Yoni 4:12 - Ka Lamana'a Monoꞌi Lu Mu Tifiꞌehina Ka Yabe

¹² Koyapa'i Yakopu tatatifu ma hepeligise nagami keli limi'ehibe. To ai yagapana'a hiti bulumaka sipisipi yaga'a hiti mana nagamiluguti hefi epigo ne'ahanamo ninaya kai amuyakauba Yakopuhi amuya'a be ligi'ehibe nolapihe?

Yoni 4:12 Referans Kwoze

Hibulu 3:3

Nohi gilata nohina bomofihi gi'auba nopofihi gi'a be ligi'ehigo ana bomu'i bona'magi gi'a liyafa hilabe. Ana suhi huto Yesuhi gi'auba Mosehi be ligigo Yesuhi fana meha'a hofa to'ehina'mu yabe.

Yoni 4:6

Analo koyapa'i Yakopu hepeligi'ehina nagami gelumu'i ninalo Yesu kapo foto'i moloto ago kosele'i hago analo mino basu bi'ehina ya fuligaha kana'alo yabe.

Matiu 12:42

To Hu'mau ka foya lilina yupahi sipi a'i mone gihiti a'i yabe lilata nehana a'mouba ai koyapa'i sofo kegi'a oloto lenali hapatini li yege halina'mu yabe. Hena'mugope ai asaga me'i folagaha'aga buba buba huto Solomonihi hetofa kaga'a kehelimofa'na hu'ehina'mu yabe. Nani lu nolepube, malo'i kene moneuba ya'mana'ma Solomonihi hoto ni'ibe.

Yoni 8:53

Lali afo'tifu Abalahau fili'ehibe. To kai be ligilube'mu nolapihe? To kaga lu huto hulata bo ana hite fili'ahanamo ninaya kai hena huse bo lolo hilube'mu nolane?

Yoni 4:5

Ya huloto Samalia kegi'a Saika hepato koyapa'i Yakopu pana'a Yosefehi emi'ehina me'i lebato neheti'ehina.

Yoni 4:13

Ya ligo Yesu lu emi'ehina: Ma nagami'i nalana bona'i aku'i nagami kumu epesilina'mu yabe.

Yoni 4:20

Koyapa'a Samalia tata'nigi ma kosagu tite Hu'mamofihi enegelo bi emite gi'a li saga hi'ahana ninaya lenali Yuta bona'magita ma lite lilata nehabe. Hu'mamofihi gelo bi emilata hepa'i Yelusale ni'ibe.