AmaHubo 12:1 - IBhayibhili Elingcwele LesiNdebele

¹ Siza Thixo, ngoba kabasekho abakholwayo; abathembekileyo sebenyamalele kabasekho ebantwini.

iBhayibhili Elingcwele 1978

¹ Siza, Nkosi, ngoba kakusekho olungileyo; ngoba abathembekileyo banyamalele, kabasekho phakathi kwabantu.

AmaHubo 12:1 Referans Kwoze

UJeremiya 5:1

“Yehla ukhwele ngemigwaqo yaseJerusalema, ukhangele emaceleni wonke, ucabange, uhlolisise wonke amagceke ayo. Nxa ungathola umuntu oyedwa nje oqhuba ngobuqotho efuna iqiniso, ngizalithethelela idolobho leli.

U-Isaya 57:1

Abalungileyo bayabhubha, kodwa kakho ocabanga ngakho enhliziyweni yakhe. Abantu abazinikele ekukhonzeni bayasuswa, njalo kakho okuzwisisayo ukuthi abalungileyo basuswa ukuba baphetshiswe ebubini.

UMatewu 24:12

Ngenxa yokwanda kobubi, uthando lwabanengi luzaphola,

U-Isaya 63:5

Ngakhangela, kodwa kakho owayengasiza. Nganengwa yikungabi khona kosekelayo, ngakho ingalo yami yangilethela insindiso lolaka lwami lwangiqinisa.

AmaHubo 6:1

Oh Thixo ungangikhalimeli ngolaka lwakho njalo ungangitshayi uthukuthele.

Izaga 20:6

Banengi abathi balothando olungapheliyo, kodwa ngubani ongamthola umuntu othembekileyo na?

UGenesisi 6:12

UNkulunkulu wabona ukuthi umhlaba wawusuxhwale njani, ngoba bonke abantu emhlabeni basebehamba ngezindlela zabo ezixhwalileyo.

UMatewu 8:25

Abafundi bahamba bayamvusa besithi, “Nkosi, sihlenge, Sesigalula!”

U-Isaya 1:9

Aluba uThixo uSomandla kasitshiyelanga abalutshwana abasindayo, sasizakuba njengeSodoma; sasizafana leGomora.

AmaHubo 54:1

Ngisindisa, awu Nkulunkulu, ngebizo lakho; ngigeza ecaleni ngamandla akho.

AmaHubo 6:4

Phenduka, Oh Thixo, ungikhulule; ngihlenga ngenxa yothando lwakho olungehlulekiyo.

1 ImiLando 15:21

loMathithiya, lo-Elifelehu, loMikhineya, lo-Obhedi-Edomi, loJeyiyeli kanye lo-Azaziya babezatshaya imiqangala, njengokuqondiswa kwabo yishiminithi,

AmaHubo 3:7

Phakama, awu Thixo Ngisindise, Oh Nkulunkulu wami. Zibethe zonke izitha zami emhlathini; akhumule amazinyo ababi.

UMatewu 14:30

Kodwa wathi ebona umoya wesaba, kwathi eseqala ukutshona wakhala wathi, “Nkosi, akungisize!”

U-Isaya 59:4

Kakho odinga ukwahlulela okuhle, kakho okhuluma ecaleni lakhe ngobuqotho. Bathembe ukuphika ngeze bekhuluma amanga; bemula uhlupho, bazale ububi.