Yemesi 5:3 - Ka Lamana'a Monoꞌi Lu Mu Tifiꞌehina Ka Yabe

³ Lenali efahatini goli hiti siliba hiti golo notabe. Yanauba efahi li hetofa hite mine'ahana yamofihi hapa'a aliha'a huto huloto logomofihi suhi huto lenali lenugufatini hiti fe'nohatini hiti moneko kumu lalana'mu yabe. Fe'nohi li nupa hite mele'ahanaya, metoga nasana su halina kana'a hupamone hu'ehina, menekehelifiye?

Yemesi 5:3 Referans Kwoze

Romu 2:5

Kai komopaka ule'ale huto higo Hu'mamofihi kaga mekehelise nohatogo foipanaka munu munu suhi huto hilibe. Ya'mu'i Hu'mau ka foya malalina to kaga loko hilina yupahi noenogo ai bona'magihi sipi enipakafa enohoto to kai hiti osahi kimilina ya'ma huto hilinagi bu galune.

Huto Hilina Ka 21:8

To luga'amagi ufeha'a hiti nasana'mu enelesa lilina bona'i to mono ka keheli he'milata bona'i to kolo tanana lilata nehana bona'i to enoho fililata nehana bona'i to mokolo bona'i to nalisalo bona'i to faga lugefa enalapusa fi emilata nehana bona'i to faga fagalo bona'i ya'ma ya'iya nasana lite minelata hi'ahana asaga'i yege yegetoga enali nohi hepa'ani logo'a hiti nagami hefunugu kala efahi logo loto ni'inagu ya'ma minalabe luto lu'ehinamo ni'ibe. Ya nasanauba ya'ma filise'namofihi napa 2 lolo nohibe.

Huto Hilina Ka 20:15

To ana bona'i ya'ma enigi'ani amuya minoba minoba nehana bona'magihi enigi koyo molo'ehina bukugu meni'ina'a enali ya'ma logomofihi hefuha'agu kala efahi logogu loto ni'inagu fitu fo he'migo limite mine'ahana.

2 Pita 3:3

Ya nehite keheliya ite lenemehi emite kehelilo. Aliha kana'a tupa nohinogo bona'i sibina'a huto hilete foipanamofihi foya'aniguti lite minete nehite libe pigi bibe nehi lepelete ma lite lilana'mu yabe. Sipi Bo aku i behe huto alube luto lu'ehina yamofihi legeya'a hiya'a ni'ibe? Koyapa'i tatatigi keheli mebite minete fili'ahana yabe. Ya hulago ana'ina silaga'i melugu huto hu'ehina kanagu ema'aloti ana'ina'ya minomo buto tito mino'ehinamo ni'ibe. To ana supo huto mino'ehibe, lite lilanagihe.

2 Timoti 2:17

Ya'ma kaga futu'a fato bona'magi lu enelepise'nauba mele'isi hepuhi suhi huto sibina lolo huto mino lito buto asaga bonatoga napa huto buto lilube'mu hibe. Bona'i ya suhi hana'amagihi enalitogati Himenaiyo to Failetogo etali'ya neha'ibe.

Huto Hilina Ka 17:16

To komu'a 10 bu go'ahatamo enigihiti bo 10 enali to akafu yagakafa ai hiti ya'ma mokolo a'i aitoga ipakafa hete li felu henogo gukete'a sekele mamu'a li kisite gufa yapako nehinogo meme'a nelenogo luga'a ya'ma logouba lalube'mu hibe.

Aposolo 2:17

Ya'ma suhi kokuluma hiti me'i hiti su halina yupahi li huto hiluna'mu yabe luto Hu'ma lu'ehina: Nani Sikalafu'nimofihi amuya'a asaga boanatoga molo baga iluna'mu yabe. Lenali panatinimagi to patinimagi hiti enali lu huto huto bona suhi lite kaga lu yege halana'mu yabe. To nani fato fato'na neheya kola botinimagihi enali enubulo li huto hiluna'mu yabe, to oyafatinimagi bamu'i nani hu enubulo malaluna'mu yabe.