Yoni 3:7 - Ka Lamana'a Monoꞌi Lu Mu Tifiꞌehina Ka Yabe

⁷ Itokafihi mupaguti aku'i huto hubo luto lu nokumuna'mu kai kekesa yigito topa mehobo.

Yoni 3:7 Referans Kwoze

Yoni 3:3

Ya ligo Yesu lu'ehina: Nani ma'naka luto lu nokumube. Kene'i moneuba Hu'mamofihi Kapo'a bu megalina ai ito'afu aku'i keto kosaba hu tegi hilinaubago yabe.

Huto Hilina Ka 21:27

Kolo tanana mone ya'ma anagu tito mefalalina'mu yabe. To bona'i mone'amagi enubuya nohina nasana mone lilana to faga faga lite nehilana'a enali ana hepalugu tite meminalana'mu yabe. Enigi'ani Hu'mamofihi sipisipi nala'auba bati hi'ahana'a minoba minoba hise bona'magihi enigi'ani bukugu koyo molo'ehina bona'i enali'anisigo bite henetilana'mu yabe.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

Hibulu 12:14

Lenali bona'i asaga'i enali hiti koguna ite minalune lite nelite to komopatini hepinogo mino eto hite minalune litemo amuya malalo. Komopa'ani kolo tago nehilana'amagi enali Sipi Bomofihi be megalana'mu yabe.

Kolose 1:12

Lenali asaga yupahi Hu'mamofihi gepohi lite bati huse ka lu emite enegelo bilata nehilo. Ai afotifu lele'mo bati hu'ehigo ai'a fana tose kapo'a huto hulenogomo anagu minete ai'a bona'a hiti bati hu'ehinana'a fato fato'na lilune.

Yoni 3:12

Nani ma melugu'namofihi kaga lu lepugo ka'ni keheli menimibe. Ya hanogo to kokulumagu'namofihi kaga'a lu lepilunauba hiya'a hite ka'ni keheli nimilana ni'ibe?

Yoni 5:28

Asaga bona'i kene keligu nehanamagi Hu'mamofihi Pana'amofihi nogolo lilana kana'a noanagi lenali topa hete lenekesa yigi babu melilo.

Yoni 3:6

Ana'ina bona enugufaguti huto hulata nohina ya enugufa yabe. To Sikalafu'uba li huto hulata nohina ya Sikalafu'i yabe.

Yoni 3:8

Yasi nolitomo mehuba hinaga fato fato kegi'a lito nobigo nogo'ago kehelilata nohataya to hiya'aloti huto huloto hapi nofifi to hiya kegi'a nobifi ya'a mekeheli'ahane. Asaga bona'i Sikalafulugu mino kosaba nehana enali ya'manana legita hite nehabe.