Yoni 1:5 - Ka Lamana'a Monoꞌi Lu Mu Tifiꞌehina Ka Yabe

⁵ Ya'mana fana mehuba metepu li besa lolata nohinagi metepu'uba fana mehi le'mo fi tolata menohibe.

Yoni 1:5 Referans Kwoze

1 Koliti 2:14

Bona'i luga'a Hu'mamofihi Sikalafu'a hiti menehilana bona'i enali ya'ma Hu'mamofihi Sikalafu'mofihi kaga'a mone mekehelilana'mu yabe. Enali hena hite kehelilabe? Meni'ibe. Sikalafu'i hiti nehilana bona'magi kehelilana'a huto ni'inaya, Sikalafu'i hiti menehilana bona'magi kehelinogo fa'mene kaga legi lolo hilube'mu hibe.

Yoni 1:10

Ana Kaga ai melugu nohuto to yana Hu'mamofihi Kaga'auba asaga me'momu'i lolo li huto hu'ehina ni'inaya to melugu boana'magi ai'i keheli bati mehi'ahabe.

Romu 1:28

Hu'mau ana bona'i yege yege'na enalitogati he'mi'ehigo enali ya'ma Hu'mamofi kumu lusi kaga ni'ina ya'ma mekehelite pelesa ite enegekesa keheli'ahana fato fato'i ya'ma mege'i nemalabe. Bati mehina supo hite neminabe.

Matiu 5:15

Bona'i enali libi'i li kulu tilete somotu ifi metalibe. Enali ifo hitalo malago nonugu nehana bonatoga kululu tuto fi besa lo baga igo be ge fana tete minelata nehabe.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.