Yoni 3:5 - Ka Lamana'a Monoꞌi Lu Mu Tifiꞌehina Ka Yabe

⁵ Ya luto ligo Yesu ka'alo nona'a lu'ehina: Nani ma'naka lusiga luto lu nokumube. Kene'i moneuba Hu'mamofihi Kapo'a bu galube linogomo ai nagami'uba hiti to Sikalafu'uba hiti yata'a keto kosaba hilinaubago yabe.

Yoni 3:5 Referans Kwoze

Aposolo 2:38

Pitau ka'anilo ma luto lu epi'ehina: Lenali mone'isi mone'isi komopatini i gelehe hilete Yesuhi gilo nagami'i falalana lenali foipanatini li he'minogo Hu'mamofitogati amuyana Sikalafu'a lepilibe.

Efeso 5:26

Kilisitou henabe luto gufa'a he'mito fili'ehibe? Ya'ma lali gufa'a nohuta bona'magita ai ka'aloti nagami okala hu letoto lele'mo eto huloto Hu'mamofihi bulo nugufa'ni lele'moto tilina kanagu bati huto, kolo tanana hiti to mone sibina sabana hinana hiti meni'igo gulu gulu luto lamana'a huto minalune lutomo ni'ibe.

1 Pita 3:21

Ya suhi hago luga'a ya'ma mono nagamilugu lenele'mo bati hulata bo nohibe. Mono nagami'uba mega lugufa'a kolo tanana nokala hilina meni'ibe. Lali mono nagami'i nofoloto komopati Hu'mamofitoga nomoloto ai komopatigu nokala hinogo gulu gulu lilibe luto nagami'i fololata nohune. To ya huto lubuto bilibe luto Yesu Kilisitou fili'ehinaguti aku'i ho ti'ehina yabe.

1 Koliti 6:11

To lenali luga'a koyapa'i ya suhi hite mine'ahanamo ninaya yatai foipanatini ahe'mi lepoloto Hu'mamofihi bona'i minalabe luto komopatini okala huto le'mo babahi higo nehabe. Sipi Boti Yesu Kilisitohi gi'alo yabe luto to Hu'mamofihi Sikalafu'amofihi gi'amu luto lenele'mo bati higo nehabe.

Matiu 3:11

Lenali komopatini i gelehe hana'mu luto nani fa'mene nagamitu nofolo lepolobe. Ya nohunaya ai bo mone nani nemegesalo alina bouba ai Sikalafu'i to logo'a hiti folo lepalalina'mu yabe luto Yoniu lu epi'ehina.

Yoni 3:3

Ya ligo Yesu lu'ehina: Nani ma'naka luto lu nokumube. Kene'i moneuba Hu'mamofihi Kapo'a bu megalina ai ito'afu aku'i keto kosaba hu tegi hilinaubago yabe.

Maki 16:16

To bo moneubafi moneuba ana ka kehelito agoya hu nimito nagami falalina bo, ai'i buto bilunagihe. To bo moneubafi moneuba kehelito agoya hu menimilina bomofihi nani gumi'i hoto le'mo he'milunagihe.

1 Koliti 2:12

To lali ma melugu bona'magihi sikalafu'i meli'ohutamo ni'ibe. Lali Hu'mau mono ka molo leto'ehina yamofihi keheli fe lilune luto Hu'mamofihi Sikalafu'a li'ohutamo ni'ibe.

Yoni 1:13

Enali Hu'mamofihi yagapana'a lolo hi'ahana ito'anigihi afo'anigihi enugufa enemeto meni'ibe. Hu'mau ai'a yagapana'ni yabe luloto afo'anifu nohibe.

1 Yoni 5:1

Bona'i luga'amagi Yesu kumu Hu'mau le'mo ho ti'ehina bo yabe lite keheliya ilana enali kumu Hu'mamofihi yagapana'a nehabe luto lu epalalune. To ya huto ni'igo ya'ma afo'anifihi komopa'ani emilana enali ana hite yagapana'a hiti komopa'ani epilabe.

1 Yoni 2:29

Hu'mau bebe salata nohinalo nohibe lite lenali keheli'ehilanamo ya'ma to enali fotogo suhi hite minalata nehana bona'i enali Hu'mamofihi yagapana'a nehana yabe luto anokehelune.

Galesia 6:15

Lugufalo Hu'mamofihi keya'i laga hu'ehina ya ni'ifihe? Laga mehu'ehina ya ni'ifihe? Yamofihi ya'ma lamana'a meni'ibe. Kosaba lemehati hiti minaluta nasana moneko'isi lamana'a ni'ibe.

Romu 14:17

Hu'mamofihi kapogu minaluta hapa'a ma ni'ifihe? Nose'na hiti nagami'i hiti nalutanamofihi nasanabe? O'e, ya huto meni'ibe. Hu'mamofihi Sikalafu'uba komopatigu lamana huse'na hiti to mino fulu huse'na hiti to legelo bise'na ya'ma lolo nohina ya'ma Hu'mamofihi kapo ni'ibe.

Matiu 28:19

Yamu'i lenali asaga melugu bonatoga bite nani naga'ni enele'mo lolo hilo. To ana bona'magihi afo'nifihi gi'alo hiti pana'amofihi gi'alo hiti to Sikalafu'mofihi enigilo li melete nagami'i folo epalalo.

Matiu 18:3

Ya huloto ma luto lu epi'ehina: Nani ma'naka luto lu nolepube. Lenali komopatini i gelehe hilete pana'i lagaso'a legi mehilana lenali kokuluma kapo'alo mebilana'mu yabe. Ma'naka luto lu nolepube.

1 Pita 1:2

Lenaliya afotifu, Hu'ma ai'a Sikalafu'uba lenele'mo etalibe luto to Yesu Kilisitohi kaga'a kehelite agoya hu emilabe luto lenele'mo'ehina. Ai golaha'a folo lepolo'ehina yauba komopatini okala hu lepololenogo minalabe luto Hu'mau afotinifu lu molo'ehinalo mine'ahanaguti lenele'mo eto hu'ehina yabe. Hu'mamofihi lehe'mose'na'a to bati hu'ehinalo fuluna'a hiti lenalitoga minomo tito hofa talibe.

Aposolo 3:19

Ya hu'ehinagi lenali komopatini i gelehe hinogo ai Hu'mau foipanatini kele li he'mi lepalalibe.

Luku 13:3

O'e. Nani lu nolepunaya lenali foipanatini li mehe'milana lenali asaga'i enali hi'ahana suhi lite fili su halana'mu yabe.

Matiu 5:20

Ya hu'ehina nani lenekesa nobube. Lenali Hu'mamofihi laga besina suhi hite hetofanaguti minalanauba Felosi bona'i hiti to keya kaga enelepise bona'magihi hapa'ani enebe liginogoko lenali kokuluma kapolo nehetilana'mu yabe luto Yesu lu epi'ehina yabe.

Romu 8:2

Henabe lutobe? Sikalafu'mofihi kagauba lali'i Yesu Kilisitotoga lele'mo hepiloto foipana nagaluguti hiti to filise'na kapoluguti ahe'mi leto'ehigo mino kosaba husemofihi lilata nohune.

Luku 13:24

Lenali felisatini li amuya melete minalana Hu'mamofihi hepatoga bilana kapogu kitili'a folo hokolo hite bilana'mu yabe. Nani lu nolepube. Asaga bona'i ana hite ana kapogu folo hokolo hite tilune'mu hilanaya folo hokolo hite metilana'mu yabe.

Luku 13:5

O'e. Nani lu nolepunaya, lenali foipanatini li mehe'milana lenali asaga'i enali hi'ahana suhi hite fili su halana'mu yabe, luto Yesu lu epi'ehina.

Matiu 19:24

Nani mone'a hiti kaga lu lepilube lu'ehina. Kameli yagauba kata hetise neka'mofihi hokolo kapo'agu nesi'asi keta besinogo tilinaya to fe'noha'a babu luto nina bouba Hu'mamofihi kapo'alo bilube'mu hilinaya sipi keta besilina'mu yabe luto Yesu lu epi'ehina yabe.

Matiu 21:31

Yalo lenali lu nimilo luto Yesu lu'ehina: Ya'ma loe pana'male'i kuyu'afu afo'atitifu lu etimina kagalo mege'i molo'ehibe? Ya ligo enali Yesuhi lu emi'ahana: Yege pana'auba yabe lite, ya lago Yesu ma luto lu epi'ehina: Nani lusiga luto lu nolepube, takisi efahi nelina bo hiti to mokolo ana'i hiti enali kohe tete Hu'mamofihi kapo'agu nebabe.

Maki 9:47

To kubuloti foipana huse bo nohapi, ana kubu li buyu hu he'mibo. Kubuka luga luga hiti nohuto logo mesobose hepatoga bilata bati mehu'ehibe. To kubuka mone kegi'a meni'inogo Hu'mamofihi kapogu tito minoba minoba hilata, ya bati huto ni'ibe.

Maki 10:14

To ya hago, Yesu bu enogoto keheliloto pana'alobo'a sipi ka epekito ma lu epi'ehina: O'e. Ya mehilo. Lagaso yagapana'magi nanitoga bati hite alana'mu yabe. Lu laga mehilo. Yagapana'i suhi hite nemina bona'magi Hu'mamofihi kapogu tilana'mu yabe. Lusiga lu nolepube.

Yoni 3:4

Ya ligo Nikotimasiu loka ho'ehina: Olopa bouba ito'afihi mupaguti aku'i hiya'a huto limilinabe? Ito'afihi mupagu aku'i tinogo loe yupahi ketalina'a huto meni'ibe.

1 Koliti 15:50

Bogiyo, kaga mone'ya lilugi kehelilo. Me lugufatu Hu'mamofihi kapogu mebiluta'mu yabe. To fulupa ito fa'menena lolo hilina lugufauba nasana amuya'a hiti minoba minoba huse nasana mone melilinamo ni'ibe.