Yoni 4:1 - Ka Lamana'a Monoꞌi Lu Mu Tifiꞌehina Ka Yabe

¹ Ya'mana kana'alo Felosi bomagi Yesu Yonihi be ligito babu boana'i nagami'i folo epoloto aposolo naga'a enele'mo lolo nohibe lana kaga keheli'ahana yabe.

Yoni 4:1 Referans Kwoze

Yoni 3:26

Ya hilete enali Yonitoga bite ai'a pana'alobo'amagi lu emi'ahana: Tisao, ai kumu lulata nohata bomo Yotani nagami mula beletoga kai hiti mine'aha'ina bomoba kai keheli eto'ahapihe? Ya bomouba ai nagami'i nofolo epalago asaga boana'i aitogago nebabe.

Yoni 3:22

Alihi Yesu to pana'alobomagi Yutia kegi'a henetilete analo kana loemo minete ana moneka nehite boana'i nagami'i folo epolo'ehina.

2 Koliti 4:5

Lali mono ka nokehelito laliti'mu lu lepiluta'a mehune. Yesu Kilisito ai lali'i Sipi Boti to lali Yesu kumu yabe luto lenali koko panatini lolo huto minoto minalune luto lu lepilata nohune.

1 Koliti 15:47

Kohe toto melugu bo Atau ai ya'ma metoti lolo hu'ehina, ya hu'ehina'mu luto melugu bo mino'ehina. Alihi Ata tegi bo Yesu ai ya'ma kokulumaguti bo limito mino'ehina.

1 Koliti 2:8

Metoga enigihiti bona'magi enali anamofihi keheli molo'ehina kagamofihi hapa'a mekeheli'ahabe. Kehelitita yamofihi lali Sipi Bomofihi fana mehenamofihi afo'afihi ya'ma malipu yafalo mehatita'mu yabe.

Aposolo 10:36

Isilaeli bona'i koguna ite fulunaguti minalabe luto asaga bona'magihi Sipi Bo'ani Yesu Kilisitotoga ka lamana'a malago limi'ehina kaga, lenali kehelilata nehabe.

Huto Hilina Ka 19:16

I kolo bise gukete'alo to lu'alo melete ya'ma gi'a fayahi ma lite keye'ahana: Kigihiti bo kai asaga enigihiti bona'mofihi afo'anigi to kibina bo kai asaga enikibina bona'mofihi afo'aniga nohane luto koyoto molo'ehina.

Yemesi 2:1

Nalalu'nigitabe, lenali fana meha'a hiti bo, Sipi Bo Yesu Kilisitou kumu akeheli amuya mele'ahanamo ni'ibe. Bona'i luga'amu keke boke neli epelete bona'i luga'amu bu enogo he'milata nehana neminana yamofihi hena'mu ya suhi hilata nehabe? Ya suhi mehilo.

Luku 2:11

Yatai sininugu Tebitihi hepalugu a'i moneuba pana'i mone keto'ehibe. Ai ya'mana bouba lali'i lele'mo kosaba huto lenubuto bilina'mu yabe. Ai sipi bo Yesu Kilisito yabe.

Luku 19:34

Ya noligo etali: Sipi boti'auba le'mete aliyo luto kehe igo yabe, lite li'aha'ina.

Luku 19:31

To bo moneuba letoloka hoto hena hibe lite toki yaga gulu neha'ibe? nolinogomo letali ma lite lu emiliyo: Sipi boti'auba kehe igo yabe liliyo.

Luku 1:76

Pana'nise, enebe ligi'ehina bo Hu'ma, ai'a kaga lu yege hose bo'a huto hilane. To ya'ma gi'a kai kumu bona'magi molo ketalabe. Kai yata'a kohe toto lili'na lito bulotoka Sipi Bomofihi kapo'a li hokolo hilane.

Luku 7:13

Ya nehago Yesu ana pana'mofihi ito'afihi komopa'agu pana'amu luto sipi yibi huto hepuhi nolago ma luto lu emi'ehina: Yibi mehubo.

Luku 7:19

Ai kehelito koko pana'a loemo kehe i bufalo mololoto etoho lifigo kaga mone lite bite Yesuhi loka halu'ibe'mu bi'aha'ina. Kaiba Yoniu kaitoga alube'mu nohina bomomu'i luto lu'ehinana nohapi to fato bona kumu geba hilune?

1 Koliti 1:17

Kilisitou ai naga'a mono nagami'i folo epalalane luto noho melifi'ehibe. Ai ka'a lamana'a lu huto huto hu epilane luto lu neto'ehinamo ni'ibe. To ana huto Kilisitou ai melugu bona'magi nelana ka lu epilane luto noho melifi'ehibe. To hena'mube? Ya'ma nelana kagauba Kilisitou malipu yafalo fili'ehina kagamofihi amuya'a limi lalibe luto yabe.