Yoni 21:1 - Ka Lamana'a Monoꞌi Lu Mu Tifiꞌehina Ka Yabe

¹ To alihi Yesu mone kana hiti pana'alobomagihi Galili hefupo nagamito beletoga huto hu'ehina. Ma suhi huto hu'ehina.

Yoni 21:1 Referans Kwoze

Yoni 6:1

Yesu ya luto kaga alu epi su holoto alihi Galili nagami hefuhi Taibiliasi yabe lite gi helata nehanaga i gofa hoto bu'ehina.

Yoni 6:23

To Yesu beleti nose'na hiti faya'i hiti lito fokehi holoto'a babu boana'i epigo ne'ahana hepa lebato Taibiliasi boti luga'a nebago bu ge'ahana.

Matiu 28:16

To Yesuhi koko pana'a nayahi luga luga su hago nigigusagati mone heleko malago Galili kapologa bilete koyapa'i Yesu mone kosagu enelepi'ehinaga fo tumala hilune lutomo ti'ahana.

Matiu 28:7

To letali yatai koko pana'a nehanalo me'me hite bite fili'ehinagati ho ti'ehibe lite lu epiliyo. Ai Galili kapogu tubuto enali hiti analo fo tumala hilune luto lu'ehinagihe lite lu epiliyo. To nani alu noletumube agelouba ya luto lu'ehina kaga.

Matiu 26:32

Ya hu'ehinaya nani fili'ehilunagati aku'i ho tiloto'ni kohe toga Galili kapogu nobiluna'mu yabe.

Yoni 21:14

Koyapa'i Yesu pana'alobomagihi fili'ehinaguti ho ti'ehina'a kohe toto loe kana enubu'anilo huto hu'ehinagi to ya'ma nose'na guna i'ehina kana hiti enalitoga huto hu'ehina yabe.

Maki 16:12

To yalo pana'i loemale'i kifigu bilu'ibe'mu kapo nemala'igo Yesu huto huse fato'i etubulo huto hu'ehibe.

Maki 16:7

To lenali abilo. Bite Pitagi to pana'alobomagihi asaga'i ma lite lu epilo: Yesu koyapa lu lepi'ehinana yamofihi ahu'ehibe. Ai kohe toto Galili kapogu a'nobinagihe. Lenali ya lite lu epilo.

Maki 16:14

To alihi, aposolo bomagi 11 magi li nupa hite nose'na nenago, Yesu enubulo huto huloto ka epekibe. Hena'mube? Enali, bona'i mone'amagi Yesu fili'ehinaguti ho ti'ehigo bu gete ka lu epigo, enali: Faga yabe, lite enipagu higo komopa'ani ule'ale higo Yesu ya'mu ka epeki'ehibe.

Aposolo 1:3

Koyapa'i Yesu ai gabu foya li kofito fililoto ai alihi aposolo pana'amagitoga huto hu'ehina. Ai fili'ehinagati ho tiloto kosaba bo nohube luto babuna fato fato'i aposolo pana'a hu enubulo molo'ehina. To 40 yupaha kanagu aposolo pana'amagi Yesu enubulo huto huto huloto Hu'mamofihi Kapo'amofihi kaga'a beto hu epi'ehina yabe.