AbaseKholose 1:4 - IBhayibhili Elingcwele LesiNdebele

⁴ ngoba sizwile ngokukholwa kwenu kuKhristu uJesu langothando elithanda ngalo abangcwele bonke.

iBhayibhili Elingcwele 1978

⁴ lokhu sizwile ngokukholwa kwenu kuKristu Jesu langothando lwenu elibathanda ngalo bonke abangcwele.

AbaseKholose 1:4 Referans Kwoze

Abase-Efesu 1:15

Ngenxa yalokhu, sekulokhu ngezwa ngokukholwa kwenu eNkosini uJesu kanye lothando lwenu kubo bonke abantu bakaNkulunkulu abangcwele,

2 AbaseThesalonika 1:3

Kumele sibonge uNkulunkulu kokuphela ngenxa yenu bazalwane njengoba kufanele ngoba ukholo lwenu lukhula kokuphela lothando elilalo komunye lomunye wenu luyanda.

1 AbaseThesalonika 1:3

Siyawukhumbula kokuphela phambi kukaNkulunkulu wethu uBaba umsebenzi wenu ongenxa yokukholwa lokusebenza kwenu okufuqwa luthando kanye lokubekezela kwenu okuqiniswa yikwethemba eNkosini uJesu Khristu.

AmaHebheru 6:10

UNkulunkulu ulungile, kasoke awukhohlwe umsebenzi wenu lothando elamtshengisa lona njengoba lasiza abantu bakhe njalo liyaqhubeka libasiza.

1 UJohane 4:16

Ngakho siyazi njalo sithembe uthando uNkulunkulu alalo kithi. UNkulunkulu uluthando. Ohlala ethandweni, uhlala kuNkulunkulu, loNkulunkulu kuye.

UFilimoni 1:5

ngoba ngiyezwa ngothando lwakho lokukholwa eNkosini uJesu kanye lothando lwakho kubo bonke abangcwele.

1 UJohane 3:14

Siyakwazi ukuthi sesidlulile ekufeni saya ekuphileni, ngoba siyabathanda abazalwane bethu. Lowo ongathandiyo ulokhu esekufeni.

AbaseGalathiya 5:6

Ngoba kuKhristu uJesu ukusoka loba ukungasoki akulasizo. Into kuphela eyiyo eqakathekileyo yikukholwa okuzibonakalisa ngothando.

1 UJohane 3:23

Nanku umlayo wakhe: ukukholwa ebizweni leNdodana yakhe, uJesu Khristu, lokuthandana njengokusilaya kwakhe.

1 AbaseThesalonika 3:6

Kodwa uThimothi usanda kufika kithi khathesi evela kini njalo ulethe izindaba ezinhle ngokholo lwenu kanye lothando lwenu. Usitshele ukuthi lihlala lilemikhumbulo emihle ngathi kanye lokuthi lifisa ukusibona njengoba lathi sifisa ukulibona.

AbaseKholose 1:9

Ngenxa yalokhu, kusukela mhla sisizwa ngani kasizange siyekele ukulikhulekela sicela uNkulunkulu ukuthi aligcwalise ngokwazi intando yakhe ngakho konke ukuhlakanipha koMoya kanye lokuqedisisa.

2 AbaseKhorinte 7:7

kungayisikho ngokufika kwakhe nje kuphela kodwa langokumduduza kwenu. Wasitshela ngokungikhumbula kwenu, usizi lwenu olukhulu, lokutshiseka kwenu likhathazeka ngami, ukuthokoza kwami kwaze kwaba kukhulu kakhulu.

AbaseGalathiya 3:26

Lonke lingabantwana bakaNkulunkulu ngokukholwa kuKhristu uJesu

AbaseGalathiya 3:28

AkulamJuda loba oweZizweni, isigqili loba okhululekileyo, owesilisa loba owesifazane, ngoba lonke limunye kuKhristu uJesu.

Abase-Efesu 6:18

Khulekani ngoMoya ezikhathini zonke ngezinhlobo zonke zemikhuleko lezicelo. Lilalokhu emicabangweni, qaphelani liqhubeke kokuphela libakhulekela bonke abantu beNkosi abangcwele.