Yoni 1:11 - Ka Lamana'a Monoꞌi Lu Mu Tifiꞌehina Ka Yabe

¹¹ Ai'a me'alo o'ehinagi aku'i ai'a bona'amagi bu go bati hite be tigite agoya hu meemi'ahana yabe.

Yoni 1:11 Referans Kwoze

Luku 19:14

Ya nohigo hepa'alo bona'magi enali ana bo sipi ipakafa he'ahana. Ya nehago ana bo abufa nohigo bona'i luga'a enoho lifigo kaga lite mege'i lifite bite enali ma lite li'ahana: Ya'ma bouba ai lali gihiti boti lolo mehilibe luto keheli'ohune li'ahana yabe.

Yoni 3:32

Ai asaga'na abu go'ehinamofi hiti to asaga kaga akeheli'ehinamofi hiti lu yege holata nohibe. Ya hulata nohinaya bo moneuba ana kaga'a keheli bati huto mege'i memololata nohibe.

Matiu 15:24

Ya lago Yesu lu emi'ehina: Isilaeli sipisipi yaga fenene hi'ahanalo'mu luto Hu'mau noho lifigo maga limi'ohuna yabe.

Romu 15:8

Nani lu nolepube. Kilisitou Yuta bona'magihi enehe'malibe luto koko pana'ani lolo hilube'mu o'ehina. To henabe lutobe? Ai Hu'mau koyapa'i Yuta bona'magihi tata'anifitoga kaga molo'ehinana ya'ma le'mo huto hilibe luto yabe. Ya huto Hu'mamofihi hapa'a bebe salina'mu to lamana ka'a beto huto epilube'mu kokulumaguti limito o'ehina yabe.

Aposolo 13:46

Ya nelago Polugo Banabasiugo ule'ale hilete ma lite kaga li'aha'ina: Ma'naka luto lenali Yuta bona'magita Hu'mamofihi ka'a kohe toto lu nolepu'ibe. Ya hu'ina lenali Hu'mamofihi ka'a keheli he'minana to lenali minoba minoba hepa'mofihi nasana'mu melebesibe lite lago le'ali he'mi lepoloto fegutoga bonatoga nobu'ibe.

Romu 9:5

To koyapa'i enali Hu'mamofitoga komopa'ani mele'ahana tatatigihi naga'aniguti huto hi'ahabe. To Kilisito ai gufa'a hiti bo nohibe luto ana huto Yuta bona'i naga'aniguti huto hu'ehina yabe. Ya hu'ehinagi lali Hu'mau asaga kaba hu'ehina botimo liyafa huba huba nohunagihe. Ma'naka yabe.

Galesia 4:4

Ya hulago aliha'a ya'ma kana'a molo'ehina ya'ma su nohago Hu'mau pana'a ho lifigo limito melugu o'ehina yabe. Ana pana'mofihi ito'afu melugu a'i yabe. To ana pana'uba huto huloto ai Mosehi keya kamofihi agoya hu etoto mino'ehina.

Aposolo 13:26

Abalahahi tata'agita to ma fegutoga bona'i hiti Hu'mamofihi agoya hu emilata nehanamagita nalalu'nigitase. Hu'mamofihi kaga'auba lali'i lele'mo lubuto bilibe lu'ehinana alimi'ehibe.

Romu 9:1

Nani lusiga nolube. Nani Kilisitohi bona'a nohuto'ni faga menolube. To Hu'mamofihi Sikalafu'uba komopa'nigu nomina'auba lusiga nolane luto ai nelepi'ehina.

Yoni 1:10

Ana Kaga ai melugu nohuto to yana Hu'mamofihi Kaga'auba asaga me'momu'i lolo li huto hu'ehina ni'inaya to melugu boana'magi ai'i keheli bati mehi'ahabe.

Yoni 1:12

To bona'i luga'amagi be tigite le'mo bati hite agoya hu emi'ahana. To ya hi'ahanamagihi ya'ma Hu'mamofihi yagapana'a yabe luto ai enele'moto enebe tigi'ehina.

Yoni 19:27

to ana koko pana'amofihi lu emi'ehina: Ma a'i, itokafu nohibe, luto lu'ehina. To ya lu'ehigo ana koko pana'auba ito'afihi noha'aluga le'moto kaba hu eto'ehina yabe.

Aposolo 21:6

Yalo lali minoloto ai be tigigo ai be tigigo huto botigu notugo enali aku'i hepa'aniga bifa hi'ahabe.