Yoni 9:3 - Ka Lamana'a Monoꞌi Lu Mu Tifiꞌehina Ka Yabe

³ Ya lago Yesu lu epi'ehina: O'e. Enali foipana'aniuba mehu eto'ehibe. Ai bu pisi lu'ehinana'mu Hu'mamofihi amuya'auba le'mo hetofa hu etenogo gili hinogo boana'i ya'mananamofihi bu galabe.

Yoni 9:3 Referans Kwoze

Yoni 11:4

To Yesu ya'mana besi'ehinaga obo luto li'aha'ina'mu kehelito lu'ehina: Ya'mana Lasalasihi besise'na huto hu eminogo fililoto meminalina'mu ya'ma bona'magi kehelite Hu'mamofihi gi'a liyafa hilabe. Yana'mu nani pana'a nohugo enali ana hite nigi'ni liyafa hilune'mu nehabe.

Yoni 11:40

Ya ligo Yesu lu emi'ehina: Hena'mube? Yata'a lu kimi'ohunamofihi mekeheli'ahatafihe? Kai nanitoga keheli ule'ale hinogomo Hu'mamofihi amuya'a hiti fana tose'na'a hiti bu galane luto lu kimi'ohunagihe.

Matiu 11:5

Enali enubu pisi lina bona'i aku'i enubu'ani i gili higo asaga'na bu negabe. To enigi enayahi sibina hu'ehina bona'i kapo malabe. To ililogo bona'i enele'mo gololo tugo babe. To enekesa hekini lana bona'i enekesa li hokolo hugo kaga kehelite babe. To fili'ahana bona'i aku'i ho ti kosaba habe. To fe'noha'ani menina boana'i ka lamana'a kehelibe.

Aposolo 4:21

Ya lite la'igo enali kanisole bona'magi amuya melete kaga lu etetelete etele'mo he'mi'ahana. Enali naga'i etimilana kaga li huto mehi'ahana yabe. Hena'mugope asaga boana'magi huto hu enubulo molo'ehinamofi kumu lite Hu'mamofitogago enegelo bi emite gi'a liyafa hana'mu yabe.

Aposolo 28:4

Ana osifa'uba Poluhi yaha'alo heni kofigo ana hepato bona'magi be gelete ai lu emigo ai lu emigo ma lite li'ahana: Ma bomagita manauba bo mone ho fili'ehilina ni'ibe. Ai hege nagamilugu mefilinana nohibe. Ya hina bebe sana sipi felemouba minoba minoba mehilibe luto keheli'ehibe.

1 Yoni 4:9

Hu'mau aitogati minoba minoba huto minolata'na li huto huto lilube luto gi moneko pana'a metoga ho lifigo limi'ehina. Yamofihi mehi limi'ehinamofihi hapa'a lalitoga huto hu lamana hu'ehibe.

1 Yoni 4:16

Hu'mau komopa'a limilata nohina'a ya'ma bu goto keheli'ohune. To keheliya ito keheli'ohune. Hu'mamofihi hapa'a ya'ma mehi limilata'namofihi nohinagihe. Enali komopa'ani emite bite minete lite hilana'a enali Hu'mamofihi komopa'agu minalune'mu nehabe. To Hu'mau ai komopa'anigu minoto lito hilina'mu yabe.