidabuli. Kasikhetheni ngenkatho ukuthi sibe ngesikabani.” Lokhu kwenzakala ukuze kugcwaliseke umbhalo owathi: “Babelana izembatho zami benza inkatho ngezigqoko zami.” Yikho lokhu amabutho akwenzayo.

UJohane 10:35

Nxa wababiza ngokuthi ‘ngonkulunkulu,’ bona labo ilizwi elafika kubo, njalo uMbhalo kawephulwa

ULukha 22:37

Kulotshiwe ukuthi, ‘Wabalwa ndawonye lezoni’; njalo ngiyalitshela ukuthi lokhu kumele kugcwaliseke kimi. Yebo, lokho okubhaliweyo ngami sekufika ekugcwalisweni kwakho.”

ULukha 22:3

USathane wasengena kuJudasi owayethiwa ngu-Iskariyothi, omunye wabalitshumi lambili.

UDanyeli 12:7

Indoda eyayigqoke ilineni, eyayiphezulu kwamanzi omfula yaphakamisela isandla sayo sokunene lesandla sayo sokhohlo ezulwini, ngayizwa ifunga ngaye ohleziyo laphakade, isithi, “Kuzakuba ngokwesikhathi, izikhathi lengxenye yesikhathi. Lapho amandla abantu abangcwele eseze afohlozwa, zonke lezi izinto zizapheleliswa.”

U-Isaya 45:17

Kodwa u-Israyeli uzasindiswa nguThixo ngensindiso engapheliyo; kaliyikuyangiswa kumbe libe lehlazo kuze kube nininini.

Izaga 19:21

Inhliziyo yomuntu igcwele amacebo amanengi, kodwa yisimiso sikaThixo esimayo.

Isambulo 6:11

Lapho-ke omunye lomunye wayo waphiwa isembatho esimhlophe ukuba alinde okwesikhatshana, inani lezinceku ezingabakhula bayo labazalwane ababezabulawa njengayo lize liphelele.

Isambulo 19:9

Ingilosi yasisithi kimi, “Loba ukuthi: Babusisiwe labo abanxusiweyo edilini lomtshado weWundlu!” Yengeza yathi, “La ngamazwi aqotho kaNkulunkulu.”