AbaseFiliphi 2:3 - IBhayibhili Elingcwele LesiNdebele

³ Lingenzi lutho ngokuzikhukhumeza loba ukuziphakamisa okuyize. Kodwa ngokuthobeka khangelani abanye njengabangcono kulani

iBhayibhili Elingcwele 1978

³ Lingenzi lutho ngokubangisana langokuziqhenya, kodwa ngokuthobeka litshaye sengathi abanye bangcono kulani.

AbaseFiliphi 2:3 Referans Kwoze

AbaseRoma 12:10

Zimiseleni omunye komunye ngothando lobuzalwane. Hloniphanani okudlula ukuzihlonipha kwenu.

AbaseGalathiya 5:26

Kasingazikhukhumezi, singaqalani kumbe senzelane umona.

Abase-Efesu 5:21

Zehliseni omunye komunye lihlonipha uKhristu.

Abase-Efesu 4:2

Wobani ngabathobekileyo labamnene ngokupheleleyo; bekezelani, libekezelelane omunye komunye ethandweni.

1 UPhethro 5:5

Majaha, ngokunjalo zehliseni ebadaleni. Lonke zembathiseni ngokuthobeka omunye komunye, ngoba, “UNkulunkulu umelana labazigqajayo, kodwa abe lomusa kwabathobekileyo.”

AbaseFiliphi 2:14

Yenzani konke kungela kusola kumbe ukuphikisana

AbaseGalathiya 5:15

Nxa liqhubeka lilumana lokudlanana, qaphelani hlezi liqedane du.

1 uTimothi 6:4

uyazikhukhumeza njalo akulalutho aluzwisisayo. Ulezifiso ezimbi enkanini lasekuphikisaneni ngamazwi okudala umona, lombango, lezinkulumo ezilimazayo, ukucabangelana okubi

ULukha 18:14

Ngiyalitshela ukuthi indoda le, hatshi leyana enye, yabuyela ekhaya isilungisiwe phambi kukaNkulunkulu. Ngoba lowo oziphakamisayo uzakwehliswa, lozehlisayo uzaphakanyiswa.”

Izaga 13:10

Ukuziqakisa kukhokhelela engxabanweni, kodwa ukuhlakanipha kufunyanwa kwabemukela ukwelulekwa.

AbaseKholose 3:8

Kodwa khathesi zilahleni zonke izinto ezinjengalezi: ulaka, ukuthukuthela, inzondo, ukunyeya lenkulumo ebolileyo.

2 AbaseKhorinte 12:20

Ngoba ngiyesaba ukuthi ekufikeni kwami angiyikulifica liyilokho engifuna libe yikho, mhlawumbe lani lingangifumani ngiyilokho elifuna ngibe yikho. Ngiyesaba ukuthi kungaba khona ukuxabana, umona, ukuthukuthela, imibango, isinyeyo, ukuhleba, ukuzikhukhumeza kanye lokuphithizela.

1 AbaseKhorinte 3:3

Lilokhu lingabomhlaba. Kalokho njengoba kulomona lokuxabana phakathi kwenu, kambe kalisibo bomhlaba na? Kalenzi njengabantu nje na?

1 AbaseKhorinte 15:9

Ngoba mina ngingomncane kubapostoli njalo kangifanelanga lokuthiwa ngingumpostoli ngoba ngahlukuluza ibandla likaNkulunkulu.

AbaseRoma 13:13

Kasiziphatheni kuhle, njengasemini, hatshi emadilini okuminza lokudakwa, hatshi ekuhlobongeni lentokozo yobugangi, hatshi ngokuxabana langomona.

AbaseRoma 2:8

Kodwa labo abazinqinekelayo labala iqiniso balandele ububi, kuzakuba lolaka lokuthukuthela.

AbaseKholose 3:12

Ngakho, njengabantu bakaNkulunkulu abakhethiweyo, abangcwele labathandwa kakhulu, zembeseni ngesihawu, umusa, ukuzithoba, ubumnene kanye lokubekezela.

1 UPhethro 3:8

Okokucina lonke hlalisanani ngokuthula; wobani lozwelo, lithandane njengabazalwane, libe lesihawu kanye lokuthobeka.