Yoni 2:6 - Ka Lamana'a Monoꞌi Lu Mu Tifiꞌehina Ka Yabe

⁶ To Yuta bona'magi mono hapa'aniuba lu'ehina'a huto enayaha'ani okala hilana'mu lite me somo loegi loegi loegi babu nagami'i moneko mesomogu hefise'a nonuga mino'ehina.

Yoni 2:6 Referans Kwoze

Yoni 3:25

To Yonihi pana'alobo'a luga'amagi Yuta bo mone'mofihi kenasabo bite Yuta bona'mofihi mono ka'anigu gufa'ani okala hilata nehana hapa'ani'mu ya'ma kaga moneya kenasabo bi'ahana.

Hibulu 9:10

Yanauba enugufa'aga li molo'ehina ka'ago ya'ma ni'ibe. Lu laga huse kagamu'i nose'na fato fato'i to bai nagami'i nenanaya to enugufa'ani mono nagami'i okala hilata nehana yamofihi kaga'a ni'ibe. Ya'ma Hu'mamofihi ka'alo huto higo bona'magi mege'i melete bite nehinogo aliha'a Kilisitou ana'ina le'mo bebe salina kana'a huto hilibe.

Efeso 5:26

Kilisitou henabe luto gufa'a he'mito fili'ehibe? Ya'ma lali gufa'a nohuta bona'magita ai ka'aloti nagami okala hu letoto lele'mo eto huloto Hu'mamofihi bulo nugufa'ni lele'moto tilina kanagu bati huto, kolo tanana hiti to mone sibina sabana hinana hiti meni'igo gulu gulu luto lamana'a huto minalune lutomo ni'ibe.

Hibulu 10:22

Ya hu'ehina'mu komopati lusiga luto emiloto keheli ule'ale hinogo komopatigu okala huto foipana nasana'mu lekesa yigi yigi mehuse ya'ma ai'a golaha'atu lali'i okala hu su hoto folo letago komopati babahi higo to lugufati ya'ma hetofa nagami'i bu okaba'a suhi huto lolo hu'ehinalo nagamitu ko letelenogo minoto Hu'mamofihi bulu nehetilune.

Hibulu 9:19

Yata'a Moseu keya kamofihi fayahi koyo'ehina asaga kaga lataha'asiloko leka soto lu yege hoto bona'i lu epigo keheli'ahana. To lu epi su holoto bulumaka ikele'amagihi golahi to mono nagami'i hiti li sibi sibi huto segi osahi mone tupa'alo to sipisipi yagamagihi oka'ani safa'na moloto sa giloto yamofitu nagami iloto lepe tepe huto keya ka ni'inalo to silaga boana'i nehanalo folo epolo'ehina.

Hibulu 6:2

To mono nagami'i fololata nohuta ka'a to lataha'anilo layahi moloto lusa gilata nohuta to filise'naguti ho tise'na to foipana lolo hu epoloto ka foya lilata nohuta buba buba huse'namofihi kaga'a hena'mu aku'i yamofihi lito hapi filune?

Luku 16:6

Nani 100 mesebe kopo li'ohube lilina'mu yabe. Ya linogo kaba bouba tina'alo tiketi noemito mele'isi malo minoto 50 yabe luto gobo, lu'ehina.

Yoni 2:7

Ma me somogu asaga'i nagami'i hefi bai talo, luto koko pana'i Yesu lu epi'ehina. Ya ligo enali nagami'i hefi bai te su he'ahana yabe.