Yute 1:5 - Ka Lamana'a Monoꞌi Lu Mu Tifiꞌehina Ka Yabe

⁵ Lenali ya'ma ka'a keheli su he'ahanamo anamofipo aku'i lu lepilube'mu nohube. Hu'mau ai ya'ma ligiko lagako bona'i Isilaeli bona'i Iyipi metogati gulu ho epoloto to luga'a aliha'a aitoga meminese to agoya hu meemi'ahana'amagihi enoho fili su ho'ehinamo ni'ibe.

Yute 1:5 Referans Kwoze

Hibulu 3:16

Yamofihi hiya bona'magi Hu'mamofihi nogo'a keheli he'mite hega helata hi'ahana? Moseu enele'mo ko hetago Iyipi metogati e'ahana bona'magi asaga'i enali'ani ya hi'ahanamo ni'ibe.

2 Pita 3:1

Komopa'ni lepi'ohuna bona'ise. Lenali fayahanatini ya'ma koyo nolepugo ya'ma loe nohibe. Nani le'mo kosaba huto lu lepiloto'ni komopatini le'mo mopo hulenogo'ni kehelise'natini ya'ma keheli lamana hite minalabe luto fayahi ya'ma loemo koyo nolepube.

Romu 15:15

Keheli'ohunaya aku'i lenali kumu koli mehuse nohuto'ni mone kaga amuya ka luto ya'ma fayahi koyoto nolepube. Lenali ana kaga beto hilabe luto amuya moloto akoyo'ohuna. Hu'mau lili'nalo bona'a nele'mo ho tito Yesuhi kaga lelili huto buto fegutoga bona'magihi lu epilane luto noho lifigo nani nelesa melulata nohinagihe.

1 Yoni 2:20

Ya hi'ahanaya, Kilisitou ai hetofa Sikalafu'a ho lifigo komopatinigu tito nominago lenali asaga'i Hu'mamofihi ka lamana'a keheli baga i'ahana yabe.

1 Yoni 2:21

Ya'mu luto fayahi ya'ma koyoto nolepube. Lenali ka lamana'a mekehelibe luto ni'igopa, ka lamana'a kehelilata nehana'mu yabe, luto ya'ma fayahi koyoto nolepube. To ya huto ya'ma keheli'ahabe. Fagalo bona'i asaga'i ya'ma ka lamana'amofihi komopa'aguti mone huto mehu'ehibe.