Yoni 8:12 - Ka Lamana'a Monoꞌi Lu Mu Tifiꞌehina Ka Yabe

¹² Yesu aku'i ma luto lu epi'ehina: Nani ma me'mofihi libi'a nohube. Bo moneuba nani'i nemege'i malalinauba lo mesobose libi'i ligiloto metepulugu kapo memalalina'mu yabe.

Yoni 8:12 Referans Kwoze

Yoni 12:46

To nani ya'ma melugu oto minoto libi'i mone suhi huto nominobe. Ya nohugo bona'magi nanitoga keheli ule'ale hite metepuna monelugu meminalana'mu.

Yoni 9:5

Nani ma melugu minoto asaga noto noto bona'magihi libi'ani besa lose'na'a nohube.

Yoni 12:35

Ya lago Yesu lu'ehina: Lenali folaganugu fana tose'nauba bula ola huto hu'ehinamofihi hupamone kana su halina'mu. Lenali ya'ma fana tose'na ni'igo analo nehilo. Ya hite, metepuna lenalitoga lenebe ligi lalibe luto lu'ohube. Bona'i metepunagu minoto kapo bilina bu go bati mehuse kapo'a menokehelibe.

Matiu 5:14

Lenali melugu fana mehena'a legi hite nehabe. To hepa'i mone kosagu minolata nohina ana hepa'i bona enubulo fala kito meminolata nohibe. Ai huto'i minolata nohibe.

Yoni 3:19

To ka foya lisemofihi hapa'a ma huto ni'ibe. Ma melugu fana mehena ahuto hu'ehina to bona'magi metepunamu laga epesibe. Enali metepunamu'i laga epesinaya hena'mugope enali foipa faipana lite nehana hapa'aniuba bati mehu'ehigo yabe.

2 Pita 2:4

Koyapa'i Hu'mamofihi hapa'a akeheli'ohune lite agelo luga'amagi ana'ina foipana lolo hi'ahana enali'i ya'ma enele'mo nupa huto naga ito fi behe higo limite yabalugu metepu ginagu neminabe. Ya hago Hu'mau ka foya li epalalina kana'amu geba hite neminabe.

Aposolo 13:47

Sipi Botiuba kaga ma luto molo'ehinamoya lali'i limi'ehina: Fegutoga bona'magitoga fana tose'na kele'mo ho ti'ohube. Melugu bona'i yege yege'i nehanamagihi enele'mo enubuto bilane luto kapo li hokolo huse bo kele'mo ho tube.

Aposolo 26:23

Ai Mesiau gabu foya lito fililoto ai yata'a kohe to letoto kene keliguti aku'i ho tilina'mu yabe. Ai Yuta boti hiti fegutoga bona'i hiti ya'ma lubuto bise'namofi hiti mino fana toto minosemofihi kaga'a lu yege ho epilina'mu yabe lite li'ahabe luto Polu lu'ehina yabe.

Yoni 14:6

Ya ligo Yesu lu emi'ehina: Ya'ma kapomo nani'ni nohube. To ka lamana'a hiti nohuna to mino kosaba huse'na hiti nani'ni nohube. Ya nohunagi bona'i mone'amagi Afo'nifitoga bilune'mu nohune lite aku i pebisa ho netete aitoga bi menehetilabe.

Yoni 7:17

To bo moneuba Hu'mamofihi baga'a liyafa huto mege'i malalube'mu nani lu yege nohona kagamofihi hapa'a keheli bebe salina'mu yabe. Hu'mamofihi kaga'a nolufi to nani'ni komopa'niguti tina kaga nolufi ai'a keheli sepa ilina'mu yabe.

Huto Hilina Ka 21:24

Noto noto bona'i enali ana hepa'mofihi fana meha'agu bila ela hilana'mu yabe. To noto noto enigihiti bona'i enali sekele mamu'animofihi nasana mina'a ana hepatogago ya'ma lelite bibi hilune'mu habe.

Luku 2:32

Ai libi'mo moneuba fegutoga bonatoga metepunagu nehilana bonatoga enele'mo besa lalibe. To ai Isilaeli boanaka enigi'a le'mo sipi hilina'mu yabe. Simioniu ya luto lu'ehina yabe.

Yute 1:13

To enali hege nagami'i kele'a amuya'a hiti minago libi'na kele'na huto kolota kolota huto hulata nohibe. Enali bona'i ya hana'amofihi foipana'ani enubuya huse'na ya suhi huto huto hulata nohibe. Sonofi'i luga'amagi enali sibigopa nagopa hite humofa'na hilata nehana enali kapo meenelepilana'mu yabe. Sonofi'i ya hana suhi hite nehana bona'i ya'ma sinihi gise'namofihi komopa'agu ule'alena'a ya'ma Hu'mau le'mo nupa huto metepu hepato lolo huloto ya'ma minoba minoba huse'nagu he'mi epolo'ehinamo ni'ibe.

2 Pita 2:17

Bona'i enali ya hana'amagi ipi opohi nagami'i se'no'ehina ya suhi hite nehite minete to yasiuba sopohi li bigene notito ito bula ola nohina ya suhi hite nehite neminabe. Bona'i ya suhi nehana'a enali metepu sipi gi'ehilinagu nehetilabe luto Hu'mau lu molo epolo'ehina.

Yute 1:6

To agelo mone'amagi enali kaba foya'ani he'mite nohi hepa'aniloti he'mite hi'ahana'a enali'i Hu'mau ule'ale seni nagatu li sipi tuto sa gi epoloto afeha'alo ema metepunagu enele'mo he'mi'ehigo enali kana sipilo ka foya lilina kanamofihi geba hite neminana'a yamofihi beto hite kehelilo.

Yoni 12:36

Ya'ma fana meha'alo lenali mege'i nemelete anagu foya lamana'a lite minalo. Lenali ya hilete fana tose'namofihi boana'i lolo hilabe. Yesu ya luto lu epito ai buto fato hepatoga fala kito mino'ehina.

1 Yoni 1:6

To lali foipanamofihi metepunagu nominototi to Hu'mamofi hiti komopati monekotoga moloto bati huto hepi'ohune luto liluta ya'ma faga hiti liluta'mu yabe.