Yoni 21:12 - Ka Lamana'a Monoꞌi Lu Mu Tifiꞌehina Ka Yabe

¹² Ya kefefe hite minago Yesu lu epi'ehina: Lenali maga ete nose'na nalabe. To asaga pana'alobomagi ai kumu enelesa noligo kiyi'aga nohane lite loka mehe'ahanaya, Sipi Boti nohibe lite enegekesa keheli'ahana.

Yoni 21:12 Referans Kwoze

Aposolo 10:41

Silaga bona'i be mege'ahana lalisigo Hu'mau ai le'mo ho ti'ehina bomofi kumu luto bu go'ohutoti yabe. Hu'mau kene keliguti le'mo ho tilago ai hiti nose'na moneka no'ohune.

Yoni 16:19

Lite lilete loka halune'mu nehago Yesu ya'ma keheli fotogo huloto ma luto lu epi'ehina: Kana'a nesi'a neminete nani'i be menagalana'mu to yanamofihi ifo'alo nesi'a neminete nani'i aku'i bu nagalana'mu yabe luto lu'ehina'mu lu keheli fa keheli hi'ahafihe?

Yoni 21:15

To enali nose'na ne su he'ahago Yesu Simoni Pitahi lu emi'ehina: Simonio, kai Yonihi pana'a yale, kiginaga fi nonimitana enali'animofihi be ligi'ehina ni'ifihe? ya ligo Pitau lu emi'ehina: O'yo, Sipi Bo yale, niginaga fi nokumuna yamofihi akeheli'ahane. Ya ligo Yesu lu emi'ehina: Kai sipisipi yaga'ni nala'a kaba hu epolobo.

Maki 9:32

Ya ligo, enali ya'ma ka'a enelepise'namofihi mekehelise nehanati to aku'i enelesa'ani ligo hapa'a loka mehese mine'ahana yabe.

Yoni 4:27

Ya noligo ana'asilo Yesuhi koko pana'amagi nehetilete ai a'i mone hiti kaga beto neha'igo bu gete topa he'ahana. Enali a'mo henana lilane melite to Yesu henabe luto lu noemine loka mehese fa'mene mine'ahana yabe.

Luku 9:45

Ya lina enali ana ka hapa'a mekeheli'ahana yabe. Ana kamofihi hapa'a fala kito ni'igo enali keheli hokolo mehite aku'i loka halupi hena hilupi lite loe lae hite enelesa lu'ehina yabe.

Matiu 22:46

Ya luto enoloka hago bo moneuba ho tito Yesuhi loka mehalina'a hu'ehina yabe. Ya'mana yupahi Yesuhi kaga'alo koli hilete alihi yupaha'a loka mehe'ahana yabe.

Yoni 21:11

Simoni Pitau botiga buto faya'i gutalafa'mo abai to'ehinagu faya'i babu lite napa'a hiti leke se'ahana 153 faya'mo li nupa hi'ahana. Ya'ma babu faya'i gutalafalugu bai to'ehinagi i hepulu metu'ehina yabe.