Yoni 4:6 - Ka Lamana'a Monoꞌi Lu Mu Tifiꞌehina Ka Yabe

⁶ Analo koyapa'i Yakopu hepeligi'ehina nagami gelumu'i ninalo Yesu kapo foto'i moloto ago kosele'i hago analo mino basu bi'ehina ya fuligaha kana'alo yabe.

Yoni 4:6 Referans Kwoze

Hibulu 4:15

To mamufa gilata bo sipi boti ai kumu keta lebesigo ya nohutogo komopati lapa bise'namofihi kehelito lali'i bu logoto menohe'mi letabe. Lalitoga limi'i lama'i moloto lito nohinamofihi huto hulata nohina ana suhi huto aitoga mi'i ma'i moloto lito fato fato'mofihi huto hu'ehinamo ni'inaya aitoga foipana mone'a meni'inamo ni'ibe. Yana'mu ai lali kumu ginaga filata nohibe.

Hibulu 2:17

Ya hu'ehina'mu Yesu ai lali'i mamufa gi letolata boti sipi bo komopa'a molo letoto to Hu'mamofihi gobisalo foya amuya moloto lilatanamofihi minalibe luto bona'i lali'i foipanati okala hu letalibe luto ya'ma ai henana hu'ehibe? Ai lali hiti gonamu tamu'a lolo huto'a fili'ehinamo ni'ibe.

Matiu 8:24

To Yesu bu'i ko'ehina. Ya hu'ehigo mele'isi amuya habafahi hefupoguti liloto nagami'mouba bililoto sipinamo botigu folo'ehina.

Matiu 27:45

To fuligaha kanalo asaga hepa'i fi metepu i baga ito buto aku'i yege limi folose kanalo i besa lo'ehina yabe.

Matiu 4:2

Yesu yege 40 to 40 sinihi nose'na menose anaga mino'ehina. Ya huloto alihi sipi kau'na ho'ehina.

2 Koliti 8:9

Lenali Sipi Boti Yesu Kilisitohi lehe'mose'namofihi akehelilata nehanamo ni'ibe. Ai sekele mamu'amofihi afo'afu lenali kumu yabe luto muhi meni'ina bo lolo hu'ehina yamofihi lenali anatu mono'mofihi yogo fe'noho suhi hilabe luto ya suhi hu'ehinagi nani ya'ma lu nolepugo lenali giyaka lite ana hite bilabe.

Yoni 11:9

Ya lago Yesu lu epi'ehina: Yege tilengo mone yupahi go'i luto fana talibe. Bona'i moneuba kapo moloto nobinogo yege notigo efanuguti kanafu tito mekalina'mu yabe. Hena'mube? Fana tose'namofihi melugu bu go bati huto ho koto mekalibe.

Luku 9:58

Yesu ma luto lu'ehina: Ya hilapi? Nani lipoti nokumube. Lopi kalamagi mehi kapolugu minago namamagi yafagu noha'ani minago hu'ehinaya Kokulumaguti limi'ehina Bouba basu bito ko fulu hilina hepa'a meni'ibe.

Luku 2:7

To ai yagapana'i yege'a pana'i ketoto'a katatu sa gi etoloto bulumaka yagamagi nose'na nenana sepeke'nagu ko eto'ehina. To etali ya'ma yagamagihi noha'anigu mine'aha'ina. To hena'mugope, bona'i kose nohi bai to su ho'ehinagi anagu meti'aha'ina yabe.

Yoni 4:5

Ya huloto Samalia kegi'a Saika hepato koyapa'i Yakopu pana'a Yosefehi emi'ehina me'i lebato neheti'ehina.

Yoni 4:7

Ai analo nohigo Samalia a'i moneuba nagami'i hefilube'mu o'ehina. Ya higo ana a'i lu emi'ehina: Nagami'i mone hefi nimitogo nalube.

Yoni 4:12

Koyapa'i Yakopu tatatifu ma hepeligise nagami keli limi'ehibe. To ai yagapana'a hiti bulumaka sipisipi yaga'a hiti mana nagamiluguti hefi epigo ne'ahanamo ninaya kai amuyakauba Yakopuhi amuya'a be ligi'ehibe nolapihe?