Yute 1:21 - Ka Lamana'a Monoꞌi Lu Mu Tifiꞌehina Ka Yabe

²¹ Ya nehite Sipi Boti Yesu Kilisitou ai fuluna'a molo lepoloto ule'ale huto mino kosaba'i ya'ma minomo bulata nasana molo lepalalina'mu geba hite nehite Hu'mau komopa'a lepi'ehina'alo minalo.

Yute 1:21 Referans Kwoze

1 Yoni 4:16

Hu'mau komopa'a limilata nohina'a ya'ma bu goto keheli'ohune. To keheliya ito keheli'ohune. Hu'mamofihi hapa'a ya'ma mehi limilata'namofihi nohinagihe. Enali komopa'ani emite bite minete lite hilana'a enali Hu'mamofihi komopa'agu minalune'mu nehabe. To Hu'mau ai komopa'anigu minoto lito hilina'mu yabe.

2 Pita 3:12

Ya nehite Hu'mamofihi kana'a alina'mu fifa ite geba hilete lenogobi foya lite minalabe. Ya hite nehinogo kana'a tupa mone nohigo kokuluma'iya logouba loto fa'menena lolo hilina'mu yabe. To kokulumato ana'ina bu goto nohutana'ya asaga'i logo guluya meha'agu nohinogo logo loto sonofi'i su halina'mu yabe.

Hibulu 9:28

Kilisitou ai ana huto kana moneko'i silaga bona'magihi foipana'ani ai gupisalo tigo he'mu kito Hu'mamofihi kuguhi koyo emiloto fili'ehina. Aku'i foipa nasana li su halibe luto ni'igopa aimofihi geba hite fifa ite minelata nehana bona'i Kilisitou enubuto bise foya aliha'a li su haluna'mu yabe luto aku'i kokulumaluguti limito huto hilube'mu hibe.

Huto Hilina Ka 12:11

Ligibo lalalutigihi sipisipi nala'amofihi golaha'amu keheli amuya mele'ahana'amagi ka lamana'a lu yege he'ahana'amu enali Satahi be ligi'ahana. Ya hite, filise'na'animu mekehelise to mino bati hise'na'animu mekeheli'ahanamo ni'ibe.

2 Tesalonika 3:5

Sipi Bouba komopatini le'mo babahi hinogo Hu'mamofitoga lenemehi emilata minalabe, luto nolune. To Kilisitou lenele'mo amuya hinogo kosele'i mehose ule'ale hite minalabe, luto lali nolune.

Romu 6:23

Foipanauba ai'a koko pana'magihi lili'nalo nona'a epilata nohinaya filise'na yabe. To Hu'mau fa'mene limilinamofihi ya mino kosaba huse'i ni'ibe. Ya'manamofihi Sipi Boti Yesu Kilisito hiti lele'mo hepito moneko'na liluta'mu yabe.

Yoni 14:21

To bona'i mone'amagi komopa'ani nimi'ahanamagi kaga molo'ohunana kehelite nemege'i melelata nehabe. Ana komopa'ani nimi'ahanamagihi Afo'nifu enali'i komopa'a epilibe. Nani ana huto ya'ma bona'magihi komopa'ni epito nani hapa'ni enelepilube.

2 Timoti 4:8

To ya hugo ya'ma kokulumaguti be ligi'ohutamofihi mina sekele mamu'a hiti kakili'i lamana'a Sipi Bouba ya'ma hetofa nona'a guna malalina bo ai anana nimilibe. Minoto kana'a sipi yupahi Sipi Bouba ai'a le'mo bebe soto guna mololata bouba nani hiti silaga bona'i ai nehetilina kana'amu fifa ito geba hulata nohuta bona'i ya'ma ana kakili'i bi letalina'mu yabe.

2 Timoti 1:2

Timotio, nemehi nokumuna pana'nimaka, nani ma fayahi koyoto nokumube. Afotifu Hu'mau to Sipi Boti Yesu Kilisito ai lehe'mose'na to ginaga fi limise'na to fuluna'a hiti li huto hu keteno.

Romu 8:39

To mone ifo muyalo ni'ina me'i afenuga ni'inafi moneuba Yesutogati lele'mo loko mehilina'mu yabe. Hu'mau lali kumu sipi ginaga fise'na'amofihi Sipi Boti Yesu Kilisito limi'ehinamofihi ya'ma melugu lolo huto minolatana asaga'namagi lele'mo loko mehilana'mu yabe.

Romu 5:21

To foipana'aniuba asaga bona'i kaba hu epolo'ehigo filise'namofihi nagalugu mine'ahana. To Hu'mau lehe'mose'nauba kaba hu letolenogo Sipi Boti Yesu Kilisitou Hu'mamofihi kapogu lelepito buto mino kosaba huse hepato lele'mo mololata nohibe.

1 Yoni 5:18

Lali ma luto kehelilata nohune. Hu'mamofitogati huto hi'ahanamagi ya'ma foipana lite meminalana'mu yabe. Hu'mamofihi pana'auba yagapana'amagihi li pili koto kaba hu epelelenogo foipa nasanamofihi afo'afu enugufalo mone'a li mekehelilina'mu yabe.

Romu 5:5

Ya'ma geba huto minaluta yanauba kehelise'nati le'mo laba mehilina'mu yabe. Hena'mugope? Hu'mamofihi Sikalafu'i limito lali komopatigu ho lifigo keke'i lu leto'ehinana huto hu baga i'ehina.

Aposolo 11:23

Banabasiu ana hepato buto henetiloto Hu'mamofihi boana'a bati hite nehago bu enogoloto gelo sipi biloto bati hite nehanagi ana suhi lite fulunaguti koguna ite asaga komopatini Sipi Bomofitoga emite mino mana hilo luto enogo'na bi'ehina yabe.

Yute 1:24

To Hu'mau lenele'mo hetofa hu'ehigo lele'mo laba hi lalabe lite sekele mamu'a hiti fana mehena'alo foipanatini meminenogo ya nehinogo gobisa'alo lenegelo bise'na hiti amuya'a hiti lenele'mo malalibe.

1 Yoni 5:21

Palala'ni pana'nise, lenali laga mehinana faga lugefa nasanalo lenemegesa hu emite kaba hite minalo.

2 Timoti 1:18

To Efeso hepatoga minona kanagu hiti mehi nimito foya lito mino'ehina yamofihi fa'menena meni'ibe. Yamofihi lama'naka keheli'ahane. Ya hu neto'ehina'mu Sipi Bouba kehelinogo ya'ma napa yupahi Sipi Bouba huto hilina kana'agu keke'i luse'na emilibe luto nolube.

Yoni 1:17

Hena'mugope Hu'mau keya ka Mosehi bagalo molo'ehina. Ya hu'ehinaya lehe'mose'na hiti to ka lamana'a hiti Yesu Kilisitotogati noabe.

1 Timoti 1:2

Timotio mono kapogu kele'mo'ohuna pana'ni nohane luto nolube. Kai fayahi ya'ma koyoto nokumube, Hu'ma afotifu to Sipi Boti Yesu Kilisito lehe'mose'na hiti ginaga fi limise'na hiti to fuluna'a lele'mo huse'na yamofihi huto hu keteno.

2 Timoti 1:16

To Sipi Bouba ai Onesifolu ai lalameha'a ginaga fi epino. Hena'mube? Nani ma naga nonugu mino'ohunalo ai lesa meligo kana'amu kana'amu oto nipagu keta hu'ehina li hetofa hu neto'ehinamo ni'ibe.

Yute 1:1

Yuteita nani Yesu Kilisitohi kele kele'a to Yemesihi gona'amofita, afotifu Hu'mau elesa molo lepito komopa'a lepilata nohina'mu lenele'mo moloto Yesu Kilisitohi kabalo lenele'mo molo'ehinamo lenali fayahi ya'ma koyoto nolepube.

Yute 1:22

Hu'mamofihi ka keheli bati mehise loe lae enegekesa neyigina bona'i leniginaga fi epilo.