Yoni 13:1 - Ka Lamana'a Monoꞌi Lu Mu Tifiꞌehina Ka Yabe

¹ To mone kana'a nose'na laita hite nalana Pasa yabe nelana ya'ma yupahi leba talina Yesu ma meluguti he'mito afo'afihi hepato bilina kana ma'asi huto hilibe luto akeheli'ehina. Ai boana'a ma melugu mine'ahanamagihi asaga yupahi keke'i lu epolo'ehina. To ai keke'i lu epolose'na'a minomo buto su meho'ehigo ai fili'ehina.

Yoni 13:1 Referans Kwoze

Yoni 12:23

Ya la'igo Yesu lu etimi'ehina: Yatai Kokulumaguti limi'ehina Bomo sipi fana meha'a aitoga huto hilina ya'ma kana'a ma'asi huto hilina'mu yabe.

1 Yoni 4:19

Lali ya'ma Hu'mau kohe toto komopa'a limi'ehinamo ni'igo yamu'i lemehi ai emilata nohune.

Yoni 13:34

To yuhufa kaga lu molo'ohuna ma lu nolepube. Lenali komopatini lenogotinifihi emilo. Nani komopa'ni lenalitoga lepi'ohunagi lenali ana hite ai komopa'a eminogo ai eminogo hite ya hilo.

Yoni 16:28

Nani Afo'nifihi he'mi etoto metoga limi'ohuna. To ya'ma hepa'i he'mito Afo'nifitoga tilube'mu hube.

Yoni 13:3

Yesu afo'afu asaga kaba huse'na emi'ehina kehelito to Hu'mamofitogati limito o'ehina hiti to i behe huto Hu'mamofitoga aku'i bilina ya'mana akeheli'ehibe.

Yoni 18:4

To Yesu yata'a ya'ma asaga huto hu epalalina'mu akehelito gimi bomagi nehetigo ai nehanalo kohe toto buto lu epi'ehina: Kiyi'afi kumu sa nehabe?

1 Koliti 1:8

Ai ya'ma Sipi Boti Yesu Kilisito henetilina kanalo foipanatini meminenogo to lufusatini amuya malago minalabe luto kaba hu lepoloba lepoloba nohinogo kanatini su halibe.

Yoni 17:16

Ya hu'ehina'mu nani melugu naga'i menohube. To ana hite enali melugu naga'i menehabe.

Yoni 17:1

Yesu ai kaga lu su holoto kokulumagu bu go saga huto ma luto Hu'mamofihi lu emi'ehina: Afo'nigabe. Kana'a tupa nohibe. Kai nani'i panakamofihi fana meha'a li huto huto mololatogo panakamofita nani kai fana mehaka li huto hilube.

Huto Hilina Ka 1:5

to Yesu Kilisito aitogati ya'ma lehe'mose'na to fuluna'a lenalitoga mino moloto minalibe. Yesu ai ya'ma Hu'mamofihi ka'a beto huto ligo ule'ale nohina bo to kohe toto pana'a filise'naguti ho tise'na yamofihi lamana baga'a to noto noto kaba bona'i Sipi Botini lenali bo lenogotinifu kaba huto nohibe. Ai komopa'a limito ai'a golaha'atu foipanatiguti li okala hu leto'ehinamo ni'ibe.

Hibulu 3:14

Lali asaga'i hapi fito keheliya ise'na ya'ma to fifa ilata nohuta li gehesalo nehetilutamofihi ya'ma Kilisitohi agoyana'a guna moloto li pili koto nominota bona'i lolo huto nohilune.

Yoni 17:5

Ke, Afo'niga, me'i huto mehu'ehigo kai hiti kokuluma fana meha'ni hiti mino'ohuna, ana suhi huto yatai kubulo nohugo aku'i fana mehaka nimitogo lito minalube luto nolube.

Matiu 26:45

Ya luto nunumu hu su holoto koko pana'a nehanaga i behe huto oto ma luto lu epi'ehina: Lenali lenubu'i bati'a kelete nehafihe? Lenali kehelilo. Kokulumaguti limi'ehina Bomofihi yato lite bite foipa bomagihi enayanuga bilana kana'a ma'asi huto hilina'mu yabe.

1 Pita 1:13

Ya'mu komopatini li hokolo hite lenegekesa kehelilo. Kaba hu bati hite minete Yesu Kilisitou alihi huto hinogo ya'ma lusa gi lepalalina'a yalo'i geba hilete asaga'i keheli ule'ale hite fifa ilete minalo.

Hibulu 6:11

Lenali kumu ya hilabe luto nolube. Lenali asaga'naloga moneko legege hite keta mehuse hite minenogo lele'mo hetofa hilina nasana ya hilune lite fifa ite lenegekesagu melete mine lite netinogo kana'a su halina yalo nehetilabe.

Hibulu 3:6

Ya huto mino'ehinaya Kilisitou ai ya'ma pana'auba Hu'mamofihi noha'alo lolo hi tegi hite mine'ahana bona'magihi kaba nohu epoloto Hu'mau lu'ehinalo foya amuya moloto lilata nohibe. Noha'aya lali ya'ma nohune. To yamofihi fa'mene'mu meni'ibe. Ana'ina le'mo babahi hu leto'ehina yana'mu luto ka'a li pili koto agoya hu emito minoto komopatigu bati nohinogo keheli emito mino lito nobinogo kanati su nehenogomo ya'ma Hu'mamofihi noha'a lolo huto nohune luto lilune.

Romu 8:37

Ya'ma huto hu letalana asaga'namofihi Yesu be ligi'ehigo bati huto minalune. Yesu ai sipi ginaga fi limito kaba hu letago aitoga ule'ale huto minolata nohune.

Yoni 17:26

Nani hapaka lu hokolo huto lu epi'ohuna to lu epito minaluna'mu yabe. To komopaka nonimitanauba enalitoga minalibe luto nani nemeha'auba ana huto enalitoga minenogo nani ana huto enalitoga mino hepito minalube luto ya'ma nohuna yabe.

Yoni 14:28

He'mi lepalalube luto aku'i lenalitoga alube lutomo ya'ma lenegekesa keheli'ahana. Lenali komopatini nimi'ehinogomo Afo'nifitoga tilube lutomomu'i kehelite lenegelo bilana'mu yabe. Hena'mube? Ai amuya hiti nebe ligi'ehina bo nohinagi lenehe'malibe.

Yoni 11:55

To analo'i Yuta bona'magi Pasa nose'na nalana kana ma'asi huto hinogo to bona'i fato fato hepatogati ete Yelusale nehetite enugufa okala hilana yanamofihi mono nose'na nalabe lite bi'ahana.

Yoni 7:30

Ya luto ligo enali yato hite naga'i emilune'mu hanaya mone bufalo lite ya hite mehi'ahana hena'mugope ai kana'a meo'ehina'mu yabe.

Yoni 7:6

Ya lite lago Yesu lu epi'ehina: Nani kana'ni lamana'a meo'ehibe. Asaga kanaya lenalitini bilata kanatini bati hutomo ni'ibe.

Yoni 6:4

Yuta bona'magi fuli kana'ani Pasa nose'na li nupa hite nelata nehana kana'ani o leba to'ehina.

Luku 22:53

Nani asaga yupahi lenali hiti sipi mono nonugu minolata hu'ohuna lenali nani naga'i menimi'ahana yabe. Ya hi'ahana yatai lenali kanatini huto nohigo metepunamofihi amuya'a hiti yabe, Yesu ya luto lu'ehina.

Luku 9:51

Hu'mau Yesuhi le'malina kana'a leba tago Yesu Yelusale hepato kapo moloto bilube luto ekesa kehelite mino'ehina.

Matiu 28:20

To asaga nani lu lepi'ohuna ka lenali bite lu enelepinogo kehelite liyafa hite mege'i malalabe. To lenali kehelilo. Nani lenali hiti asaga yupahi moneka nohinogoti ma me'i su halina kanagu hiti lenali aku'i minaluta'mu yabe.

Yoni 8:20

Asaga ya'mana kaga sipi mono nonugu efapo melelata nehana lape'i nina hasagu minoto enelepi'ehina yabe. To bona'magi anagati ete yato lite naga'i meemi'ahana ya hena'mugope ai kana'a meo'ehina'mu yabe.

Yoni 2:13

Yuta bona'magi Pasa nose'na ya'ma koyapa'i Hu'mau lubuto bi'ehina yupa kumu luto nose'na naluta kana'a leba notago Yesu Yelusale hepato ti'ehina.

Yoni 13:29

Yutasiu efaha gu'i kaba hu'ehinagi pana'alobomagi enegekesa kehelite ya'ma nose'na li nupa hite nalana'mu Yesu nose'na mone hiti buto mina fi letobo lutomofi to mone nose'na lito buto enumuhi menina bona'i li epibo, ya'ma ka lu noemunafi enali ya'ma enegekesa keheli'ahana yabe.

Yoni 14:31

Ya huto hilenogo nani komopa'ni Afo'nifihi emi'ohuna yanamofihi noto noto bona'magi ya'ma kehelilune'mu habe. Yana'mu Afo'nifu kaga lu nimi'ehina mege'i mololata nohube, Yesu ya luto to kaga mone lu epi'ehina: Lali yatai ho tito ma hepatogati he'mito nobune.

Yoni 19:28

To Yesu lili'namofihi nasana'mu baga i'ehina akehelito koyapa'i mono fayahi keye'ahana kaga'a huto hilinagi ai lu'ehina: Nani nagami'i naluna nipa'ni nohibe.