Yoni 15:1 - Ka Lamana'a Monoꞌi Lu Mu Tifiꞌehina Ka Yabe

¹ Yesu molo emito ma luto lu epi'ehina: Nani ya'ma bai naga'i hapa'a lamana'a nohube. To Afo'nifu bai naga'i foya afo'afu nohibe.

Yoni 15:1 Referans Kwoze

1 Koliti 3:9

Le'ali Hu'mamofihi lili'nalo bo'a nohu'ibe. Hu'mamofihi foya'a lenaliya nehabe. To mone hiti fono ka luto lenali Hu'mamofihi nohi hepa'a lolo hite nehabe.

Yoni 6:55

Hena'mugope nani nugufa'niya nose'na mana'a ni'ibe, to golaha'niya ana huto nagami'i mana'a ni'ibe.

1 Yoni 2:8

To ka fayahi nokoyona ya'ma lu molo'ehina ka'a kosaba'i lolo nohibe. To ana kaga Yesutoga to lalitoga lamana'a huto legeya'a lolo hulata nohigo melugu bona'magi bu negana yabe. Ya higo metepuna su halube'mu nohigo fanato lamana huto besa nolana yabe.

Maki 12:1

To yalo, Yesu kaga lu epilube'mu nohuto fono ka ma luto lu epi'ehina: Bo moneuba naga'i foya kofoto to gegisa fi bego bego huto'a, to kaba bo minalana noho gito'a, to naga'i legeya'a li letite bai nagami'i lolo hilana keli mone kifiloto'a, yalo kaba bomagi enele'mo ho tiloto'a, fato kapogu buto mino'ehibe.

Matiu 21:33

Ma bame ka mone'ya aku'i kehelilo, luto Yesu lu epi'ehina. Bo mone'mofihi sipi foya ni'igo ana foya'agu bai naga'i hekololoto gegisa hu bego hu'ehina. Ya huloto yatama nohi ana foyagu giloto bai nagami'a letise'na mone lolo hu'ehina yabe. Yalo ai ana foya bisinisi malalube'mu hina bomofihi yanuga bi'ehina. Ya huto emiloto ai ana foya afo'afu bonohi foto kapoga bu'ehina yabe.

Yoni 6:32

Ya lite lago Yesu ka'anilo nona'a lu epi'ehina: Nani ma'naka lu nolepube. Moseu kokulumalugu beleti melepi'ehina, nani Afo'nifu kokulumalugu lusi beleti lepilata hu'ehina yabe.

Luku 13:6

To Yesu bame ka mone ma luto lu epi'ehina: Bo moneuba nemuya yafa foya'agu hekolo'ehina yabe. Mone yupahi legeya'a ho'ehifi luto buto bu ganamo meho'ehigo bu go'ehina yabe.

Matiu 20:1

Kokulumamofihi kapo'aya bo mone'mofihi sipi foya'a ni'ina suhi luto ni'ibe. Ya hu'ehigo ai mone etehi folugu'i heleko limito buto bai nagami lolo hilina nose'na foya'agu kifi'na li etalana pana'i noenele'mabe.

Yoni 1:9

Ya'mana fana mehi lamana'auba asaga melugu noto noto bona'i enele'mo besa lo baga ilina'mu yabe.

Yoni 1:17

Hena'mugope Hu'mau keya ka Mosehi bagalo molo'ehina. Ya hu'ehinaya lehe'mose'na hiti to ka lamana'a hiti Yesu Kilisitotogati noabe.

Matiu 15:13

Ya lago Yesu ka'anilo lu epi'ehina: Afo'nifu kokulumalugu nohinamofihi foya'a samahi tito ni'ibe. Asaga kifina Afo'nifu kokulumalugu nohinauba foya'agu mehekolo'ehina kifina nina hapa'a hiti li su ti he'mi su halina'mu yabe.

Yoni 15:2

Nanitogati yafa moneuba ya'ma legeya'a mehalina'a yamofihi laga hu he'milina'mu yabe. To yafa mone'mofihi legeya'a helenogo legeya'a silaga'i halibe luto noluto sibina hina'a laga hu he'mi he'mi nohibe.

Romu 11:17

To Yuta bona'magi foyagu kofo'ehina oliba yafa supo hite neminabe. To fegutoga bona'magi lopi oliba yafa supo hite nehabe. To Hu'mau hetofa yafamofihi yaha'a mone'a laga hu he'miloto to lopi yafaloti yaha'a mone lito oto hetofa yafa laga hu'ehinalo li molo hepito nagatu sa gilago nogoya'a logoto ana lopi yafamofihi yaha'a le'mo bati nohilibe. Lenali fegutoga bona'magita ya'ma lopi yafamofihi yaha'a molo hepi'ehinana legi hite neminabe. Yana'mu Hu'mau yata'a Yuta bona'magihi mino hetofa huse'na epi'ehina yamofihi lenali fegutoga bona'magita yatai lite bati hite neminabe.