Isambulo 15:3 - IBhayibhili Elingcwele LesiNdebele

³ behlabela ingoma kaMosi inceku kaNkulunkulu kanye lengoma yeWundlu besithi: “Mikhulu iyamangalisa imisebenzi yakho Nkosi Nkulunkulu Somandla. Zilungile njalo ziqotho izindlela zakho, Nkosi yezikhathi zonke.

iBhayibhili Elingcwele 1978

³ Bahlabela ingoma kaMose inceku kaNkulunkulu lengoma yeWundlu besithi: Mikhulu, iyamangalisa imisebenzi yakho, Nkosi Nkulunkulu, Somandla; zilungile, ziqotho izindlela zakho, Nkosi yazo zonke izikhathi.

Isambulo 15:3 Referans Kwoze

AmaHubo 111:2

Mikhulu imisebenzi kaThixo; isemicabangweni yabo bonke abathokoza ngayo.

AmaHubo 139:14

Ngiyakudumisa ngokuthi ngabunjwa ngesimanga esesabekayo; iyamangalisa imisebenzi yakho, lokho ngikwazi kamhlophe.

AmaHubo 145:17

UThixo ulungile kuzozonke izindlela zakhe njalo uthembekile kukho konke akwenzayo.

AmaHebheru 3:5

“UMosi wayethembekile njengenceku kuyo yonke indlu kaNkulunkulu,” efakaza lokho okwakuzatshiwo ensukwini ezizayo.

U-Isaya 33:22

Ngoba uThixo ungumahluleli wethu, uThixo usinika imithetho, uThixo yinkosi yethu; nguye ozasikhulula.

UHosiya 14:9

Ngubani ohlakaniphileyo? Uzazibona lezizinto. Ngubani oqedisisayo? Uzazizwisisisa. Izindlela zikaThixo zilungile abalungileyo bahamba kuzo, kodwa abahlamuki bayakhubeka kuzo.

UZakhariya 9:9

Thokoza kakhulu, wena Ndodakazi yaseZiyoni! Memeza, Ndodakazi yaseJerusalema! Khangela, inkosi yakho iyeza kuwe, iza ilungile ilensindiso, imnene, ihamba igade ubabhemi, iphezu kwenkonyane, inkonyane kababhemi.

UJohane 1:17

Ngoba umthetho walethwa ngoMosi; umusa leqiniso kweza ngoJesu Khristu.

AmaHubo 100:5

Ngoba uThixo ulungile lothando lwakhe lumi kuze kube phakade; ukuthembeka kwakhe kumi kuzozonke izizukulwane.

UGenesisi 17:1

U-Abhrama eseleminyaka engamatshumi ayisificamunwemunye lasificamunwemunye yobudala, uThixo wabonakala kuye wathi, “NginguNkulunkulu uSomandla; hamba ngokwethembeka phambi kwami, ungasoleki.

Isambulo 19:2

ngoba ukwahlulela kwakhe kuqotho njalo kulungile. Usilahlile isiphingi esikhulu esaxhwalisa umhlaba ngobufebe baso. Uphindisele kuso igazi lezinceku zakhe.”

Isambulo 14:3

Bahlabela ingoma entsha phambi kwesihlalo sobukhosi laphambi kwezidalwa ezine eziphilayo kanye laphambi kwabadala. Kakho owayengayifunda ingoma leyo ngaphandle kwaba zinkulungwane ezilikhulu lamatshumi amane lane (144,000) ababehlengwe emhlabeni.

UDutheronomi 31:30

Ngakho uMosi wawaphinda amazwi engoma leyo kusukela ekuqaleni kusiya ekuphetheni ibandla lonke lako-Israyeli lilalele:

Isambulo 17:14

Azakulwa impi leWundlu, kodwa iWundlu lizawanqoba ngoba liyiNkosi yamakhosi loMbusi wababusi, njalo lizabe lilababiziweyo balo abangabalandeli abakhethiweyo labathembekileyo.”

Isambulo 11:17

besithi: “Siyakubonga Nkosi Nkulunkulu Somandla, onguye okhona lowayekhona, ngoba usuwathethe amandla akho amakhulu njalo usuqalisile ukubusa.

Isambulo 4:8

Esinye lesinye salezozidalwa eziphilayo sasilempiko eziyisithupha njalo sigcwele amehlo amacele wonke, kanye langaphansi kwempiko. Emini lebusuku kazizange zithule ukuthi: “ ‘Ingcwele, Ingcwele, Ingcwele, iNkosi uNkulunkulu uSomandla,’ owayekhona, okhona, njalo ozabuya.”

UDanyeli 6:20

Ithe isifikile emgodini, yamemeza uDanyeli ngelizwi losizi yathi, “Danyeli, nceku kaNkulunkulu ophilayo, uNkulunkulu wakho omkhonza njalonjalo ukuphephisile yini ezilwaneni?”

U-Isaya 45:21

Memezelani okufanele kube yikho, likubike, kabemukele izeluleko ndawonye. Ngubani owabika lokhu endulo, ngubani owamemezela ngakho kudala le? Kwakungayisimi mina Thixo na? Njalo kakho uNkulunkulu ngaphandle kwami, uNkulunkulu olungileyo onguMsindisi; kakho omunye, yimi kuphela.

AmaHubo 145:6

Zizalandisa ngamandla emisebenzi yakho emangalisayo, lami ngizafakaza ngemisebenzi yakho emikhulu.

AmaHubo 99:4

INkosi ilamandla, ithanda ukwahlulela okuhle umisile ukwaba ngemfanelo; kuJakhobe usuwenzile okuqondileyo lokulungileyo.

Isambulo 19:16

Esambathweni sakhe lasemlenzeni wakhe kulotshwe ibizo leli elithi: INkosi yamakhosi loMbusi wababusi.

UZefaniya 3:5

UThixo phakathi kwalo ulungile; kenzi okubi, nsuku zonke ekuseni wenza ukulunga kwakhe njalo kaphambanisi ukusa kwamalanga wonke, ikanti abangalunganga kabalanhloni.

UMikha 7:20

Uzakuba qotho kuJakhobe, ubonakalise isihawu sakho ku-Abhrahama, njengokuthembisa kwakho ngesifungo kubokhokho bethu ensukwini zasendulo.

AmaHubo 105:5

Khumbulani izenzo zakhe ezimangalisayo azenzayo, izimangaliso azenzayo, lezahlulelo azikhulumayo,

AmaHubo 78:12

Wenza imimangaliso oyise bekhangele elizweni laseGibhithe, esigodini saseZowani.

UJobe 5:9

Uyazenza izimanga ezingelakulinganiswa, imimangaliso engelakubalwa.

2 ImiLando 24:6

Ngakho inkosi yabiza uJehoyada umphristi omkhulu yathi kuye, “Kungani ungatshelanga abaLevi ukuba baqoqe koJuda laseJerusalema umthelo owabekwa nguMosi inceku kaThixo kanye lasebandleni lako-Israyeli okweThente loBufakazi na?”

1 ImiLando 6:49

Kodwa u-Aroni labosendo lwakhe yibo ababesethula iminikelo yokutshiswa e-alithareni kanye lase-alithareni lempepha lakho konke okwakusenziwa eNdaweni eNgcwele kakhulu, becelela u-Israyeli umusa, njengalokhu uMosi inceku kaNkulunkulu yayitshilo.

Isambulo 14:8

Ingilosi yesibili yalandela yathi, “Liwile! Liwile iBhabhiloni eliKhulu elenza izizwe zonke zanatha iwayini layo elihlanyisayo ngobufebe balo.”

UDanyeli 9:11

U-Israyeli wonke uwephule umthetho wakho wafulathela, esala ukukulalela. Ngakho iziqalekiso lezahlulelo ezifungelwayo ezibhaliweyo eMthethweni kaMosi, inceku kaNkulunkulu, zithululelwe phezu kwethu, ngoba senzile isono kuwe.

UNehemiya 9:14

Wabazisa ngeSabatha lakho elingcwele njalo wabapha imilayo, lezimiso lemithetho ngenceku yakho uMosi.

UDutheronomi 34:5

Ngakho uMosi inceku kaThixo wafela khonapho kwelamaMowabi, njengokwakutshiwo nguThixo.

UDutheronomi 32:3

Ngizaliphakamisa ibizo likaThixo. Yebo dumisani ubukhulu bukaNkulunkulu wethu!

UJoshuwa 22:5

Kodwa linanzelele kakhulu ukuthi lilondoloza umlayo lomthetho uMosi inceku kaThixo alinika wona: Ukuthanda uThixo uNkulunkulu wenu, ukuhamba ezindleleni zakhe zonke, ukulalela imilayo yakhe, ukubambelela kuye lokumsebenzela ngenhliziyo yenu yonke lomphefumulo wenu wonke.”

UJobe 36:24

Khumbula ukukhulisa umsebenzi wakhe, abantu abawudumisileyo ngengoma.

AmaHubo 18:30

Izindlela zikaNkulunkulu uqobo lwakhe ziphelele; ilizwi likaThixo kalilasici. Ulihawu labo bonke abaphephela kuye.

AmaHubo 92:5

Mikhulu kangaka imisebenzi yakho, Oh Thixo, izikile imicabango yakho!

AmaHubo 111:7

Imisebenzi yezandla zakhe ithembekile, ilungile; zonke iziqondiso zakhe ziyathembeka.

1 uTimothi 1:17

Manje kuyo iNkosi yaphakade engafiyo, engabonakaliyo, uNkulunkulu yedwa, udumo lenkazimulo akube kuye kuze kube nini lanini. Ameni.

Isambulo 1:8

“Ngingu-Alfa lo-Omega,” kutsho iNkosi uNkulunkulu, “okhona, lowayekhona, lozakubakhona, uSomandla.”