Yoni 12:1 - Ka Lamana'a Monoꞌi Lu Mu Tifiꞌehina Ka Yabe

¹ To yege yupahi nayaha'ni su hoto mone kegi'a moneko'isi leke ho malago Pasa nose'na nalana kana huto meo'ehibe. Yesu ya'ma fili'ehina bo Lasalasi le'mo ho ti'ehina'a hepa'i, Betani yabe, ai buto analo mino'ehina.

Yoni 12:1 Referans Kwoze

Luku 24:50

Ya huto lu epiloto ai enele'mo bululu huto hepaluguti fegutoga limilete Betani enele'moto bu'ehina yabe. Ya huloto ai yahi li saga huloto lusa gi epolo'ehina yabe.

Yoni 12:20

To Yelusale hepalugu boana'i tite mono nonugu sipi nose'na nalana yupahi luga'amagi Giliki bona'i hiti moneko kumu ti'ahana.

Yoni 11:55

To analo'i Yuta bona'magi Pasa nose'na nalana kana ma'asi huto hinogo to bona'i fato fato hepatogati ete Yelusale nehetite enugufa okala hilana yanamofihi mono nose'na nalabe lite bi'ahana.

Yoni 11:1

Hepato mone Betani analugu bo mone Lasalasi yabe gi'a nelana ai minoto besi'ehina. Ya'ma Betani hepa'i loe ate Malia to Mata mine'aha'ina.

Matiu 21:17

Ya luto lu epiloto ai enalitogati he'miloto Betani hepatoga buto ana folugu'i mino'ehina yabe.

Yoni 11:44

Ya ligo fili'ehina bouba ho tito yogolo poto leke ho limigo gigusa'a yaha'a katatu sa gi'ahana to okaba'a hiti sa gi'ahana. Lasalasi ya minago Yesu lu epi'ehina: Gulu ho etenogo bino.

Maki 11:11

Ya lite nelago, Yesu Yelusale hepatoga nehetito tito buto sipi mono nonugu ti'ehibe. Tito ana nonugu ni'inanamofihi asaga'i bu go beloloto to sinihi gigo, ai i behe huto anaguti he'mito buto pana'alobo'a 12 magi hiti bite Betani hepatoga nehetite mine'ahabe.

Luku 7:37

Ya neha'igo ana hepato foipa a'i mone nominanati Yesu ya huto Felosi bomofihi nonugu nose'na nena'ibe lana'a ka'a keheli'ehina. Ya huloto ana a'uba efaha kohi mone hetofa'a liloto o'ehina.

Yoni 11:43

Ya luto luloto ai ka mone sipi kehe ito: Lasalasio, leke ho limibo, lu'ehina.

Yoni 12:9

To Yuta bona'magi babu lite Yesu Betani hepalugu nominanamofihi kehelite anaga bi'ahana. Enali Yesuhi bu galune lite to fili'ehinaguti le'mo ho ti'ehina Lasalasi bu galune lite bi'ahana.

Yoni 12:12

Mone yupahi eteka'a babu boana'magi Pasa nose'na nalana kana'alo li gehesa hite Yesu Yelusale hepato alibe lite keheli'ahabe.