AmaHubo 23:4 - IBhayibhili Elingcwele LesiNdebele

⁴ Loba ngidabula esigodini sethunzi lokufa, angiyikwesaba okubi ngoba wena ulami; intonga Yakho lodondolo Lwakho kuyangiduduza.

iBhayibhili Elingcwele 1978

⁴ Loba ngidabula esihotsheni esimnyama, kangesabi okubi, ngoba wena ulami; intonga yakho lodondolo lwakho kuyangivikela.

AmaHubo 23:4 Referans Kwoze

U-Isaya 41:10

Ngakho ungesabi, ngoba ngilawe; ungakhathazeki, ngoba nginguNkulunkulu wakho. Ngizakuqinisa, ngikusize; ngizakusekela ngesandla sami sokudla esiqotho.

AmaHubo 118:6

UThixo ulami, angiyikwesaba. Umuntu angenzani kimi na?

AmaHubo 138:7

Loba ngihamba phakathi kohlupho uyayilondoloza impilo yami; uyaselula isandla sakho ukungivikela elakeni lwezitha zami, ngesandla sakho sokunene uyangisindisa.

AmaHubo 3:6

Angiyikubesaba abangamatshumitshumi ezinkulungwane abangihlaselayo inxa zonke.

ULukha 1:79

likhanyise kulabo abahlezi ebumnyameni lasethunzini lokufa, ukukhokhelela inyawo zethu endleleni yokuthula.”

UMikha 7:14

Beluse abantu bakho ngentonga yakho, umhlambi welifa lakho, ohlala wodwa ehlathini emadlelweni avundileyo. Kawudle eBhashani laseGiliyadi njengasezinsukwini zokuphuma.

AmaHubo 46:11

UThixo uSomandla ulathi, uNkulunkulu kaJakhobe uyinqaba yethu.

UMatewu 28:20

njalo libafundise ukulalela konke engililaye ngakho. Ngempela ngilani kokuphela, kuze kube sekupheleni kwesikhathi.”

UMatewu 1:23

“Intombi egcweleyo izakhulelwa izale indodana, bayibize ngokuthi ngu-Emanuweli” (okutsho ukuthi, “uNkulunkulu ulathi”).

2 uTimothi 4:22

INkosi kayibe lomoya wakho. Umusa kawube lawe.

UJeremiya 2:6

Kababuzanga ukuthi, ‘Ungaphi uThixo, owasikhupha elizweni laseGibhithe wasikhokhela emagangeni alugwadule phakathi kwelizwe lezinkangala lezindonga, ilizwe lokoma lobumnyama, ilizwe elingahanjwa muntu lelingelamuntu ohlala kulo?’

AmaHubo 44:19

Kodwa wasichoboza saba yikudla kwamaganyane, wasembesa ngomnyama omkhulu.

AmaHubo 14:5

Kodwa yibo abagubhazeliswa luvalo ngoba uNkulunkulu ukhona phakathi kwabalungileyo.

UJobe 3:5

Sengathi ubumnyama lethunzi elikhulu kungaluginya njalo; sengathi iyezi lingalusibekela; sengathi umnyama ungalugubuzela.

UZakhariya 11:10

Ngasengithatha ingwegwe yami ethiwa nguThandeka ngayephula, ngidiliza isivumelwano engangisenzile lezizwe zonke.

AmaHubo 110:2

UThixo uzakwelula intonga yakhe elamandla eyobukhosi kusuka eZiyoni wena uzabusa phakathi kwezitha zakho

UJobe 24:17

Bonke labo ubumnyama obukhulu buyikusa kubo; bathandana lezinto ezesabekayo ezobumnyama.

UZakhariya 8:23

Nanku akutshoyo uThixo uSomandla, uthi: “Ngalezonsuku amadoda alitshumi aphuma kuzozonke izindimi lezizwe azagagadlela umphetho wengubo yomJuda oyedwa athi, ‘Wothi sihambe lawe ngoba sesizwile ukuthi uNkulunkulu ulani.’ ”

UZakhariya 11:14

Ngasengiqamula ingwegwe yami yesibili ethiwa nguNhlanganiso, ngiqamula ubuzalwane phakathi kukaJuda lo-Israyeli.