Yoni 1:1 - Ka Lamana'a Monoꞌi Lu Mu Tifiꞌehina Ka Yabe

¹ Koyapa'i yata'a me'mo asaga'na huto mehu'ehigo Kaga mino'ehina. Ai to Hu'ma hiti moneka mine'aha'ina yabe. Kaga to Hu'ma ai'a moneko legege nohibe.

Yoni 1:1 Referans Kwoze

Yoni 17:5

Ke, Afo'niga, me'i huto mehu'ehigo kai hiti kokuluma fana meha'ni hiti mino'ohuna, ana suhi huto yatai kubulo nohugo aku'i fana mehaka nimitogo lito minalube luto nolube.

Huto Hilina Ka 19:13

To i kolo bise gu'a ya'ma golahi fele ete'ahana to gi'a Hu'mamofihi bagaguti ka'alo mino'ehina bomo yabe lite mele'ahana.

Kolose 1:17

Ai koyapa koyapa'i mino'ehina bo nohibe. Asaga'na huto mehina kanagu ai mino lito mino'ehina to ai'a kaba nohigo asaga'na aitoga hepito asaga'namofihi hapa'a bati bati huto mino'ehina yabe.

Yoni 1:14

Kagauba ai bo huto huloto lali folagahatigu mino'ehina. Lali ai fana meha'a abu go'ohune. Ai ya'ma moneko pana'mofihi fana meha'a afotifu ho lifigo o'ehina aitoga fuluna'a hiti ka lamana'a hiti bai toto mino'ehibe. Ai fana meha'aya pana'a yege'a aigo afo'afitogati li'ehina.

Huto Hilina Ka 22:13

Nani kohe toto alihi moloto munuha'a to hapa'a hapi filatana to li su holatanamofihi afo'afitamo nohube.

Yoni 1:2

Koyapa'i yata'a Kaga Hu'ma hiti moneka mine'aha'ina yabe.

Huto Hilina Ka 1:8

Amuya'atu enebe ligilata bo Hu'mau ai koyapa koyapa mino'ehina bo to yatai nohuna bo to minomo buto minalina bo ai ya'ma ma luto nolibe: Nani'nisigo hapi hulatana to li su holatana afo'afita nohube luto nolube.

Filipai 2:6

Ai Hu'mamofihi mehi huto mino'ehinaya Hu'ma hiti legege huto sipi bo minalube luto ya meluse to yana'mu amuya memolose huto ai'a sekele mamu'a fa'mene he'miloto agoya bameta mehi li mololoto bona'magita bameta mehi lolo huto huto hu'ehinamo ni'ibe. Minoto lito hu'ehinamofihi bona'magita lali bamehi huto mino'ehina. Yalo kele kele bo ana suhi mino'ehina.

Matiu 1:23

Yafana'uba yagapana hiti huloto pana'i ketoto gi'a Emanueli luto malalina'mu yabe. Ya'mana gi'amofihi hapa'aya ma luto ni'ibe: Hu'ma lali hiti nominabe.

Huto Hilina Ka 21:6

Ya luto luloto ma luto lu nimi'ehina: Ali bati hu su hobe. Nani koyapa'i kohe toto mino'ehina alihi moloto nasana hapi filatana to li su holatanamofihi afo'afita nohube. Mone'amagi enali nagami kumu noepesinogomo nanitogati minoba minoba nagami'i ya'ma ipi opoho nagamiluguti hefite nelete bite minalabe luto ya suhi huto mina'a meni'igo fa'mene epilube'mu hube.

Hibulu 13:8

Yesu Kilisitou ai'a koyapa'i kohe toto mino'ehina to yatai hiti minoto ana suhi lolo huto mino lito buto minalina'mu yabe.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

Yoni 16:28

Nani Afo'nifihi he'mi etoto metoga limi'ohuna. To ya'ma hepa'i he'mito Afo'nifitoga tilube'mu hube.

Huto Hilina Ka 1:17

Nani meha'a ya huto bu goloto i behe huto gigusagu hekili higo koloto mino'ohuna. Nefilina ya suhi huto ko'ohugo yahi lamaga'auba nugupisaga moloto ma luto noluto lu nimi'ehina: Kai kelesa melino. Nani kohe toto alihi moloto nohube.

Yoni 20:28

Ya ligo Tomasiu lu emi'ehina: Oho, Sipi Bo'ni yale. Kai Hu'ma'niga nohane, lu'ehina.

Taitasi 2:13

Ya nohuto Sipi Boti, Hu'mau lubuto bilata bo, to Yesu Kilisitou fana meha'a hiti huto hilina kana'amu geba hulata nohuta, yamofihi sekele mamu'a hiti nasanamo ni'inaya yana'mu fifa ilata nohune.

Hibulu 7:3

Melekisitekihi ito'afugo afo'afugo mine'aha'inaya etigi'atiti mekeheli'ohune. Ai'a enigiko enagako bona'a asaga'i fenene hu'ehigo mekeheli'ohune. Enali hapa'animu sa sa hite li huto mehi'ahanamo ni'ibe. Ai minoto lito hu'ehinaya, ito'afu keto'ehina kana to minoto fili'ehina kana'a ya'ma mekeheli'ohune. Ai Hu'mamofihi pana'a legi huto mamufa gilata nohina bo molo emito minomo buto mino'ehina nohibe.

Huto Hilina Ka 3:14

To Leotisia hepatoga Hu'mamofihi yagapana'amagihi agelo ya suhi huto kaba hu noepalana bouba ka'a ma luto fayahi koyoto emilenogo lu epilibe: Ka lamana'a lu latanamofihi hapa'a nohina bouba ka'a ligo ule'ale hulata nohina bouba lusi lu yete hose bouba Hu'mamofitogati ana'ina huto hu'ehina yanamofihi hapa'a nohilina lenali kumu ma luto nolibe:

Efeso 3:9

To Hu'mau suguna kamofihi hapa'a ai foya'a lito li su halinamofihi hapa'a ya'ma nani'ni lu huto huto nohugo bona'i kehelilabe luto nele'mo'ehinamo ni'ibe. Ya'ma Hu'mau ana'ina silaga'i li huto hulata nohina bouba koyapa koyapa'i ana suguna ka hapa'a ai'a komopa'agu fala kito minomo buto mino'ehibe.

Huto Hilina Ka 1:2

To nani'ni ya'ma Hu'mamofihi bagaguti ka'a to Yesu Kilisitou lu huto hu'ehina ka'a ya'ma bu goya ito keheli'ohunamofita yabe luto keheli'ohuto maga lu huto nohube.

1 Yoni 5:7

Yamofihi Sikalafu'i ai'a to mono nagami'i folo'ehina yauba to ya'ma fililago limi'ehina golahi ya nasanauba ya'ma enali loebe monebe nehago ka li'ahana ka ya'ma moneko legege hu'ehina ka ni'ibe. Enali ka Yesu Kilisito Hu'mamofihi pana'a nohibe lite nelabe.

Romu 9:5

To koyapa'i enali Hu'mamofitoga komopa'ani mele'ahana tatatigihi naga'aniguti huto hi'ahabe. To Kilisito ai gufa'a hiti bo nohibe luto ana huto Yuta bona'i naga'aniguti huto hu'ehina yabe. Ya hu'ehinagi lali Hu'mau asaga kaba hu'ehina botimo liyafa huba huba nohunagihe. Ma'naka yabe.

Yoni 1:18

To bona'i moneuba Hu'mamofihi bu mego'ehibe. Ya'ma Hu'mamofihi pana'a moneko'uba ai afo'afi hiti moneka mine hepi'aha'inauba Hu'mamofihi hapa'a lu huto huto lu limi'ehina yabe.

Huto Hilina Ka 2:8

To Semena hepatoga Hu'mamofihi yagapana'amagihi agelo ya suhi huto kaba hu epolo'ehina bouba kaga'a ma luto fayahi koyo eminogo lu epilibe: Kohe toto to alihi moloto ai filito aku'i ho tito minoba minoba hilata bo lenali kumu ma luto nohibe:

2 Pita 1:1

Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.

Huto Hilina Ka 1:11

Huto higo ya'ma luto keheli'ohube: Nasana bu nogata ya'ma bukugu fayahi koyolotoka yagapana'ni li gehesa 7 kaitoga he'milago Efeso hepatoga to Semena hepa'i to Pegamuma hepa'i to Taitaila hepa'i to Satisi hepa'i to Filatelefia hepa'i to Leotisia hepatoga bilibe.

Luku 24:53

Ya hilete enali asaga yupahi sipi mono nonugu nehite Hu'mamofihi gi'a liyafa hiba hiba hite mine'ahana yabe.

Yoni 8:58

Ya lite lago Yesu ka'anilo nona'a ma luto lu epi'ehina: Nani ma'naka luto lu nolepube. Abalahau huto mehu'ehina kana'alo nani minomo buto mino'ohuna yabe.

Kolose 1:15

Hu'mamofihi lali bu mego'ohuta bo nohinaya aku'i ai'a pana'a Kilisito ai Hu'ma legi huto moneko'i nohina bo yabe. Ai koyapa kanagu Hu'mau asaga'na lolo mehu'ehina kanagu mino'ehina bo to asaga'na lolo hu'ehinamofihi Yesu ai be ligi'ehina bo nohibe.