AmaHubo 6:2 - IBhayibhili Elingcwele LesiNdebele

² Woba lomusa kimi, Thixo, ngoba ngiphela amandla; Oh Thixo, ngisilisa, ngoba amathambo ami alobuhlungu.

iBhayibhili Elingcwele 1978

² Woba lomusa kimi, Nkosi, ngoba ngibuthakathaka. Nkosi, ngisilisa, ngoba amathambo ami ayaqaqamba;

AmaHubo 6:2 Referans Kwoze

UHosiya 6:1

“Wozani sibuyele kuThixo. Usesidabule saba yizicucu kodwa uzaselapha; usilimazile kodwa uzawabopha amanxeba ethu.

AmaHubo 31:10

Impilo yami incitshiswa yikukhathazeka, leminyaka yami yikububula; amandla ami ayadeda ngenxa yokuhlupheka kwami, lamathambo ami aphela amandla.

AmaHubo 30:2

Awu Thixo, Nkulunkulu wami, ngacela Kuwe uncedo wangisilisa.

UJeremiya 17:14

Ngisilisa, Thixo, njalo ngizasiliswa; ungikhulule, ngizakhululeka, ngoba nguwe engimdumisayo.

AmaHubo 51:8

Mangizwe intokozo lokuthaba; makuthi amathambo owacobozileyo ajabule.

UDutheronomi 32:39

Angithi liyazibonela ukuthi Mina ngiNguye! Kakho omunye unkulunkulu ngaphandle kwami. Ngiyabhubhisa njalo ngiyaphilisa. Ngilimazile njalo ngizelapha, kakho ongaphunyuka esandleni sami.

AmaHubo 38:7

Ngiphethwe liqolo ngobuhlungu obuqumayo; umzimba wami kawuselampilo.

AmaHubo 38:3

Ngenxa yokuthukuthela kwakho kangiselakuphila emzimbeni wami; amathambo ami kawasaqinanga ngenxa yesono sami.

AmaHubo 32:3

Ngathi lapho ngithule, amathambo ami ababuthakathaka ngenxa yokububula kwami ilanga lonke.

UGenesisi 20:17

U-Abhrahama wasekhuleka kuNkulunkulu, uNkulunkulu wamsilisa u-Abhimelekhi, lomkakhe lezigqili zakhe zesifazane ukuthi babelabantwana njalo,

UMatewu 4:24

Udumo lwakhe lwagcwala kulolonke elase-Asiriya, abantu baletha kuye bonke ababegula belezifo ezehlukeneyo, labo ababesebuhlungwini obukhulu, ababephethwe ngamadimoni, ababelezithuthwane lababeyizilima, bonke wabasilisa.

AmaHubo 22:14

Ngiyathululeka njengamanzi, njalo amathambo ami wonke akhumukile. Inhliziyo yami isiphenduke yaba yingcino; isincibilikile ngaphakathi kwami.

UJobe 5:18

Ngoba uyagwaza, kodwa aphinde abophe amanxeba; uyalimaza kodwa izandla zakhe njalo ziyapholisa.

AmaNani 12:13

Ngakho uMosi wakhala kuThixo wathi, “Nkulunkulu, ngiyakucela, msilise.”

U-Eksodasi 15:26

Wathi, “Nxa lilalela kakuhle ilizwi likaThixo uNkulunkulu wenu, lenze okulungileyo kuye, lilandele imilayo yakhe njalo ligcine lezimiso zakhe, kangisoze ngilehlisele iziga lezo engazehlisela amaGibhithe; ngoba nginguThixo olisilisayo.”

UJobe 19:21

Ngizwelani usizi, bangane bami, wobani losizi, ngoba isandla sikaNkulunkulu singitshayile.

AmaHubo 38:2

Ngoba imitshoko yakho ingicibile, njalo wangibhansula kakhulu ngesandla sakho.

UJeremiya 10:24

Ngiqondise Thixo, kodwa kube ngokulunga, kungabi ngolaka lwakho, hlezi ungenze ngibe yize.