Yoni 1:42 - Ka Lamana'a Monoꞌi Lu Mu Tifiꞌehina Ka Yabe

⁴² Ya lu emiloto Simonihi le'moto Yesutoga bu'ehina. Ya higo Yesu bu goloto ma luto lu'ehina: Kai Yonihi pana'a Simonigamo nohane. Alihi kai kigika Kifasio luto haluta'mu yabe, lu'ehina. Ya'mana gi'a lu gelehe hiluta Pita, ai mana gimofihi hapa'a Efahi yabe.

Yoni 1:42 Referans Kwoze

1 Koliti 15:5

Ho tiloto kohe toto buto Pitahi huto hu be li'ehina, analoti buto Pita hiti pana'alobo luga'a 12 asagatoga huto hu enebe li'ehina.

1 Koliti 3:22

Nani Poluita to Apolosi to Pita lali ya'ma lenali kumu yabe luto kaba he'mi letago nohune. To melugu nasana silaga'i to minolatanafi fililatana to yatai ni'ina nasana alihi huto hilina nasanamofihi silaga'i lenali nasana ni'ibe.

1 Koliti 1:12

Ya hu'ehina'mu ka'a ma luto nolube. Lenalitogati luga'amagi lali Poluhi naga'i nohune lite lilata nehabe. Ya lite nelago luga luga'amagi lali Apolosihi naga'i nohune lite lilata nehabe. To luga'amagi lali Pitaha naga'i nohune lite lilata nehabe. To luga'amagi lali Kilisitohi naga'i nohune lite lilata nehabe.

Galesia 2:9

Ya hulago Yemesiugo Pitaugo Yoniugo mono'mofihi enikibina bo nehafihe lite keheli'ahana yamagi Hu'mau pa sose foya'alo le'mo hetofa hu'ehibe lite nani kumu ya lite keheli'ahana. Kehelilete lalalutifu yabe lite Banabasi hiti le'eyanugu li'ahana. Ya hilete lenali fegutoga bona'magitoga Hu'mamofihi foya nelinogo laliti Yuta bona'magitoga nelinogo huto minalune lite lu mele'ahana.

1 Koliti 9:5

Aposolo luga'a enali to Sipi Bomofihi gonamu tamu'a hiti to Pita enali ana'i yagapana'ani hiti mono foyalo bilata nehago nose'na epilata nehabe. To lali ana suko huto lihati hiti mono foya lilutamoya nose'nati menimilana yamofihi bati hilifihe? Bati mehilibe.

Matiu 10:2

Nayaha'ni su hago nigigusaga loemo leheko malago aposolo pana'magihi enigi'ani li keheli'ehina ma luto ni'ibe. Yata'a Simoni fato gi'a Pita, to Atulu ai gona'a yabe. To Yemesi Sepetihi pana'a ai Yoni gona'a hiti yabe.

Luku 5:8

To Simoni Pitau huto hinana bu goloto lapusa nohi Yesuhi bulo melugu minoto lapusa filoto lu'ehina. Sipi Bo, he'mi netoto abufa hubo. Nani bo foipa'a nohube, luto lu'ehibe.

Yoni 21:2

Pana'alobo'amagi Simoni Pitagi Tomasigi fato gi'a Loe Lae eteketo'ehina yabe nelana to Natanieligi ai Galili kapomofihi Kena hepato bo to Sepetihi pana'amale'i hiti to Yesuhi fato pana'alobo'a loemo etali hiti li nupa hite ana hefuhi nagami beletoga mine'ahabe.

Maki 3:16

Ana 12 bomagi enigi'ani ya'ma yabe. Simoni, ai gi'a mone Pita yabe lite gi nehana ni'ibe.

Yoni 13:18

Nani lenali kumu asaga'i menolube. Enele'mo ho ti'ohuna'amofihi akeheli'ohube. Koyapa'i mono bukugu fayahi ge'ahana ya'ma lama'naka lu huto hilinamo ni'ibe: Nose'na noto mino'ina bouba gigusatu la'misa nefi'ehibe.

Luku 6:14

To mone folagaha'anigu Simoniu yabe luto mino'ehina gi'a Yesu Pita yabe luto molo'ehina. To Atulu ai Simonihi gona'aya. To Yemesiugo Yoniugo to Filipiugo Batolomugo yabe.

Galesia 1:18

Nehetito nohugo yalo kufu kana loebe monebe nobigo Pitahi bu galube luto Yelusale hepatoga nehetugo ai hiti loe salelegu mino'ohu'ina yabe.

Galesia 2:11

To Pitau ai Atioki hepatoga olago ai mone bati mehina suhi huto higo nani bu go bati huloto li gehesa nehago asaga bona'magihi bulo ka emeki'ohuna yabe.

Yoni 4:16

ya ligo Yesu lu emi'ehina: Kai buto bahaka kehe ito malo aliyo.