Abahluleli 9:2 - IBhayibhili Elingcwele LesiNdebele

² “Buzani bonke abantu baseShekhemu ukuthi, ‘Yikuphi okungcono kini: ukubuswa yiwo wonke amadodana kaJerubhi-Bhali angamatshumi ayisikhombisa kumbe indoda eyodwa?’ Likhumbule ukuthi mina ngingumzimba legazi lenu.”

iBhayibhili Elingcwele 1978

² Ake litsho kubo bonke abaseShekema lithi: Yikuphi okungcono kini ukuba wonke amadodana kaJerubali angamatshumi ayisikhombisa alibuse, kumbe libuswe ngoyedwa na? Khumbulani futhi ukuba mina ngingowegazi lenu.

Abahluleli 9:2 Referans Kwoze

Abahluleli 8:30

Wayelamadodana angamatshumi ayisikhombisa angawakhe ngoba wayelabafazi abanengi.

UGenesisi 29:14

ULabhani wasesithi kuye, “Uyinyama yami legazi lami.” UJakhobe esehlale laye okwenyanga yonke,

AmaHebheru 2:14

Njengoba abantwana belomzimba legazi, laye wahlanganyela ebuntwini babo ukuze kuthi ngokufa kwakhe amchithe lowo ophethe amandla okufa okutsho uSathane,

1 ImiLando 11:1

Bonke abako-Israyeli baya kuDavida eHebhroni bafika bathi: “Thina siyinyama yakho legazi lakho.

Abase-Efesu 5:30

ngoba thina siyizitho zomzimba wakhe.

2 USamuyeli 19:13

Njalo lithi ku-Amasa, ‘Wena kawusinyama yami legazi lami na? Sengathi uNkulunkulu angangijezisa, kube kanzima kakhulu, nxa ungasuye mlawuli webutho lami esikhundleni sikaJowabi, kusukela khathesi.’ ”

Abahluleli 9:5

Waya emzini kayise e-Ofira kwathi abafowabo abangamatshumi ayisikhombisa, amadodana kaJerubhi-Bhali, wababulalela phezu kwedwala linye. Kodwa uJothamu, indodana encane kaJerubhi-Bhali waphepha ngokucatsha.

Abahluleli 9:18

kodwa lamuhla selivukele abendlu kababa, kwathi amadodana akhe angamatshumi ayisikhombisa lawabulalela phezu kwedwala linye, kwathi u-Abhimelekhi, indodana yesigqilikazi sakhe, lamenza waba yinkosi yabantu baseShekhemu ngoba engumfowenu,