AmaHubo 7:16 - IBhayibhili Elingcwele LesiNdebele

¹⁶ Inkathazo ayidalileyo iyamphendukela; lesihluku sakhe sehlela phezu kwekhanda lakhe.

iBhayibhili Elingcwele 1978

¹⁶ Ububi bakhe behlele phezu kwekhanda lakhe, lesihluku sakhe sehlele enkanda yakhe.

AmaHubo 7:16 Referans Kwoze

U-Esta 9:25

Kodwa kwathi icebo lelo selivelile enkosini, yathumela imilayo ebhaliweyo ukuthi amaqhinga amabi kaHamani ayekade ewamisele amaJuda acine esephendukela yena, njalo yena lamadodana akhe balengiswe endaweni eyakhelwe lokho.

1 AmaKhosi 2:32

UThixo uzamjezisa ngegazi alichithayo, ngoba wahlasela wabulala amadoda amabili ngenkemba ubaba inkosi uDavida engakwazi. Bobabili u-Abhineri indodana kaNeri, umlawuli wamabutho ako-Israyeli, kanye lo-Amasa indodana kaJetha, umlawuli wamabutho akoJuda, babengamadoda angcono beqotho kulaye.

AmaHubo 36:12

Bonani-ke ukuthi izigangi sezithe daca ziwiselwe phansi, kazisavuki futhi!

1 USamuyeli 28:19

Uthixo uzanikela u-Israyeli kanye lawe kumaFilistiya, njalo kusasa wena lamadodana akho lizakuba lami. Uthixo uzanikela lebutho lako-Israyeli kumaFilistiya.”

1 USamuyeli 26:10

Wasesithi, “Ngeqiniso elinjengoba uThixo ekhona, uThixo yena ngokwakhe uzamtshaya; mhlawumbe isikhathi sakhe sizafika afe, loba aye empini abhubhe.

1 USamuyeli 23:9

Kwathi uDavida esizwa ukuthi uSawuli wayeceba okubi ngaye, wathi ku-Abhiyathari umphristi, “Letha isembatho samahlombe.”

AmaHubo 36:4

Kwala loba silele siceba ububi; sizinikela endleleni yobubi njalo kasikulahli okubi.

1 AmaKhosi 21:19

Ufike uthi kuye, ‘Nanku okutshiwo nguThixo: Awubulalanga umuntu wathumba impahla yakhe na?’ Ubususithi kuyo, ‘Nanku okutshiwo nguThixo; Khonapho lapho izinja ezikhothele khona igazi likaNabhothi, kukhonapho kanye lapho izinja ezizakhothela khona elakho, yebo, elakho kanye!’ ”

U-Esta 7:10

Bamlengisa kuleyonsika ayeyilungisele ukulengisa uModekhayi. Ulaka lwenkosi lwaseludeda.

UJobe 4:8

Ngokubona kwami labo abalima okubi lalabo abahlanyela ububi bavuna bona.

AmaHubo 9:16

UThixo waziwa ngokwahlulela kwakhe okulungileyo; ababi babanjwa yizenzo zezandla zabo.

AmaHubo 35:8

sengathi bangadilizwa belibele lawomambule abawathiyileyo abahilele, sengathi bangawela kulowomgodi babhidlizwe.

AmaHubo 57:7

Inhliziyo yami ibambelele, kayiguquki Oh Nkulunkulu, inhliziyo yami ibambelele; ngizahlabela ngenze iculo elimnandi.

AmaHubo 141:10

Akuthi ababi bawele emambuleni abo, mina ngidlule kuhle ngiphephile.

Izaga 1:19

Sinjalo isiphetho salabo abadinga inzuzo ngobugebenga; kuyayichitha impilo yalabo abayitholayo.

Izaga 26:27

Umuntu angagebha umgodi, uzawela kuwo; umuntu angagiqa ilitshe, lizaphenduka ligiqikele phezu kwakhe.

UmTshumayeli 10:8

Lowo ogebha umgodi angawela kuwo; odiliza umduli angalunywa yinyoka.