AbaseGalathiya 5:1 - IBhayibhili Elingcwele LesiNdebele

¹ UKhristu wasikhululela ukuthi sibe lenkululeko. Ngakho manini liqine, lingavumeli ukuthi libotshelwe futhi ejogeni lobugqili.

iBhayibhili Elingcwele 1978

¹ UKristu wasikhululela ukuba sibe lenkululeko. Ngakhoke manini liqine, lingabuyi libotshelwe futhi ejogweni lobugqili.

AbaseGalathiya 5:1 Referans Kwoze

2 AbaseKhorinte 3:17

INkosi inguMoya njalo lapho okuloMoya weNkosi khona, kulokukhululeka.

AbaseGalathiya 5:13

Lina bazalwane bami, labizelwa ukuthi likhululeke. Kodwa lingasebenzisi inkululeko yenu ukuthokozisa inyama; kodwa sizanani omunye lomunye lizehlisa ngothando.

1 UPhethro 2:16

Philani njengabantu abakhululekileyo, kodwa lingasebenzisi inkululeko yenu njengezaba lokufihla ububi; philani njengezinceku zikaNkulunkulu.

AbaseRoma 6:14

Ngoba isono kasiyikuba ngumbusi wenu, ngoba lina kalikho ngaphansi komthetho, kodwa ngaphansi komusa.

AbaseRoma 8:2

ngoba ngoKhristu uJesu umthetho woMoya wokuphila wangikhulula emthethweni wesono lokufa.

AbaseGalathiya 4:9

Kodwa khathesi uNkulunkulu selimazi, loba ngithi uNkulunkulu uselazi, pho kungani libuyela emuva empini yemimoya yalumhlaba ebuthakathaka leyize na? Liyafisa ukuthi ligqilazwe yiyo njalo na?

AmaHebheru 10:23

Kasibambeleleni ngokuqina kulo ithemba esilikholwayo, ngoba lowo owathembisayo uthembekile.

AbaseGalathiya 2:4

Indaba le yavela ngoba abanye abazalwane bamanga basebengene phakathi kwethu ukuba bahlole ukukhululeka esilakho kuKhristu uJesu ukuze basenze izigqili.

AbaseGalathiya 4:31

Ngakho, bazalwane, thina kasisibo bantwana besigqilikazi, kodwa abowesifazane okhululekileyo.

Isambulo 3:3

Ngakho, khumbula okwamukeleyo lokuzwileyo; kulalele, uphenduke. Kodwa nxa ungavuki, ngizakuza njengesela njalo kawusoze wazi ukuthi ngizafika kuwe ngasiphi isikhathi.

2 UPhethro 2:19

Babathembisa inkululeko, bona beyizigqili zobuxhwali, ngoba umuntu uyisigqili salokho okumbusayo.

1 AbaseKhorinte 16:13

Lindani; qinani ekukholweni kwenu; libe ngabantu abalesibindi, wobani lamandla.

AbaseRoma 7:6

Kodwa khathesi, ngokufela kulokho okwake kwasibopha, sesikhululiwe emthethweni ukuze sikhonze ngendlela entsha yoMoya hatshi ngendlela endala yezimiso ezilotshiweyo.

AbaseRoma 6:18

Lakhululwa esonweni laselisiba yizigqili zokulunga.

U-Isaya 61:1

Umoya kaThixo Wobukhosi uphezu kwami, ngoba uThixo ungigcobile ukuba ngitshumayele izindaba ezinhle kwabampofu. Ungithumile ukuba ngibophe inhliziyo ezidabukileyo, ngimemezele ukukhululwa kwabathunjiweyo, lokukhululwa kwezibotshwa emnyameni,

Imisebenzi 15:10

Pho-ke lizamelani ukulinga uNkulunkulu ngokwethesa abafundi beZizweni ijogwe thina labokhokho bethu esehluleka ukulithwala?

1 AbaseKhorinte 7:22

Ngoba lowo owayeyisigqili ekubizweni kwakhe yiNkosi, ungokhululekileyo weNkosi; ngokufanayo, lowo owayekhululekile ekubizweni kwakhe uyisigqili sikaKhristu.

AmaHubo 51:12

Buyisela kimi intokozo yokusindisa kwakho njalo ungiphe umoya ovumayo ukuthi ungisekele.

Izaga 23:23

Thenga iqiniso ungalithengisi; zuza ukuhlakanipha lokuzikhuza lokuzwisisa.

UJuda 1:3

Bangane abathandekayo, lanxa kade ngitshisekela kakhulu ukulilobela mayelana lensindiso esilayo, kodwa ngibone kufanele ukuthi ngilobele ukulikhuthaza ukuba lilwele ukholo lolu olwaphiwa abangcwele bakaNkulunkulu

AbaseFiliphi 1:27

Loba kusenzakalani, lina ziphatheni ngendlela efanele ivangeli likaKhristu. Ngakho, langabe ngiyeza ukuzalibona loba ngizwe nje kuphela ngani ngingekho, ngizakwazi ukuba liqinile ngaMoya munye, lilwela ukholo lwevangeli njengomuntu munye,

Abase-Efesu 6:14

Manini liqine, ibhanti leqiniso libotshelwe ngensimbi ezinkalweni zenu, lesihlangu sasesifubeni sokulunga sisendaweni yaso,

Isambulo 2:25

lina bambelelani kuphela kulokho elilakho ngize ngifike.’

AmaHebheru 4:14

Ngakho-ke, njengoba silomphristi omkhulu kakhulu osengene emazulwini, uJesu iNdodana kaNkulunkulu, kasibambeleleni kakhulu okholweni esiluvumayo.

AmaHebheru 3:14

Ngoba sesingabahlanganyelayo kuKhristu nxa sibambelele ngokuqina kuze kuphele ithemba esasilalo kuqala.

AmaHebheru 3:6

Kodwa uKhristu uthembekile njengendodana endlini kaNkulunkulu. Njalo thina siyindlu yakhe nxa sibambelela ngesibindi langethemba lethu esizincoma ngakho.

2 AbaseThesalonika 2:15

Ngakho-ke bazalwane, qinani libambelele ezifundweni esalinika zona, kungaba ngelizwi lomlomo loba ngencwadi.

1 AbaseThesalonika 3:8

Ngoba khathesi sesiphila ngempela, njengoba liqinile eNkosini.

AbaseGalathiya 4:26

Kodwa iJerusalema ephezulu ikhululekile, njalo ingumama wethu.

AbaseGalathiya 3:25

Khathesi-ke njengoba ukholo selukhona, kasisekho ngaphansi kwamandla omthetho.

1 AbaseKhorinte 15:58

Ngakho-ke, bazalwane bami abathandekayo, manini liqine. Akungabi lalutho olulinyikinyayo. Zinikeleni ngokupheleleyo emsebenzini weNkosi izikhathi zonke ngoba liyakwazi ukuthi ukusebenza kwenu eNkosini akusilo ize.

UMatewu 23:4

Baqoqa imithwalo enzima bayetshate emahlombe abantu kodwa bona bengafuni lokulokotha bayithwale.

AbaseRoma 7:3

Kungakho-ke, angendela kwenye indoda umkakhe esaphila uthiwa yisifebe. Kodwa umkakhe angafa, uyakhululwa kulowomthetho angabi yisifebe, lanxa esesendela kwenye indoda.

AbaseRoma 8:15

Ngoba kalamukelanga umoya olenza libe yizigqili, ukuze liphile ngokwesaba, kodwa lamukela uMoya wobundodana. Njalo siyamemeza ngawo sithi, “Abha, Baba.”

2 AbaseKhorinte 11:20

Ngeqiniso, lina libekezelela loba ngubani oligqilazayo loba ethola inzuzo ngani loba ezisiza ngani loba ezikhukhumeza loba elimakala ngempama ebusweni.

ULukha 5:38

Hatshi, iwayini elitsha lithelwa emigodleni yezikhumba emitsha.