Yoni 10:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Baukalo bona'uba tilube'mu nohuto sipisipi yagamagihi enele'mo sibina huto gumina liloto enoho fililina'mu nohibe. Nani enehe'malube luto enubuto bilube'mu o'ohunagihe. Ya nohuto mino kosaba huse'i epilube'mu nohugo enali minomo buto minose'na'a lilete asaga'i hetofa hite minalabe.

Yoni 10:10 Referans Kwoze

Luku 19:10

Hena'mugope Kokulumaguti limi'ehina Bouba ai bona'i fenene hi'ahana sa sa huto enele'mo huto hilube luto o'ehina yabe, luto Yesu lu epi'ehina.

Yoni 6:51

Mino kosaba huse beleti kokulumaluguti he'mito limi'ehinamoya nani'ni nohube. Ya'mana beleti nose'na mone bouba nalina ai minoba minoba hilina'mu yabe. Ana beleti nose'na nani emiluna nani'i nugufa'ni yago melugu asaga bona'i epi baga inogo enali ana hite minoba minoba hepa'i lilabe.

Yoni 12:47

To bona'magi ya'ma kaga'ni keheli he'milenogo nani ai'a hapa'a loko mehilube'mu hube. Nani melugu oto noto noto bona'i kaga'ani loko hilube'mu meo'ohube. Noto noto bona'magihi enubuto biluna'mu yabe luto'ni yana'mu o'ohunagihe.

Yoni 6:33

Ya'mana beleti Hu'mau epilata hu'ehinauba melugu boana'i enele'mo mino kosaba hilibe luto kokuluma hepa'i he'mito limi'ehibe.

Yoni 3:17

To Hu'mau ma melugu pana'a ho lifigo limi'ehina ai mana melugu bona'i loko hilibe lutogope enele'mo enubuto bilibe luto ho lifi'ehina yabe.

1 Timoti 1:15

Yesu Kilisito aiya bona'i foipana'aniloti enubuto bilube luto melugu limi'ehina yanamofihi legeya'a lamana'a ni'ibe. Asaga'i kehelilata nasana'a ni'ibe. Ana'ina foipa lilata nehana bona'magihi nani enebe ligi'ohuna bo nohube.

Yoni 10:1

Yesu mone kaga lu epi'ehina: Nani ma'naka lu nolepube. Bona'i moneuba sipisipi yagamagihi bihu kasito metise buto folaganuguti leke ho limito baukalo bo to lubalo bo nohibe.

Matiu 20:28

Ya'ma Kokulumaguti limi'ehina Bo ai ana suhi huto nohibe. Bona'magi aito lili'na he'mete li etalabe luto meo'ehina yabe. Ai boana'magitoga lili'na li epoloto enehe'malube luto o'ehina. To ai boana'magi kumu luto gufa'a he'miloto asaga boana'i foipana'ani pa so epalalube luto o'ehina yabe.

Hibulu 7:25

Ya hu'ehina'mu minoba minoba huto nominana bouba ya'ma kana'amu kana'amu lali kumu yabe luto Hu'mamofitoga buka tilata nohinaya ai'a lubuto bise foya Yesuhi foya'amu luto Hu'mamofihi bulo bulata nohuta bo bati huto lamana'agu lele'mo moloto lili'nagu lele'mo hetofa hulata nohibe.

2 Pita 1:11

Ya hite nehinogo Sipi Botiuba linogo lenubuto bise'na bo Yesu Kilisitohi kapo'a minolata nohinanamofihi kasihi li hokolo hu lepelenogo keta mehise hite bite falalabe luto Hu'mau ya'ma lu molo lete'ehinamo ni'ibe.

Hibulu 6:17

Yanamofihi Hu'mau ai'a bona'i lu molo epolo'ehina yamofihi Hu'mau kenetufa'a le'mo gelehe huto fato ka lilifihe? lite enegekesa loemo keheli lalabe luto komopa'atu keheli hetofa higo lu'ehina. Anamofihi hapa'a li huto hilube luto lu molo epolo'ehina nasanamofihi ka'amofihi gupisalo le'mo hetofa huto lu laga huse kaga ya'ma molo emi'ehina.

Matiu 23:13

Lenali kaga keheli bati hulata bo hiti to Felosi bo lenali, ehetinio, kaba hite mino sepa ite minalo. Lenali loe ka luse bo nehabe. Lenali boana'magihi enubulo kokulumamofihi kasiha'a li hekini lelata nehabe. Lenalitini ana kapo'alo metise nehite boana'magi tilune'mu nehana ana kapo lenali li hokolo mehi epelelata nehabe.

Romu 2:21

Kai bona'i luga'amagihi mono ka enelepito nominobe lata nominolata ya'ma lusiga ni'inogomo henabe luto ana kaga mege'i mololata menohane? Kai lu yege ho epololata: Gumina melibo, luto lu noepita aku'i kai gumina nolipihe?

Matiu 18:10

Lenali ya'ma yagapana'i fa'menena nehabe lite li lalabe. Lenali kaba hu bati hilo. Nani ma'naka luto lu nolepube. Kokulumalugu nani Afo'nifihi bu'alo enali agelo'ani kaba hu epelete neminabe.

Maki 11:17

To asaga bona'i ma luto kaga lu epi'ehina: Hu'mamofihi kagu henabe luto koyo'ehina ni'ibe? Ma luto koyo'ehina: Nani noha'nigu asaga bona'i noto noto bona'i enali nunumu hite minalabe. Ya'mu nunumu nopo yabe lite gi halabe. Ya luto koyo'ehina ni'inagi, aku lenaliya ana nonugu efahi gumina nelina yabe. Ya nehago guminalo nohi alolo hu'ehina yabe, Yesu ya luto ka epeki'ehina.

Yoni 12:6

Yutasiu ya luto faga lu'ehina muhi menina bona'i kumu kaba mehu epolose ai gumina lilata bo nohibe. Ai'ago efaha gu'i lito kaba hulata aku ai hapa'a ana efaha gu'moguti gumina lilata hu'ehina.

Matiu 21:13

To ai kaga ma luto lu epi'ehina: Mono bukugu Hu'mau ma luto kaga koyo'ehina: Nani noha'ni numuna noha'ni yabe lite gi'a nehabe. Ya hu'ehina lenali ana nohi guminalo bomagihi suguna hepa'ani li lolo nehabe.

Yoni 5:40

Nani ya'ma mino kosaba huse'na lepilube luto nolugo lenali lilune lite aku'i nanitoga mealune'mu nehabe.

Yoni 10:11

Nani sipisipi yagamagita kaba bo'ani bati'a nohube. Nani ya'ma kaba bo'ani nohuto'ni sipisipi kumu fililube luto enubuto biluna ya'ma nani nohube.

Matiu 18:11

Hena'mugope Kokulumaguti limi'ehina Bouba minigi'ahana sipisipi yaga enele'mo huto hilube luto limi'ehina'mu yabe.