Yoni 16:1 - Ka Lamana'a Monoꞌi Lu Mu Tifiꞌehina Ka Yabe

¹ Aliha'a ana'ina mone lolo hi neepelenogo mono ka he'mi lalabe luto kaga ya'ma kohe toto lu nolepube.

Yoni 16:1 Referans Kwoze

1 Pita 2:8

To mono bukugu fayahi mone ma luto ni'ibe: Ana efatoti i kusulu bite limilana'mu yabe. To ana efapolo ho kete enahalina'mu yabe. Ana kaga keye'ahanamofihi hapa'a ya'ma ni'ibe. Bona'i enali Hu'mamofihi ka'a keheli he'milata nehana enali kusulu bite limilana'mu yabe luto lu'ehinamo ni'ibe. Ya hite bite, ya suhi hilata nehabe luto Hu'mau ya'ma lu molo'ehina yabe.

Matiu 13:21

Ya hu'ehina ai lufusa'a me'i komopa'alo mebu'ehibe. Ya hu'ehigo ai nesi kanasi minoto hosopa ilata nohibe. Alihi bona'i luga'amagi Hu'mamofihi kaga'a lu sibina hilune'mu hilete enali ana bomofihi ketana li kofi etete foipana suhi babu lite li huto hi etalana'mu yabe. Ya hinogo ana bomofihi hetofa kaga kehelito minose'na'a mele'isi he'mi etolata nohibe.

Yoni 16:4

Nani kohe toto kaga ya'ma lu nolepuna ya'ma amuya nemelenogo ya'ma lite lilana'mu: Afotifu koyapa'i lu limi'ehinamo ya'ma huto hibe lite beto hilabe. Hapi huna kanalo lenali hiti minoto lito hiluta kana yatamalo ni'igo mele'isi lu melepi'ohunamo ni'ibe.

Matiu 24:10

Ya'mana yupahi babu boana'magi komopa'ani sibina hinogo enogo'anigihi enele'mete bite fateha'animagihi enayanuga nebite to enali'ani enogona'ani fateha'ani enele'moloto hilana'mu yabe.

Romu 14:21

Lenali fato fato nose'namo yagafi, bai nagami'ifi asaga'na nalanamofihi bonatini bu goloto komopa'agu li sibina hinogomo lenali ya'ma nose'na he'mite menalo.

Matiu 13:57

Ya lite lilete enali siko nehite ipakafa helete enemegesa hu emi'ahana. Ya hago Yesu ma luto lu epi'ehina: Lu yege hose bomofihi gi'a asaga hepatoga mino baga i'ehibe. Ya hu'ehina ai'a noho hepa'agu gi'a meni'ibe.

Matiu 11:6

To bo moneuba nani kumu'i ekesa yigi yigi huto Hu'mamofihi pana'a nohifi fato bo nohifi ya'ma meluse aku'i nanitoga komopa'a nimilina bo ai gelo bino.

Yoni 15:11

Nani komopa'nigu haya noinago komopatinigu ana suko huto haya ilina yauba i futili huto bai toto minalibe luto kaga ya'ma lu lepi su hoto nominobe.

Filipai 1:10

To lenali ya hiletetini kaga hapa'a kehelite i be ligi'ehinana kehelilete to Yesu Kilisito nehetilina kanagu komopatini kolota mehuse gulu gulu linogo mone ka lepekilina'a meni'ibe.