Yoni 1:12 - Ka Lamana'a Monoꞌi Lu Mu Tifiꞌehina Ka Yabe

¹² To bona'i luga'amagi be tigite le'mo bati hite agoya hu emi'ahana. To ya hi'ahanamagihi ya'ma Hu'mamofihi yagapana'a yabe luto ai enele'moto enebe tigi'ehina.

Yoni 1:12 Referans Kwoze

Galesia 3:26

To lenali ya'ma Yesu Kilisito kumu keheli ule'ale huto agoya hu emuta'mu yabe lite yata'isi asaga'i Hu'mamofihi yagapana'a lolo hite nehabe.

Romu 8:14

Asaga bona'i Hu'mamofihi sikalafu'uba enele'moto bulata nohina enali Hu'mamofihi lusi panana'a nehabe.

1 Yoni 3:1

Bu galo. Afotifu ya'ma komopa'a sipi huto limiloto pa'nibe, pana'nibe luto lu leto'ehina. Komopa'a limilata'na hofa toto minago lali ai yagapana'a bati huto nominone. Yana'mu melugu bona'magi Hu'mamofitoga meneminana enali laliti hapati menekehelibe. Hena'mube? Hu'mamofihi hapa'a mekeheli'ahanamo ni'ibe.

Galesia 4:6

To lenali Hu'mamofihi pana'i lolo hite nehana yabe luto Hu'mau pana'amofihi Sikalafu'uba komopatigu ho lifigo limi'ehina. Limito nohigo lali Hu'mamofi kumu: Oho, Apaobe lulata huto nominone.

Yoni 3:18

Bo moneuba Hu'mamofihi pana'a agoya hu emilina ai ka foya melilina'mu. To bo moneuba ai'i agoya hu meemilina ai ka foya ali'ehilibe. Hena'mugope ai Hu'mamofihi moneko pana'amofihi agoya hu meemi'ehina'mu yabe.

Kolose 2:6

Lenali Yesu Kilisito kibina boti minalibe lite aitoga komopatini mele'ahana suhi hite aitoga hepite asaga yegegu minalo.

Matiu 10:40

Bo moneubafi moneuba lenebe tigilinaya nani'i nebe tigilina'mu yabe. To nani'i nebe tigilina bona'iya ai noho lifigo limi'ohuna bomofihi be tigilina'mu yabe.

Yoni 20:31

Yesu ya'mana sipi lili'na li'ehinamofihi kaga lu lenelepi'ehina'a fayahi koyo'ehinago kehelite Hu'mamofihi Pana'a nohinaya to le'mo ho ti'ehina bo, Mesia nohinaya lenali ya'ma keheli ule'ale hilana'mu to aitoga agoya hu emilenogo mino kosaba huse'na lepilina'mu yabe.

2 Pita 1:4

Ya huloto ai kaga lu molo leto'ehina'a hetofa hetofana'a to mina'a ti'ehina'a ya'ma limi'ehina yabe. Ya huto limigo legeya'a lalitoga huto hilenogo melugu bona'magihi enegekesa'ani enugufa'ani laga epesise kapolo mege'i nemalana anamofihi fililata kapolo lenali lenemegesa hu emite to Hu'mamofihi hetofa hapa'a, ya'ma babeyafa hite minalabe.

Matiu 12:21

To asaga bona'i aitogago komopa'ani molo emite minalana'mu yabe.

1 Yoni 3:23

Ka'a lu molo'ehina ka ma luto ni'ibe. Pana'a Yesu Kilisitohi ai gi'alo kehelito mino ule'ale huloto ai lu leto'ehinamofihi suhi huto komopati ai eminogo ai eminogo huto minaluta ni'ibe.

Aposolo 3:16

To le'ali Yesutoga komopati'a moloto le'emehi emi'ohu'ibe. Ya'mu luto Yesuhi gi'auba ma gigusa sibina nohina bomofihi le'mo amuya nomalago lenali kehelilete bu go bati nehabe. Yesutoga komopati'a emito le'emehi emi'ohu'ina Hu'mamofitogati le'alitoga o'ehinauba ya'ma amuyana hetofana aitogati oto lenali lenubulo huto nohigo asaga'i bu go baga neibe.

Yoni 1:7

Yoniu kohe toto fana mepofi kumu ya'ma kaga'a boanatoga lu yege henogo asaga bona'magi kehelilete ana kaga komopa'anigu li malalabe luto huto hu'ehina yabe.

Matiu 18:5

To bo moneuba nani nigi'nimu ekesa keheliloto yagapana'i ya'ma'a enele'mo bati huto enehe'malina, ai'ya nani'i nehe'malina'mu yabe.

Yoni 2:23

To Pasa nose'na nelatana bona'i Yelusale li gehesa hite nose kana'alo Yesu lusi amuya lili'na fato fato'i li huto hina ya'ma babu bona'magi bu gelete aitoga komopa'ani emi'ahana.

Yoni 1:11

Ai'a me'alo o'ehinagi aku'i ai'a bona'amagi bu go bati hite be tigite agoya hu meemi'ahana yabe.

Romu 8:16

Hu'mamofihi Sikalafu'uba lali lemehati hiti li hepito'a moneko legege nohuto'a Hu'mamofihi pana'amagita nehabe luto nolimibe.

Romu 8:19

To Hu'mau asaga melugu lolo hu'ehina'a yanagu neminanamagi ai pana'amagihi enele'mo ho tilina yupahi geba hite amuya melelata nehabe.

1 Yoni 3:2

Komopa'ni lepi'ohuna bona'ise. Lali ya'ma yata'isi Hu'mamofihi pa'i pana'i nohutagi, to minoto hena hena babeyafalo huto hiluta ni'ibe. Yamofihi hapa'a mele'isi huto hu lamana menohina'mu ma luto keheli'ohune. Kilisitou huto hu lamana hilina yupahi ai'a babeyafa'a bu go bati hulototi ai babeyafaloko minaluta'mu yabe.

1 Yoni 3:10

Hu'mamofihi pa'a pana'a to Satahi pa'a pana'a enali hapa hapa'ani ya suhi huto ya'ma huto nohigo bu galune'mu nohune. Luga'a mino fotogo hite meminalana'mu enali kumu Hu'mamofitogati menehabe luto nokehelune. To enali komopa'ani ya'ma enalalu'anigihi meepinogomo enali kumu Hu'mamofihi bona'a menehabe luto ya'ma ana huto lilune.