Yoni 3:2 - Ka Lamana'a Monoꞌi Lu Mu Tifiꞌehina Ka Yabe

² Mone yupahi ai sininugu Yesutoga oloto ma luto lu emi'ehina: Tisao, kai Hu'mau koho lifigo limi'ahata babafi nohataya lali akeheli'ohune. Kai lusi lili'na nolita'a huto mone kene'uba melilina Hu'ma aitoga mino hetofa hulenogomo yabe.

Yoni 3:2 Referans Kwoze

Yoni 5:36

Ya hu'ehinaya Yonihi be ligi'ehinanauba nani hapa'ni yatai lu huto nohibe. Asaga lili'na nani kumu lito li su halane luto Afo'nifu nimi'ehina nani nolube. Ya'mana lili'na nolunauba ai'a boana'i enelepinogo bu gelete Hu'mau ho lifigo limi'ehinagi lite lilabe.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

Aposolo 2:22

Lenali Isilaeli bomagita ya'ma kaga kehelilo. Nasalete bo Yesuhu kaga lu lepilube'mu nohube. Ya'mana bomofihi yato Hu'mau amuya lili'na emigo li'ehina hiti topa hose'na hiti to babeyafana hiti li huto huto lenali folagahatigu bu'ehina, ya Hu'mau ho lifi'ehina bo nohibe lite lenali bu go bati hilabe luto yabe.

Yoni 9:16

Ya ligo Felosi bona'i mone'amagi ma li'ahana: Ya'ma kene'i kubuka li hetofa hu eto'ehinauba mono fuli yupapogu foya li'ehina'mu ai Hu'mamofitogati meo'ehinagi ya'ma keya kalugu mone: Mono fuli yupapogu lili'na melilo, litomo ni'igo ya'ma bo kagamofihi keheli he'mi'ehinagihe, lite li'ahana. To mone'amagi li'ahana: Henabe? Ai ma bomofi kumu amuya lili'na li eto'ehina'mu henabe luto foipa bo nohibe? Ya lite lilete folaganuguti tele'ahana yabe.

Yoni 12:37

Ya'ma amuya'a hiti foya babu luto enubulo li'ehinamo'mu enali aitoga keheli ule'ale mehite to agoya hu meemi'ahana.

Yoni 1:38

Ya neha'igo Yesu i behe huto bu etogoloto ma luto lu etimi'ehina: Letali henana'mu sa sa neha'ibe? Ya ligo etali ma lite lu emi'aha'ina: Labai, kai hiya nonugu nominane? li'aha'ina. Ya'ma Labai lali kagaluguti lu gelehe huto babafi bo yabe.

Matiu 22:16

To enali pana'alobo'ani hiti to Helotihi pana'alobo hiti enoho lifigo Yesutoga bite ma lite li'ahana: Tisao, kai ma'nakago lu epilata nohanogo lali akeheli'ohune. To kai ma'nakago luto Hu'mamofihi hapa'amu babu boana'i kaga lu enelepilata nohane. To kai moneko bomofi kumuko luto kekesa yigiba yigiba mehulata nohane. Kai asaga bona'i moneko kagago lu epilata nohata bo nohane.

Yoni 7:31

Ya nehago babu boana'i luga'amagi ai ka'a keheli pili kelete ma lite li'ahana: Alihi Mesiau oloto sipi lili'na ma bouba li huto hu'ehinamofihi hoto sipi'a li huto hilina be ligilifihe?

Yoni 20:16

Ya luto ligo Yesu lu emi'ehina: Maliao, ligo Maliau aitoga i behe huto Hibulu kaluguti lu emi'ehina: Labonio. Ya'ma kaga'a hapa'a Babafio yabe.

Yoni 15:24

Nani folagaha'anigu fato suhi amuya'a hiti ya'ma koyapa'i bona'magi li huto mehi'ahanamofihi li huto hutita enalitoga foipana meminatine. To ya'ma be gologo bi he'mi'ehite nani'i luba ka li nimiba li nimiba nehite Afo'nifihi ananago hite luba ka neli etabe.

Yoni 3:26

Ya hilete enali Yonitoga bite ai'a pana'alobo'amagi lu emi'ahana: Tisao, ai kumu lulata nohata bomo Yotani nagami mula beletoga kai hiti mine'aha'ina bomoba kai keheli eto'ahapihe? Ya bomouba ai nagami'i nofolo epalago asaga boana'i aitogago nebabe.

Maki 12:14

bite Yesuhi mi'i malalune'mu nehite aitoga ete ma li'ahana: Babafio. Kai lusiga lulata bo nohane. Kai Hu'mamofihi ka'a ma'naka luto lu lepise bo nohane. Bona kumu koli mehuse bo nohuto Hu'mamofihi ka'a lusiga luto lu epise bo nohatagihe. Mafi. Sipi kaba bo, gi'a Sisa aimofihi takisi efahi emiluta bati hu'ehifi bati mehu'ehibe? Ana efahi emilupi meemilune? Ya'ma Lomu gamanimofihi keya ka mege'i malalupi, he'milune? Kai lu limibo.

Filipai 1:14

To naga nonugu nohuna'mu yabe lite magati'ma ligibo lagabo luga'amagi enali Sipi Bomofi kumu kehelilete keta mehuse hite Hu'mamofihi kaga'amu enelesa meligo lu huto hilata nehabe.

Matiu 23:7

Enali bona'magi folagaha'anigu bite ho tite nehago asaga bona'magi enofokehi lite enugufaga soso hu epelelete Tisao lite ligiti halabe lite hilata nehabe.

Matiu 23:8

Ya hu'ehina lenali kumu'i Tisao lite lenigi meheno. Moneko bo nohina aisigo tisa botini nohibe, ya hu'ehinagi lenali koguna ite minalo.

Yoni 2:11

Galili kegi'a Kena hepato Yesu amuya lili'na'a ya'ma yata'a yupahi li huto hu'ehina. To ai hetofa hapa'a enelepilago pana'alobomagi Yesuhi komopa'ani emite keheli bati hi ete'ahana yabe.

Yoni 4:31

Ya nehago koko pana'amagi Yesuhi nose'naka nobo lite go'na bi'ahana.

Yoni 6:2

To ai topa hosemofihi fato fato'i enebesi'ehina bonato li huto higo babu boana'i bu ge'ahanamagi mege'i lifite bi'ahana.

Yoni 10:38

Analo'i nani kumu keheli ule'ale mehite ya'ma lili'na li'ohunana'mu keheli ule'ale hite minalune'mu hilo. Hena'mube? Ya'ma lili'na li'ohutamo ni'igo Hu'mau nehe'moto nanitoga i ke'moto moneko'na nomino'ibe. To nani ana huto aitoga i ke'mobe.

Yoni 14:10

Filipio, nani hiti Afo'nifi hiti moneka nohu'ina yamofihi keheli ule'ale hu'ahatafihe? To ana huto Afo'nifu nanitoga i ke'moto nominana keheliya i'ahatafihe? Ya'ma kaga ma'asi lu lepi'ohunana nani'ni meni'igo Afo'nifu nanitoga i ke'mo'ehinamofihi kaga'a lu nolepube. Afo'nifu ai lili'na'a nonimigo ya'ma lili'na li eto'ohube, ya luto Yesu pana'alobomagihi lu epi'ehina.