Yoni 3:11 - Ka Lamana'a Monoꞌi Lu Mu Tifiꞌehina Ka Yabe11 Nani ma'naka luto lu nokumube. Lali keheli'ohutanamofihi kaga'a noluto to lubutu bu go'ohutanamofihi lu yege nohotaya to lenali folaganugu mone kene'maka lali kaga keheli limilata'a mehane. Gade chapit la |
Enali ya'ma ana metogati gihiti bo moneuba gi'a Satau, ai komopa'ani fi hekini lago Kilisitotoga keheli meemise neminabe. To ai komopa'ani fi hekini lago enali ka lamana'amofihi fana meha'auba komopa'anigu limilenogo Kilisito Hu'mamofihi babeyafalo nominana bomofihi fana meha'a bu go fe lite bu menegabe.
Nani Afo'nifu asaga'na nani nayanuguko molo'ehibe. Bo moneuba Hu'mamofihi Pana'a nohibe luto mekeheli'ehina. Afo'nifu aisigo keheli'ehibe. To bo moneuba Hu'mamofihi ai nohibe luto mekeheli'ehinagi Pana'a aisigo keheli'ohuto ai Pana'auba Afo'afihi enelepito kaga lu epina bona'i enali ana hite Hu'ma nohibe lite kehelilata nehabe lu'ehina.
to Yesu Kilisito aitogati ya'ma lehe'mose'na to fuluna'a lenalitoga mino moloto minalibe. Yesu ai ya'ma Hu'mamofihi ka'a beto huto ligo ule'ale nohina bo to kohe toto pana'a filise'naguti ho tise'na yamofihi lamana baga'a to noto noto kaba bona'i Sipi Botini lenali bo lenogotinifu kaba huto nohibe. Ai komopa'a limito ai'a golaha'atu foipanatiguti li okala hu leto'ehinamo ni'ibe.
Hege, Yelusale bona'ise. Kaga lu yege hose bo kai enoho fililata hane, to Hu'ma lili'nalo bo kai kumu luto enoho lifigo limina kai efa kosatu enoho nofiline. Babu yupahi yagapanaka nani enele'mo nupa hilube'mu hulata nohube. To nala kokoleuba yagapana'a koketapa'aluga enele'mo nupa nohina suhi luto lenele'mo nupa hilube'mu nohunamo lenali melepesibe.
Nani afo'nifu asaga'na nani nayanuguko molo'ehibe. Bo moneuba Hu'mamofihi pana'a nohibe luto mekeheli'ehina. Afo'nifu aisigo keheli'ehibe. To bo moneuba Hu'mamofihi ai nohibe luto mekeheli'ehina, Pana'a aisigo keheli'ohuto ai Pana'auba Afo'afihi enelepito kaga lu epina bona'i enali ana hite Hu'ma nohibe lite kehelilata nehabe lu'ehina.
To Leotisia hepatoga Hu'mamofihi yagapana'amagihi agelo ya suhi huto kaba hu noepalana bouba ka'a ma luto fayahi koyoto emilenogo lu epilibe: Ka lamana'a lu latanamofihi hapa'a nohina bouba ka'a ligo ule'ale hulata nohina bouba lusi lu yete hose bouba Hu'mamofitogati ana'ina huto hu'ehina yanamofihi hapa'a nohilina lenali kumu ma luto nolibe: