AmaHubo 19:12 - IBhayibhili Elingcwele LesiNdebele

¹² Ngubani ongazizwisisa iziphambeko zakhe? Thethelela iziphambeko zami ezisithekileyo.

iBhayibhili Elingcwele 1978

¹² Kodwa ngubani owazi iziphosiso zakhe na? Ngithethelela, Nkosi, kwezisithekileyo.

AmaHubo 19:12 Referans Kwoze

AmaHubo 90:8

Usubuchayile ububi bethu phambi kwakho, izono zethu zensitha wazichaya ekukhanyeni kobukhona bakho.

UJobe 6:24

Ngifundisani, ngizathula; ake lingitshengise lapho engiphambanise khona.

UJeremiya 17:9

Inhliziyo iyakhohlisa okudlula izinto zonke njalo imbi kakhulu. Ngubani ongayizwisisa na?

AmaHubo 40:12

Phela inhlupheko ezingelakubalwa zingihanqile; izono zami sezingificile, kangisaboni. Zinengi kulenwele zekhanda lami, njalo inhliziyo yami isiphela amandla.

1 AbaseKhorinte 4:4

Isazela sami simsulwa, kodwa lokho kakungenzi ngingabi lacala. INkosi yiyo engahlulelayo.

1 UJohane 1:7

Kodwa nxa sihamba ekukhanyeni, njengoba esekukhanyeni, silokuhlanganyela omunye lomunye legazi likaJesu iNdodana yakhe liyasihlambulula ezonweni zonke.

AmaHebheru 9:7

Kodwa umphristi omkhulu nguye kuphela owayengena ekamelweni langaphakathi kanye ngomnyaka, njalo kungeke kwenzeke engelagazi alinikelela yena kanye lezono abantu abazenza bengazi.

AmaHubo 139:6

Ukwazi okunje kungumangaliso kimi, kuphakeme kakhulu ngeke ngikufinyelele.

U-Isaya 64:6

Sonke sesaba njengomuntu ongcolileyo, lemisebenzi yethu yokulunga yonke injengenjobo ezingcolileyo, sonke siyabuna njengehlamvu, lanjengomoya izono zethu zisiphephulela khatshana.

AmaHubo 139:2

Uyakwazi lapho ngihlala lalapho ngiphakama; uyayibona imicabango yami lanxa ukhatshana.

AmaHubo 51:2

Hlanza wonke amanyala ami ungihlambulule esonweni sami.

AmaHubo 65:3

Kwathi lapho sisancindezelwa yizono, wazithethelela iziphambeko zethu.

U-Eksodasi 24:12

UThixo wathi kuMosi, “Khwela uze kimi entabeni njalo uhlale lapha, ngizakunika izibhebhedu zamatshe, engilobe kuzo imithetho lemilayo eyiziqondiso zabo.”

UDutheronomi 5:29

Sengathi ngabe inhliziyo zabo zingagxila ekungesabeni njalo bayigcine imilayo yami, ukuze kubalungele bona kanye labantwababo kuze kube laphakade!

UDutheronomi 5:32

Ngakho nanzelelani lenze lokho uThixo uNkulunkulu wenu alilaya ngakho; lingaphambukeli yiloba kwesokudla loba kwesenxele.

Izaga 13:13

Lowo oweyisa izeluleko uzibizela ingozi, kodwa othobela umlayo uzaphiwa umvuzo.