Yoni 4:11 - Ka Lamana'a Monoꞌi Lu Mu Tifiꞌehina Ka Yabe

¹¹ Ya ligo ana a'uba lu'ehina: Sipi bo, kai somoka ito meo'ahata ma keligu nagami'i afehi emagu nina kai mino kosaba nagami'i hiya'agati lilata ni'ibe.

Yoni 4:11 Referans Kwoze

1 Koliti 2:14

Bona'i luga'a Hu'mamofihi Sikalafu'a hiti menehilana bona'i enali ya'ma Hu'mamofihi Sikalafu'mofihi kaga'a mone mekehelilana'mu yabe. Enali hena hite kehelilabe? Meni'ibe. Sikalafu'i hiti nehilana bona'magi kehelilana'a huto ni'inaya, Sikalafu'i hiti menehilana bona'magi kehelinogo fa'mene kaga legi lolo hilube'mu hibe.

Yoni 3:4

Ya ligo Nikotimasiu loka ho'ehina: Olopa bouba ito'afihi mupaguti aku'i hiya'a huto limilinabe? Ito'afihi mupagu aku'i tinogo loe yupahi ketalina'a huto meni'ibe.

Yoni 4:14

To nani epilube'mu nohuna nagami'i bo moneuba nalina aku aku'i nagami kumu mebesilina'mu yabe. Nani emiluna nagami'uba ailuguti ipi opoho nagami'uba nohina'a huto se menose logoba logoba hilina'mu yabe.

Yoni 7:37

Fuli kana lifupa nehanamofihi su hose yupahiya Yuta bona'magihi sipi kana'a yabe. Ya'mana yupahi Yesu ho tito kehe sipi ito lu epi'ehina: Mone kene'mofi nagami kumu nobesilina nanitogati oto neno.

Aposolo 10:14

Ya ligo Pitau ana kagalo nona'a ma luto lu'ehina: Sipi Bo'ni, o'e. Koyapa'i keya kagu nose'na kolo tanana hiti to lu laga hi'ahana hiti mo sibo luto nose'na ni'ibe. Nani ya'mana nose'na mo sito menonana nose'na ni'ibe.

Huto Hilina Ka 7:17

Kefa hisa folagaha'agu sipisipi nala'a nohina ai'a ya'ma kaba hu epalalina'mu yabe. Ya hinogo minoba minoba nasanamofihi ipi opohi notilina nagamitoga enele'moto bilube'mu hibe. Ya hulenogo Hu'mau ai'a enubu nogoya kele li epalalina'mu yabe luto enali aku'i yibi mehilana'mu lu nimi'ehina yabe.

Huto Hilina Ka 21:6

Ya luto luloto ma luto lu nimi'ehina: Ali bati hu su hobe. Nani koyapa'i kohe toto mino'ehina alihi moloto nasana hapi filatana to li su holatanamofihi afo'afita nohube. Mone'amagi enali nagami kumu noepesinogomo nanitogati minoba minoba nagami'i ya'ma ipi opoho nagamiluguti hefite nelete bite minalabe luto ya suhi huto mina'a meni'igo fa'mene epilube'mu hube.

Huto Hilina Ka 22:1

To agelo ai mino kosaba huse nagami'i napa'a biya nonuhu suhi mone nelepigo bu go'ohuna. Ya'ma bu'a gili gili huto ni'ina to Hu'ma to sipisipi nala'a etali sekele mamu'a hiti kefa hisa maha'alugati ya'ma nagami'i nobuto,

Huto Hilina Ka 22:17

Hu'mamofihi Sikalafu'a to ai sipisipi nala'amofihi liha'a hiti: Kai obo, lilete nela'ibe. To luga'amagi ka'a ya'ma kehelilete ana hite ma lite lilabe: Kai obo. Luga'amagi minoba minoba nasanamofihi nagami kumu noepesinogomo magati ete hefite nalabe. Enali nalune litemo ete magati nagami'i mina'a meni'ina, fa'mene nalabe luto: Nanitoga alo, luto Yesu ya lu'ehina.