Yoni 11:4 - Ka Lamana'a Monoꞌi Lu Mu Tifiꞌehina Ka Yabe

⁴ To Yesu ya'mana besi'ehinaga obo luto li'aha'ina'mu kehelito lu'ehina: Ya'mana Lasalasihi besise'na huto hu eminogo fililoto meminalina'mu ya'ma bona'magi kehelite Hu'mamofihi gi'a liyafa hilabe. Yana'mu nani pana'a nohugo enali ana hite nigi'ni liyafa hilune'mu nehabe.

Yoni 11:4 Referans Kwoze

Yoni 11:40

Ya ligo Yesu lu emi'ehina: Hena'mube? Yata'a lu kimi'ohunamofihi mekeheli'ahatafihe? Kai nanitoga keheli ule'ale hinogomo Hu'mamofihi amuya'a hiti fana tose'na'a hiti bu galane luto lu kimi'ohunagihe.

Yoni 9:3

Ya lago Yesu lu epi'ehina: O'e. Enali foipana'aniuba mehu eto'ehibe. Ai bu pisi lu'ehinana'mu Hu'mamofihi amuya'auba le'mo hetofa hu etenogo gili hinogo boana'i ya'mananamofihi bu galabe.

1 Pita 4:14

Lenali Kilisitohi gi'a kehelite minana'mu yabe lite libe kofa hibe hite mumusopa i lepelenogomo kehelinogo yauba amuya'a hiti'na lolo hite lenegelo bite minalo. Ana'ina ya hite lite li lepilenogomo Hu'mamofihi Meha'a silikeha'a hiti nohinauba lenalitoga limito minalinamofihi hapa'a huto nohibe lite lilabe.

Yoni 5:23

To asaga bona'magi afo'afitoga enegelo bi emite gi'a li saga nehana'a hite Pana'amofihi ana hilabe. To mone kene'uba Pana'a agoya hu meemilina, ho lifi'ehina afo'afihi agoya hu meemilina'mu yabe.

Yoni 17:5

Ke, Afo'niga, me'i huto mehu'ehigo kai hiti kokuluma fana meha'ni hiti mino'ohuna, ana suhi huto yatai kubulo nohugo aku'i fana mehaka nimitogo lito minalube luto nolube.

Yoni 2:11

Galili kegi'a Kena hepato Yesu amuya lili'na'a ya'ma yata'a yupahi li huto hu'ehina. To ai hetofa hapa'a enelepilago pana'alobomagi Yesuhi komopa'ani emite keheli bati hi ete'ahana yabe.

1 Pita 4:11

Luga'a enali mono ka lu huto hilanamagi Hu'mamofihi keheli lamana hilete lu epilabe. To luga'a enali bona'i enele'mo bati hilanamagihi ya'ma Hu'mau amuya epilenogo yanatu'i lolo hi epalalabe. Lenali ya suhi ma suhi lolo nehinogo Hu'mamofihi fayahuba bati huto minalibe lite kehelite ya hilabe. Yesu Kilisito ai kumu yabe luto fayaha'auba hu lamana hilibe. Yamofihi sekele mamu'a hiti fana mehena amuya'a hiti aitoga minalina'mu ya'ma minomo tito buto mino bai toto minalibe. Ma'naka.

Filipai 1:20

To minoba minoba'namufi to fililatanamufi komopa'ni keta mehuse honogo nugufa komopa'ni hiti Kilisitohi keheli eminogo'ni yanauba ule'alena'a lolo hu netalibe luto buto mino'ohunamo ni'ibe. To ya holito buto minalube luto nubuya hulatana li huto mehuse keheli lamana huloto Yesu Kilisitohi gi'a liyafa huto minalube'mu hube.

Yoni 17:1

Yesu ai kaga lu su holoto kokulumagu bu go saga huto ma luto Hu'mamofihi lu emi'ehina: Afo'nigabe. Kana'a tupa nohibe. Kai nani'i panakamofihi fana meha'a li huto huto mololatogo panakamofita nani kai fana mehaka li huto hilube.

Yoni 9:24

To Yuta bona'magi ketona kanagu bu pisi lu'ehina bomofihi aku'i kehe ite ago lu emi'ahana: Ya'ma hetofa huto hu keto'ehina'mu Hu'mamofihi ai'ago foke ka lu emibo. Ya'mana Yesu foipana lilata bo nohina keheliya i'ohune.

Yoni 8:54

Ya lite loka hago Yesu ka'anilo nona'a lu epi'ehina: Nani'ni nigi'ni liyafa hilunaya nani nigi'ni fa'menena lolo hilina'mu yabe. Ya hu'ehina Afo'nifu ai'a nigi'ni li saga huto gelo nobinamo laliti Hu'matifu nohibe lilata nehabe.

Romu 11:11

Nani mone koloka nohobe. Ya'ma Yuta bona'magi li figi gi'ahana'mu Hu'mau enali kumu he'mi su ho'ehinafihe? O'e, ya huto meni'ibe. Ai lu kehelito i behe huto fegutoga bona'magihi enubuto bilube luto, Yuta bona'magi be gelete siko hilabe lu'ehina. Enali enubuto bise'na yana'amu laga'ani epesilina'mu yabe.

Yoni 17:10

To nani naga'i ya'ma kaika naga'i nehabe. Kai naga'i ya'ma nani naga'i nehabe. To komopa'anitu hite melete nehana nasanauba nani fana mehena'ni li huto hulata nohibe.

Yoni 12:28

Ke, afo'niga. Kigikamo le'mo hofa tobo. Ya ligo kokulumaluguti nogo'a moneuba lu emi'ehina: Nani nigi'ni le'mo hofa to'ohunagi to aku mone hiti le'mo hofa talunagihe.

1 Pita 1:21

Ya huto higo lenali ai kumu kehelite Hu'mamofitoga agoya hu emite neminabe. Hu'mau Kilisitohi fili'ehinaguti le'mo ho tito sekele mamu'a emito molo eto'ehina yabe. To ya higo lenali ananamomu'i kehelite amuya melete aitoga agoya hu emilata to fifa ilata nehana ni'ibe.

Filipai 1:11

To ana kanagu Yesu Kilisitou lenehe'menogo komopatini bati bati hite minelenogo bona'magi bu lenegete yege nofune lite Hu'mamofihi fokeha'a lilana'mu yabe.

Yoni 10:38

Analo'i nani kumu keheli ule'ale mehite ya'ma lili'na li'ohunana'mu keheli ule'ale hite minalune'mu hilo. Hena'mube? Ya'ma lili'na li'ohutamo ni'igo Hu'mau nehe'moto nanitoga i ke'moto moneko'na nomino'ibe. To nani ana huto aitoga i ke'mobe.