AmaHubo 1:1 - IBhayibhili Elingcwele LesiNdebele

¹ Ubusisiwe umuntu ongahambi ngezeluleko zababi; ongemiyo endleleni yezoni; ongahlaliyo esihlalweni sabaklolodayo.

iBhayibhili Elingcwele 1978

¹ Ubusisiwe umuntu ongahambi ngezeluleko zababi, ongalaleli izeluleko zezoni, ongahlaliyo labaklolodayo;

AmaHubo 1:1 Referans Kwoze

Izaga 13:20

Ohamba lezihlakaniphi uyahlakanipha, kodwa othandana leziwula uwela engozini.

UJeremiya 15:17

Kangizange ngihlale enhlanganisweni yabazithokozisayo, kumbe ngijabule labo; ngahlala ngedwa ngoba isandla sakho sasiphezu kwami njalo wawungenze ngagcwala intukuthelo.

ULukha 11:28

Waphendula wathi, “Kungenani, ababusisiweyo yilabo abalizwayo ilizwi likaNkulunkulu baliphile.”

AmaHubo 1:6

Ngoba uThixo uyayilinda indlela yabalungileyo, kodwa indlela yababi iya ekubhujisweni.

Izaga 1:15

ndodana yami, ungahambi lazo, ungalugxobi olwakho ezindleleni zazo;

AmaHubo 34:8

Nambithani libone ukuthi uThixo ulungile; ubusisiwe umuntu ophephela Kuye.

AmaHubo 112:1

Dumisani uThixo. Ubusisiwe umuntu owesaba uThixo, othokoza kakhulu ngemilayo yakhe.

AmaHubo 36:4

Kwala loba silele siceba ububi; sizinikela endleleni yobubi njalo kasikulahli okubi.

UJobe 21:16

Kodwa ukuphumelela kwabo kakukho ezandleni zabo, ngakho kangisondeli ezelulekweni zababi.

Abase-Efesu 6:13

Ngakho-ke, fakani isihlangu esipheleleyo sikaNkulunkulu ukuze kuthi lapho usuku lobubi lufika libe lamandla okuma kuthi lalapho selenze konke, lime.

UGenesisi 49:6

Mangingangeni enkundleni yabo, mangingangeni emhlanganweni wabo, ngoba bababulala abantu ngokuthukuthela kwabo njalo inkabi baziquma imisipha santando.

UJeremiya 17:7

Kodwa ubusisiwe umuntu othemba uThixo, othemba lakhe likuye.

Izaga 13:15

Ukuzwisisa okuhle kuletha ukuthandeka, kodwa indlela yabakhohlisayo inzima.

AmaHubo 119:115

Sukani kimi lina benzi bobubi, ukuze ngikwazi ukugcina imilayo kaNkulunkulu wami!

AmaHubo 106:3

Babusisiwe labo abahlala besenza ngendlela enhle, abahlezi besenza okulungileyo.

AmaHubo 26:12

Inyawo zami zimi emhlabathini ochayileyo; ngizamdumisa uThixo emhlanganweni omkhulu.

Izaga 2:12

Ukuhlakanipha kuzakusindisa ezindleleni zabantu ababi, abantu abamazwi abolileyo,

AmaHubo 81:12

Ngakho ngasengibayekela ngezinhliziyo zabo zobuqholo ukuthi balandele lokho abakufunayo.

Izaga 4:19

Kodwa indlela yababi ifana lomnyama omkhulu; kabazi ukuthi kuyini okubakhubayo.

Izaga 3:34

Uyabahleka usulu abayizideleli ezizithembayo, kodwa abe lomusa kwabathobekileyo.

Isambulo 22:14

Babusisiwe labo abagezisa izembatho zabo ukuze babe lelungelo esihlahleni sokuphila njalo bangene ngesango edolobheni.

Izaga 9:12

Nxa uhlakaniphile, ukuhlakanipha kwakho kuzakusiza; aluba uyisiqholo, uzahlupheka wedwa.

AmaHubo 84:12

Oh Thixo Somandla, ubusisiwe umuntu owethemba kuwe.

AbaseRoma 5:2

esifinyelele ngaye umusa esimi kuwo khathesi ngokukholwa. Njalo siyathokoza ngethemba enkazimulweni kaNkulunkulu.

AmaHubo 144:15

Babusisiwe labobantu lokhu okuzakwenzakala kubo; babusisiwe abantu oNkulunkulu wabo ngu Thixo.

UJohane 20:29

UJesu wasemtshela wathi, “Usukholiwe ngoba usungibonile; babusisiwe labo abathi bengabonanga, kodwa sebekholiwe.”

Izaga 1:22

“Koze kube nini lina zithutha lithanda ubuthutha benu na? Koze kube nini izideleli zikholisa ukudelela leziphukuphuku zizonda ulwazi na?

1 UPhethro 4:3

Ngoba selichithe isikhathi esaneleyo ngaphambili lisenza lokho abahedeni abakhetha ukukwenza, impilo yobudlova, inkanuko, lokudakwa, ukuzitika, ukuzivusa amadlabuzane kanye lezithombe eziyisinengiso.

UJohane 13:17

Lingaze lizazi lezizinto lizabusiswa nxa lizenza.”

AmaHubo 146:9

UThixo uyabalinda abezizweni asekele izintandane labafelokazi, kodwa anyampise izindlela zababi.

AmaHubo 2:12

Ikhothameleni iNdodana, funa ithukuthele beselibhujiswa endleleni yenu, ngoba intukuthelo yakhe ingavutha ngesikhatshana. Babusisiwe bonke abaphephela kuye.

AmaHubo 146:5

Ubusisiwe lowo osizo lwakhe lunguNkulunkulu kaJakhobe, othemba lakhe likuThixo uNkulunkulu wakhe.

1 AmaKhosi 16:31

Kwathi lanxa ebona kungasilutho ukungena ebubini bukaJerobhowamu indodana kaNebhathi, wathatha uJezebheli indodakazi ka-Ethibhali inkosi yamaSidoni, waseqalisa ukukhonza lokusebenzela uBhali.

UDutheronomi 33:29

Ubusisiwe wena, Oh Israyeli! Ngubani onjengawe, abantu abahlengwa nguThixo? Ulihawu lakho lomsizi wakho njalo uyinkemba yakho ekhazimulayo. Izitha zakho zizatshotshobala phambi kwakho njalo uzazinyathela phansi zonke izindawo zabo zokukhonza eziphakemeyo.”

UHezekhiyeli 20:18

Ngatsho ebantwaneni babo enkangala ngathi, “Lingalandeli izimiso zaboyihlo loba ligcine imithetho yabo loba lizingcolise ngezithombe zabo.

Izaga 19:29

Izijeziso zilungiselwe izideleli, loswazi ngolwemihlane yeziwula.

AmaHubo 64:2

Ngifihla emacebeni abantu ababi, kulokho kuxokozela kwezixhwali.

UJobe 31:5

Nxa ngike ngahamba ngokwamanga loba unyawo lwami lwakhuthalela inkohliso

UJobe 10:3

Kuyakuthabisa na ukungizwisa ubuhlungu, ukulahla umsebenzi wezandla zakho, ikanti uyahlekelela ngamacebo ababi?

UGenesisi 5:24

U-Enoki wahamba ngokuthembeka loNkulunkulu; wanyamalala, ngoba uNkulunkulu wamthatha.

2 ImiLando 22:3

Laye ngomunye owalandela izindlela zabendlu ka-Ahabi, ngoba unina wamkhuthaza ukwenza okubi.

ULukha 23:51

owayengakuvumanga lokho abakuqumayo labakwenzayo. Yena wayevela edolobheni lakoJuda okwakuthiwa yi-Arimathiya, njalo wayelindele umbuso kaNkulunkulu.

UMatewu 16:17

UJesu waphendula wathi, “Ubusisiwe wena Simoni, ndodana kaJona ngoba lokhu kawukwambulelwanga ngumuntu wegazi lenyama kodwa nguBaba osezulwini.

UDutheronomi 14:6

Lingadla zonke izinyamazana ezilenklagu ezivulekileyo lezentshisayo.