Abahluleli 5:1 - IBhayibhili Elingcwele LesiNdebele

¹ Ngalolosuku uDibhora loBharakhi indodana ka-Abhinowami bahlabela ingoma le:

iBhayibhili Elingcwele 1978

¹ UDebora loBaraki indodana kaAbinowama basebehlabela ngalolosuku besithi:

Abahluleli 5:1 Referans Kwoze

U-Eksodasi 15:1

Ngakho uMosi labako-Israyeli basebehlabelela lelihubo kuThixo: “Ngizamhlabelela uThixo ngoba uphakeme kakhulu. Ibhiza lomgadi walo ukuphosele ngamandla olwandle.

AmaHubo 18:1

Ngiyakuthanda, Oh Thixo, Mandla ami.

ULukha 1:46

UMariya wathi: “Umphefumulo wami uyayidumisa iNkosi

U-Isaya 26:1

Ngalolosuku ingoma le izahlatshelwa elizweni lakoJuda: Siledolobho eliqinileyo; uNkulunkulu wenza ukusindisa kube yimiduli yalo lezivikelo.

U-Isaya 25:1

Oh Thixo, wena unguNkulunkulu wami; ngizakudumisa ngibabaza ibizo lakho ngoba ngokuthembeka okupheleleyo, wenze izinto ezimangalisayo, izinto ezamiswa endulo.

UJobe 38:7

lapho izinkanyezi zokusa zazihlabelela kanyekanye lezingilosi zonke zamemeza ngentokozo?

2 ImiLando 20:27

Ngakho wonke amadoda akoJuda lawaseJerusalema abuyela ngokuthokoza eJerusalema, bekhokhelwa nguJehoshafathi ngoba uThixo wayebenzele lokho okwakubajabulisile phezu kwezitha zabo.

2 ImiLando 20:21

Ngemva kokubuza abantu, uJehoshafathi wakhetha amadoda okuhlabelela uThixo lokumdumisa ngenxa yenkazimulo yobungcwele bakhe bekhokhele amabutho, besithi: “Mbongeni uThixo, ngoba uthando lwakhe lumi nininini.”

1 USamuyeli 2:1

UHana wasekhuleka esithi: “Inhliziyo yami iyathokoza kuThixo; kuThixo uphondo lwami luphakeme. Umlomo wami uyaziklolodela izitha zami, ngoba ngiyathokoza ekusindiseni kwakho.

AmaNani 21:17

Ngakho abako-Israyeli bahlabela ingoma le ethi: “Mpompoza, wemthombo! Hlabelelani ngawo,

U-Eksodasi 15:21

UMiriyemu wabahlabelela wathi: “Mhlabeleleni uThixo ngoba uphakeme kakhulu. Ibhiza lomgadi walo ukuphosele ngamandla olwandle.”

Abahluleli 4:24

Amandla abako-Israyeli okumelana loJabhini inkosi yamaKhenani akhula, aze amchitha.

UJobe 36:24

Khumbula ukukhulisa umsebenzi wakhe, abantu abawudumisileyo ngengoma.

AmaHubo 32:7

Uyindawo yami yokuphephela; uzangivikela enkathazweni ungizungeze ngezingoma zensindiso.

Abahluleli 4:4

Ngalesosikhathi u-Israyeli wayekhokhelwa nguDibhora umphrofethikazi, umkaLaphidothi.

2 USamuyeli 22:1

UDavida wahlabelela uThixo amazwi alelihubo lapho uThixo wamsindisa esandleni sezitha zakhe zonke lasesandleni sikaSawuli.