Yoni 1:44 - Ka Lamana'a Monoꞌi Lu Mu Tifiꞌehina Ka Yabe

⁴⁴ Filipiu ai Betesaita hepa'i Atulunogo Pitanogo ana hepato bo yabe.

Yoni 1:44 Referans Kwoze

Yoni 12:21

Enali ete Yesuhi pana'alobo'a mone Filipi, ai Betesaita hepato Galili meluguti o'ehina bo aitoga ete lu emi'ahana: Babafio, lali Yesuhi bu galune'mu hune.

Matiu 11:21

Ai lu'ehina: Ke, Kolasini bona'ise. Ke, lenali Betesaita bona'ise. Lenalitoga babeyafana li huto nohunana enali Taiya bona'i hiti Saitoni bona'i hiti enalitoga li huto hutita enali mele'isi melugu mino laba hite gebona gukete li hekelete lahi enugufalo felete eniginaga foipana'animu'i finogo nehinogo ya bu goto foipana'animo'mu nehabe luto huto hulata nohinagi lenali komopatini i gelehe mehi'ahana.

Luku 10:13

Ke, Kolasini bona'ise. Ke, lenali Betesaita bona'ise. Lenalitoga amuya lili'na nohunana enali koyapa'i Taiya bona'i hiti Saitoni bona'i hiti enalitoga li huto hutita enali mele'isi melugu mino laba hite gebona gukete li hekelete lahi enugufalo felete eniginaga foipana'animu'i finogo nehinogo ya bu goto foipana'animu'i nehabe luto huto hulata nohibe. Lenali komopatini i gelehe hilanamo meni'inagihe.

Luku 9:10

Yesuhi aposolo panana'a aku'i ete li nupa hi su helete asaga'na enali hi'ahana Yesuhi lu emi'ahana. Ai asaga'i pana'alobo'a enele'moto luga'a fato bona'i nohe'mi epoloto enaligo Betesaita hepato bi'ahana.

Maki 8:22

To yalo Yesu to pana'alobomagi hiti Betesaita hepatoga nehetite neminago, bona'magi bo mone bu pisi lu'ehina bomo Yesutoga le'mete bite: Oho. Kayapotu bako huletogobe lite buka tilago,

Maki 6:45

To yalo Yesu ana'asi pana'alobo'a amuya ka lu epito ma lu'ehina: Lenali nani kohe tete bite botigu tite nagami muya beletoga Betesaita hepatoga lofotula hilutagi bilo.

Maki 3:18

To Atulu yagi, Filipi yagi, Batolomu yagi, Tomasi yagi, Yemesi ai Alifiasihi pana'a ai yagi, Simoni ai Kena kapoguti bo ai yagi,

Matiu 10:3

To Filipi hiti to Batolomu hiti yabe. To Tomasi hiti Matiu hiti etali takisi efahi lilata bole yabe. To Yemesi ai Alifiasihi pana'a yabe, to Tatiasi yabe.

Aposolo 1:13

Ya hu'ehigo enali Yelusale'i nehetilete minelata nehana nohi hasagu ti'ahana. Enali enigi'ani, Pitau, Yoniu, Yemesiu yagi to Batolomu, Filipiu yagi to Tomasi, Atulu yagi to Matiu, Alifiasihi pana'a Yemesi, Simoni gimi bo yagi, to Yutasiu Yemesihi pana'a ya hite enali asaga'i mine'ahana.

Luku 6:14

To mone folagaha'anigu Simoniu yabe luto mino'ehina gi'a Yesu Pita yabe luto molo'ehina. To Atulu ai Simonihi gona'aya. To Yemesiugo Yoniugo to Filipiugo Batolomugo yabe.

Yoni 1:43

Yago eteka'a Yesu Galili kapogu bilube'mu nohuto Filipi bu goloto: Nemege'i obo, luto kehe i'ehina.

Yoni 1:45

To Filipiu bo mone Natanielihi sa sa huto bu goloto ma luto lu emi'ehina: Koyapa'i Moseu ma bomofi kumu keya kagu go'ehinamo lali abu go'ohune. Ai Nasalete hepatoti Yosefehi pana'a yabe.

Yoni 1:46

Ya luto ligo Natanieliu loka ho'ehina: Nasalete hepatoti ana'ina hetofa'a mone huto hilina ni'ifihe? O'e. Ya luto loka hago Filipiu lu emi'ehina: Kai oto bu gobo.

Yoni 1:48

Ya ligo Natanieliu loka ho'ehina: Kai nani'i hena huto keheli'ahane? Yesu lu emi'ehina: Filipiu kai'i kehe mei'ehigo nemuya yafa hapa'aluga nohanogo bu kogo'ohube.

Yoni 6:5

Yesutoga babu boana'i mege'i lifite neago bu enogoloto'a Filipihi ma luto lu emi'ehina: Hiya'agati nose'na mina fito ma boana'i epinogo nalabe?

Yoni 6:7

Ya ligo Filipiu lu'ehina: Nose'na 200 kinaloti mina fito ma bona'i epiluta luga'a butomo he'milina'mu yabe.

Yoni 12:22

Ya lago Filipiu kehelito lalu'afihi Atulu nohinalo buto ana kaga lu emi'ehina. To keheligo etali moneka Yesutoga bite lu emi'aha'ina: Giliki bona'i enali kai kumu sa sa nehabe.