AmaHubo 7:5 - IBhayibhili Elingcwele LesiNdebele

⁵ nxa kunjalo akuthi isitha sami singihlasele; masigxobagxobele impilo yami emhlabathini singibhuqabhuqele phansi ebhuqwini.

iBhayibhili Elingcwele 1978

⁵ isitha sami kasingizingele singibambe, sikunyathele phansi ukuphila kwami, siwulahle phansi umphefumulo wami.

AmaHubo 7:5 Referans Kwoze

UMalaki 4:3

Lapho-ke lizabanyathezela phansi ababi; bazakuba ngumlotha ngaphansi kwezinyawo zenu ngosuku lolo engizazenza ngalo lezizinto,” kutsho uThixo uSomandla.

UZakhariya 10:5

Ndawonye bazakuba njengamaqhawe alamandla empini enyathelela izitha zawo odakeni lwemigwaqo. Bazakulwa ngoba uThixo ephakathi kwabo, babanqobe abagadi bamabhiza.

UHabhakhukhi 3:13

Waphuma ukuba ukhulule abantu bakho, ukuba usindise ogcotshiweyo wakho. Umkhokheli welizwe lobubi umchobozile, wamebula kusukela ekhanda kusiya enyaweni.

UJeremiya 17:13

Awu Thixo, themba lika-Israyeli, bonke abakudelayo bazayangiswa. Labo abakuhlamukelayo bazabhalwa othulini ngoba bedele uThixo, umthombo wamanzi okuphila.

U-Isaya 63:3

“Nginyathele isikhamelo sewayini ngedwa; kakho owezizwe owayelami. Ngabagxoba ngithukuthele, ngabanyathela ngilolaka; igazi labo lachaphakela ezambathweni zami, langcolisa zonke izigqoko zami.

U-Isaya 10:6

Ngimthumela ukuyamelana lesizwe esingelankulunkulu, ngimthumela ukuyamelana labantu abangithukuthelisayo, ukuba athumbe ahluthune impahla yokuthunjwa, lokubanyathelela phansi njengodaka ezindleleni.

AmaHubo 60:12

Nxa siloNkulunkulu sizanqoba, njalo uzazinyathelela phansi izitha zethu.

AmaHubo 49:12

Kodwa umuntu, lokuba elenotho, kaphili kokuphela; unjengezinyamazana ezibhubhayo.

AmaHubo 44:5

Ngawe siyazihlehlisa izitha zethu; ngebizo lakho siyazigxobagxoba izitha zethu.

AmaHubo 3:2

Abanengi bathi ngami, “UNkulunkulu kayikumhlenga.”

UJobe 16:15

Sengithungele isembatho sesaka emzimbeni wami ngathukuza ibunzi lami othulini.

1 USamuyeli 24:11

Khangela, baba, khangela isiqa sesembatho sakho lesi esisesandleni sami! Ngisiqume emphethweni wesembatho sakho, kodwa kangikubulalanga. Ngakho zwisisa ubone ukuthi kangilacala lokwenza okubi loba ukuhlamuka. Kangonanga lutho kuwe, kodwa wena uyangizingela ufuna ukungibulala.

1 USamuyeli 24:18

Usungitshelile khathesi nje okuhle okwenze kimi; uThixo unginikele ezandleni zakho, kodwa kawungibulalanga.

1 USamuyeli 24:20

Ngiyakwazi ukuthi uzakuba yinkosi impela kanye lokuthi umbuso wako-Israyeli uzamiswa ezandleni zakho.