Yoni 21:3 - Ka Lamana'a Monoꞌi Lu Mu Tifiꞌehina Ka Yabe

³ Ya nehite Simoni Pitau lu epi'ehina: Nani buto faya'i lilube'mu nohube, ligo enali lu emi'ahana: Lali hiti bilune, lite enali nagami'i beletoga bite boti monelugu tilete nagami mupa'alo bite folugu'mo faya'i babeyafa hite aku aku'i faya'i meli'ahana.

Yoni 21:3 Referans Kwoze

Luku 5:5

Simoniu ka'alo lu'ehina: Sipi Bo, lali asaga'i yatai folugu'i faya gutalafa moloto nohunogo go'i lu'ehina mone nesi'a meho'ohuta yabe. Ya hu'ohutamo ninaya kai lata kemege'i moloto faya gutalafa aku'i he'minogo'ni limilibe.

1 Tesalonika 2:9

Lalalutigita, naga ito li hetofa huto nohutogo lenali kosele'i lenoho laligi luto utehi foya'a amuya moloto to babu luto lito nohuto Hu'mamofihi ka lamana'a lu lepi'ohuta'a akeheli'ahabe.

1 Koliti 3:7

Ya hu'ehina'mu lito kofolata nohina bo ai kumu melilune to nagami'i ligilata nohina bo ai kumu meliluta ni'inaya lusa gigo legeya'a le'mo holata nohina bo Hu'mamofihi ai moneko kumu lilune.

1 Koliti 9:6

To nani hiti Banabasi hiti le'alisigo le'eyatu foya lilata nohutoti'a nose'nati'a lilata nohu'ibe. Enali suhi huto le'ayatu lili'na melise naluta lu laga hu le'ete'ahana yamofihi bati huto ni'ifiye? Mehu'ehibe.

Aposolo 20:34

To nayaha'nitu ya'ma lili'na li'ohutamofihi mina'atu nose'nati hiti to nalalu'nifihi hiti mina fi'ohuna ya'mana lenali keheli'ahana.

Aposolo 18:3

Polu koyapa'i kata nohi gilata'na naga'atu hetito efaha'a lilata hu'ehina suhi ana alobolemale'i ana suhi neha'igo ai buto etehe'moto mino'ehina.

Yoni 21:4

To etehi yege tilube'mu nohigo Yesu oloto nagami'i beletoga kehetoga mino ho ti'ehina. Ya higo pana'alobomagi Yesuhi meha'a mekeheli'ahana yabe.