AbaseFiliphi 4:10 - IBhayibhili Elingcwele LesiNdebele

¹⁰ Ngiyathokoza kakhulu eNkosini ngokuthi khathesi selize lavuselela ukungikhathalela kwenu. Impela kade likhathazeka kodwa lingelalo ithuba lokukubonakalisa.

iBhayibhili Elingcwele 1978

¹⁰ Ngiyathokoza kakhulu eNkosini, ngokuthi khathesi selize lavuselela ukunginanzelela kwenu; belinginanzelela kambe, kodwa laswela ithuba.

AbaseFiliphi 4:10 Referans Kwoze

2 AbaseKhorinte 11:9

Njalo lalapho ngikini kulolutho engangilufuna, kangibanga ngumthwalo lakubani ngoba abazalwane ababesuka eMasedoniya bangipha engangikuswela. Ngizithibile ekubeni ngumthwalo kini langayiphi indlela njalo ngizaqhubeka ngisenza njalo.

AbaseGalathiya 6:6

Loba ngubani othola ukufundiswa ngelizwi umele abelane zonke izinto ezinhle lalowo omfundisayo.

AbaseFiliphi 1:3

Ngiyambonga uNkulunkulu wami izikhathi zonke lapho ngilikhumbula.

AbaseGalathiya 6:10

Ngakho-ke, njengokuba silethuba kasenzeni okulungileyo ebantwini bonke ikakhulu kulabo abangabemuli yabakholwayo.

2 AbaseKhorinte 6:7

ngokukhuluma iqiniso langamandla kaNkulunkulu; ngezikhali zokulunga esandleni sokudla lesenxele;

AmaHubo 85:6

Kawuzukusivuselela na, ukuze abantu bakho bathokoze kuwe?

AbaseFiliphi 2:30

ngoba waphosa wafela umsebenzi kaKhristu, wafaka impilo yakhe engozini ukuze angiphe usizo elingangiphanga lona.

AbaseFiliphi 1:1

UPhawuli loThimothi, inceku zikaKhristu uJesu, Lakubo bonke abangcwele kuKhristu uJesu eFiliphi kanye lababonisi labadikoni:

UHosiya 14:7

Abantu bazahlala njalo emthunzini wakhe. Uzakhula kuhle njengamabele. Uzaqhakaza njengevini, lodumo lwakhe luzakuba njengolwewayini laseLebhanoni.

2 ImiLando 31:8

UHezekhiya lezikhulu zakhe befika bebona lezozinqwabanqwaba badumisa uThixo njalo babusisa abantu bakhe bako-Israyeli.