AmaHubo 2:12 - IBhayibhili Elingcwele LesiNdebele

¹² Ikhothameleni iNdodana, funa ithukuthele beselibhujiswa endleleni yenu, ngoba intukuthelo yakhe ingavutha ngesikhatshana. Babusisiwe bonke abaphephela kuye.

iBhayibhili Elingcwele 1978

¹² liyikhothamele, funa ithukuthele, libhubhe endleleni; ngoba ulaka lwayo luzakuvutha masinyane. Babusisiwe bonke abaphephela kuyo.

AmaHubo 2:12 Referans Kwoze

AmaHubo 40:4

Ubusisiwe umuntu owenza uThixo abe lithemba lakhe, ongathembi abazigqajayo, lalabo abaqambukela kubonkulunkulu bamanga.

UJohane 5:23

ukuze bonke bayidumise iNdodana njengalokhu bedumisa uYise. Lowo ongayidumisiyo iNdodana kamdumisi uYise oyithumileyo.

AmaHubo 84:12

Oh Thixo Somandla, ubusisiwe umuntu owethemba kuwe.

AmaHubo 34:8

Nambithani libone ukuthi uThixo ulungile; ubusisiwe umuntu ophephela Kuye.

UJeremiya 17:7

Kodwa ubusisiwe umuntu othemba uThixo, othemba lakhe likuye.

U-Isaya 30:18

Kodwa uThixo ulangatha ukuba lomusa kini; uyavuka ukuba alitshengise isihawu. Ngoba uThixo unguNkulunkulu wokulunga. Babusisiwe bonke abamlindeleyo!

Izaga 16:20

Lowo olalela izeluleko uyaphumelela, njalo ubusisiwe lowo othemba uThixo.

1 UPhethro 2:6

Ngoba emibhalweni kuthiwa: “Khangelani, ngibeka ilitshe eZiyoni, ilitshe lekhoneni elikhethiweyo eliligugu, njalo lowo okholwa kuye akayikuyangiswa.”

Abase-Efesu 1:12

ukuze kuthi thina esaba ngabokuqala ukubeka ithemba lethu kuKhristu sibe ngabokubonga udumo lwakhe.

1 AmaKhosi 19:18

Kodwa ngizaphephisa abako-Israyeli abazinkulungwane eziyisikhombisa abangazange bakhothamele uBhali njalo abandebe zabo azizange zimange.”

AbaseRoma 9:33

Njengoba kulotshiwe ukuthi: “Khangelani, ngibeka eZiyoni ilitshe elikhubekisa abantu ledwala elibenza bawe, njalo lowo okholwa kuye kazukuyangiswa.”

AmaHubo 2:5

Abesebakhalimela ngolaka, abathuthumelise ngentukuthelo yakhe, esithi,

AmaHubo 1:6

Ngoba uThixo uyayilinda indlela yabalungileyo, kodwa indlela yababi iya ekubhujisweni.

1 USamuyeli 10:1

USamuyeli wasethatha umfuma wamafutha wawathela ekhanda likaSawuli wasemanga, esithi, “Uthixo kakugcobanga ukuba ngumbusi welifa lakhe na?

UHosiya 13:2

Khathesi benza izono njalonjalo; bazenzela izithombe ngesiliva sabo, izifanekiso ezenziwe ngokuhlakanipha, zonke ziyimisebenzi yezingcitshi. Ngabantu laba kuthiwa, “Banikela imihlatshelo yabantu, bange izithombe zamathole.”

AmaHubo 2:7

Ngizasimemezela isimiso sikaThixo : Wathi kimi, “UyiNdodana yami; lamhla sengibe nguyihlo.

AbaseRoma 10:11

Njengoba uMbhalo usithi, “Loba ngubani okholwa kuye akayikuyangiswa.”

UJohane 14:6

UJesu waphendula wathi, “Mina ngiyiyo indlela njalo ngiliqiniso lokuphila. Kakho oza kuBaba ngaphandle kwami.

1 UPhethro 1:21

Ngaye liyakholwa kuNkulunkulu, owamvusa kwabafileyo wamnika inkazimulo, ngakho ukukholwa kwenu lethemba kukuNkulunkulu.

UGenesisi 41:40

Wena-ke usuzaphatha isigodlo sami, kuthi bonke abantu bami bazalalela iziqondiso zakho. Mina ngizakuba mkhulu kulawe ngesikhundla sesihlalo sobukhosi sami kuphela.”

AmaHubo 31:20

Uyabafihla ekusithekeni kobukhona Bakho emaqingeni ababi uyabagcina bevikelwe emzini wakhe ezilimini ezichothozayo.

AmaHubo 34:9

Mesabeni Uthixo, lina bangcwele bakhe, ngoba labo abamesabayo kabasweli lutho.

AmaHubo 109:20

Sengathi lokhu kungaba yisijeziso sikaThixo kulabo abangethesa amacala, labo abakhuluma okubi ngami.

UZefaniya 2:2

isikhathi esimisiweyo singakafiki losuku ludlule njengamakhoba, ukuthukuthela okwesabekayo kukaThixo kungakafiki kuwe, usuku lolaka lukaThixo lungakafiki kuwe.